مقيط ورشاه...

[الفيصل]

يازين هاك اللـى تلامـع ثنايـاه
هاك الثنايا اللـى تلامـع لماعـه


بغى يطير القلب ياخـوك بعـراه
من هول ماشفته غدى في راعـه


غروٍ لك الله ماعرفنا وش اقصـاه
مير انزرع حبه بقلبـي زراعـه


كن القمر ياخـوك لونـه وحليـاه
رب السماسواه باحسـن صناعـه


وهني من تمسـك يمينـه بيمنـاه
ويقول له يازيـن سمـعٍ وطاعـه


ويقضى توال العمر ياخوك ويـاه
ابو 000000 ماتلتـه الرضاعـه


روح واناعينـي تخيلـه وتبغـاه
ولالي جدى في لحقته واستطاعـه


يمشي ويقصر داعج العين بخطـاه
واتلا العهد والزين يومي ذراعـه


وجاني مرض ياخوك من بعد فرقاه
مايطلعه حتـي طبيـب الاشاعـه


روح مثل ماروح مقيـط ورشـاه
الروحه اللـى ماوراهـا رجاعـه


والمشكله ياخوك وشلـون ابنسـاه
قمت اتخيل صورته كـل ساعـه




وســــــلا مــتــكــم

خالد العنقري

[براق الخريف]

أخوي الفيصل: ترى أول مرة أقرألهذا الشاعر بس والله مبدع .
عندما اقرأ أبياته بجد أحس بشعور غريب, لكن!!! وتقبل هذا مني عنده بعض
التوصيف غير لائق لأن شعر الغزل في نظري هو وصف الحالة الوجدانية
التي يمر بها الشاعر بعيداً عن وصف المحبوب وصفاً يستدعي النوازع الغريزية.
اختيار موفق.
وسلمت يمينك.
لكن بجد قصيدة جميلة ولايختار هذا إلا ذو حس مرهف.
سلمت يدك وصح لسان الشاعر.

[عبدالله]

سلمت يدك وصح لسان الشاعر.

[بنت الشعراء]

الابيات حلووووووة مرة
بس وش معنى مقيط ورشاة
وعلى العموم الله يعطيك العافية

[سعد العبود]

روح مثل ماروح مقيـط ورشـاه
الروحه اللـى ماوراهـا رجاعـه

جميل وسلس قصيد ابوعبدالعزيز وبيض الله وجهه......
وسلمت يد الناقل .................