المساعد الشخصي الرقمي

مشاهدة النسخة كاملة : ( يالبطران ) اقرب عندي لك سر

زجران
15/03/2004, 01:00 AM
عيال العم الاعزاء هذه اول مشاركاتي
معكم في قسم المحاوره واتمنى
ان تكون قد المقام


استلللم يالبطران



ياسلام الله على اللي ماطلبت احد ٍ سواه = علموا ( البطران ) عندي له علوم ٍ تنفعه
والكتاب مبين ٍ بالمنتدى وكل ٍ قراه = شلة ٍ تحاشمت والكل زهّب مدفعه
ظناني الشوق
15/03/2004, 10:09 AM
مرحبا مليون يازجران

وبدايه قويه .. أتمنى الك التوفيق مع خصمك العنيد جداً البطران

لكن الله يعينك تحيزم

ولا لقيت إلا البطران ... عزّ الله إنك بايعها:D

أتمنى أن نستمتع بمحاوره جميله
سعد العبود
15/03/2004, 02:25 PM
حيالله زجران هجوم قوي واطلالة تنبيء بطلوع نجم شاعر جديد ................

و انا بصف زجران ولا يهون البطران..............

ياسلام الله على اللي ماطلبت احد ٍ iiسواه
.....................................علموا ( البطران ) عندي له علوم ٍ تنفعه
والكتاب مبين ٍ بالمنتـدى وكـل ٍ iiقـراه
.........................................شلة ٍ تحاشمت والكـل زهّـب iiمدفعـه
القضاعي
15/03/2004, 03:23 PM
هلا والله بزجرااااااااااان ياهلا والله ومرحبا

بداية قويه مع خصم لا يستهان به (البطران)

الله يقويكم واحنا ماااااااااسكين الصفوف

سعد جود صف زجران وانا خالك وانا ابا اتولى صف البطران


يالله يالبطراااااااااااااااااااااان ترانا ننتظرك

وازهل الصف تراني متوليه

وحطيت لك ثلاث صفوف ورى بعض كل صف خمسين لحيه

الليل.......الليل
$البطـ777ـران$
15/03/2004, 04:35 PM
هلا والله بالشاعر ظناني الشوق تشرفنا بمتابعتك لاعدمتك

الشاعر سعد بن عبود يكفي حضورك طال عمرك يالبناخي

الشاعر القضاعي مادام قاضبن الصف اجل ماعلي خوف

زجران لي الشرف اني اتحاور معك ولا لي وجه اني ادقر

عند اسمك المستعار لاني زيك ( هذا عيب الاسامي المستعاره )


استلم لاهنت :


ياهلابك عد مالاحت بروقن من سماه = جالك البطران مايخشى موانع تمنعه
الكتاب اقره ولكن لاتصدق محتواه = الحَشِدُ شفته بعينك ...! أو كلامن تسمعه...!
الناقد
15/03/2004, 08:11 PM
الشاعران

زجران// البطران

بداية ساخنه تنبئ بقلطة

تستحق كل ما حشد لها من صفوف

وتستاهلون اكثرعساكم على القوه يامال العافيه
المشهاب
16/03/2004, 11:14 AM
الليل//////// الليل


زجراااااااااان و البطران


يمال العافيه لكم وترانا متابعين


والصف ازهله يازجران ولا يهون البطران
محمدبن سيف(ابوعبيد)
16/03/2004, 03:35 PM
السلام عليكم ورحمة الله وبركاته
زجران والبطران الله يقويكم شدو حيلكم لين ينقطع وانسو امر الصفوف
حنا عفادها وممايسرنا انا نمسك صفوفكم ياحباني
تحياتي:)
ابوهـيـف
16/03/2004, 04:04 PM
زجران والبطــران

بدايه رائعه واصلوا يامال السلامه

انا تراني بصفك يا زجران لأنك جديد والا البطران وقفنا بصفه بالمحاورات السـابقه

وبعدين يســده القضاعي متولي صفوفه و صاف له ثلاثة صفوف كل صف 50 رجال
والقضاعي ماشالله عن قبيله لوحده
عبدالله الحوري
16/03/2004, 07:18 PM
صح لسانكم يالزجران والبطران


والله يعطيكم العافية





سلام
زجران
17/03/2004, 12:17 AM
ظناني الشوق
وجودك شرف للجميع والبطران ماعليه كلام لكن الله يعين

سعد العبود
وجودك بصفي يزيدني قوه ,,,, وماعندنا الا بعض من ماعندكم

القضاعي
وجودك بصفي ولا بصف البطران اهم شي وجودك انت وصفوفك ال50 لحيه
واعرف ان وجودكم يرفع من قوة المحاوره

الناقد
متابعة واحد مثلك تكفي وشرف لنا جميعا ً ولا تبخل علينا بتوجيهاتك الهادفه ونقدك المفيد

المشهاب
الله لا يهينك ,, وجود من مثلك بصفي بحد ذاته فخر لي

محمد بن سيف
ابوعبيد ياحبي لك ( طالعه من قلب ) وتنقلك بين الصفوف فخر للجميع وتراه زين لك ;)

ابوهيف
الله الله بالصف لا يغلبنا القضاعي وصفوفه ,,, اهم شي انك بصفي انتصار اعلامي:p

عبدالله الحوري
الله يعافيك ويجمل حالك ,, ليش ماتنقّل مثل ابوعبيد ترى التنقل زين لك انت بعد:D


البطران الله يخارجنا معك
زجران
17/03/2004, 12:26 AM
استلللللم يالبطران

الحذر ساس الشجاعه واعرف انه لك نجاه = لاتومن شخص جالك لين تقرا مرجعه
كم شجاع ٍ صابته عله وضيع مبتغاه = شفنا خطاب انقتل من شخص عنده يتبعه
عبدالله الحوري
17/03/2004, 12:34 AM
تراي بصفك يالبطران :mad: هونا عن زجران




سلام
زجران
17/03/2004, 12:44 AM
ابويــــاسر هذي ترضيك انشالله وترجعك لصفي |546|
عبدالله الحوري
17/03/2004, 01:01 AM
ههههه مازعلت حتى أرضى الله يطول عمرك وماجينا عند ربعنا الا نبي نتنومس !! والله يبيض وجهك ووجه البطران !! و لايهونون الشباب الباقين والله يوفقكم !!!





سلام
محمدبن سيف(ابوعبيد)
17/03/2004, 05:24 PM
السلام عليكم ورحمة الله وبركاته
زجران الله يقويك ويعينك على الخصم اللى قدامك بس انشاالله ماعليك
خوف وصفوفكم ابا اواقفها لين تسمحون من بعض انت والبطران:)
تحياتي
$البطـ777ـران$
18/03/2004, 04:18 PM
الناقد الله لايهينك على المتابعة وتشرفنا بحضورك

المشهاب تشرفنا بحضورك سواء بصفي والا بصف الشاعر زجران

ابوعبيد ياهلا والله فيك يالبناخي

ابوهيف عادي ترى بعصر الاحتراف تقدر تنقّل بين الصفوف يابو سته

ابوياسر اتبع عواطفك ولا تطاوع مغريات زجران

ولد العم زجران اعذرني على التأخير لأنشغالي واستلم لاهنت :


الخيانه ياعميلي ما تِكَتّب بالجباه = والقدر مهما نحاذر لاتصّور نمنعه
الجبان اليا نوى خصمه يجيله من قفاه = عارفنه لو يجي قدام خصمه يردعه
القضاعي
18/03/2004, 08:33 PM
الخيانه ياعميلي ما تِكَتّب بالجباه ///

............ والقدر مهما نحاذر لاتصّور نمنعه



الجبان اليا نوى خصمه يجيله من قفاه ///

............عارفنه لو يجي قدام خصمه يردعه



الليل////////////الليل


رووووح يالبطرااااااااااااااااان وارقد عن الصف


زجرااااااااااااااااان لك مني صادق الود والاحترام يالغالي وسواء كنت في صفك والا صف البطران ترى القلوب عند بعظها جعلي ماابكيك
وصفك انت والبطران واحد لاهنت

اخوكما المود لكما القضاعي
الناقد
20/03/2004, 09:38 PM
رديه ممتعه على رتم سامري القصيم البعيد عن الجرمه الدوسريه!!:p
زجران
20/03/2004, 11:14 PM
البطران اخواني الاعزاء اسف لتأخري عن الرد

انتم خابرين هالايام اخر المكاشيت ولا نبي

نفوت ساعه وحده ,,,,,


استللللللللللم يالبطران جعلي ماعدم هالزول



انتبه لمسيلمه شيطانه زين له خطاه = صارت هروجه خطيره تقتل حتى اللي معه
واعرف اني عزوة ٍ لك لو تبي نخيب رجاه = ناخذ ونعطي معه ونضيعه بالمعمعه
$البطـ777ـران$
22/03/2004, 07:15 PM
هلا والله بالناقد تشرفنا

استلم ياولد العم:


لاتخيب حسن ظني وش لك ابدرب الوشاه = احذر البطران واصحا ..لاتهقوا تخدعه
عزوتي كانك تباها فرصة (ن) لك للحياه = عان يازجران بيبان السلام امشرعه
زجران
23/03/2004, 05:58 PM
استلللم ياولد العم يالبطران

صاحبي قام يتخبط يوم وصلت منتهاه = احسب انه شخص فاهم راح وقتي مضيعه
انتهى وقت النصايح وابتدينا في دواه = اعرفوا اني له طبيب ٍ لين زولي يفجعه
الصييفي
25/03/2004, 12:12 PM
الصراحة شعركم يا "بطران" و يا "زجران" راقي و وطرقكم خفيف على النفس. يمكن تركب على لحن أغنية "مذهلة" لمحمد عبده!.

أستمروا بارك الله فيكم على ها الوزنية و انسوا الصفوف.
$البطـ777ـران$
25/03/2004, 08:22 PM
هلا والله بالعم خشم الرعن شرفتنا والله

اخوي زجران استلم لاهنت وترى الدعوة ساعة صدر ياولد العم وهذا اخر رد لي لانشغالي وسامحني ان كان جا مني قصور :


ماعلى ذيب الغداري من كثر (...) الشياه = والله ان الذيب ماهمه جموعن تفزعه
انت نوّك في بداياته ولالي بالنواه = قم ترجل حبِّ راسي وامر ربي من سعه
زجران
26/03/2004, 02:00 PM
شرفنا وجودك ياخشم الرعن ...

استلللللم يالبطران ياولد العم



السلاح اللي تقوله مضربه بين الشفاه = منتَ كفو ٍ للزناد وخذ سلاحي وارصعه
صاحبي قام يترنح واقتله ريحة هواه = والفشق وسط المحازم للذيابه نجمعه
زجران
27/03/2004, 02:15 AM
ولد العم البطران

اسف لعدم قراءتي بأن مشاركتك هي الاخيره ,,, تم اخباري وتنبيهي بذلك من عضو متواجد بالمنتدى ,,,,,,,

تشرفت بمحاورتك ... واكيد الدعوه سعة صدر ومزوح وصدقني ماحصل الا كل خير

اتمنى منك ومن الجميع مسامحتي اذا زليت بكلمه


لك الحق بالرد اذا اردت

الى لقاء قريب انشالله

تحياتي لك وللجميع
الصييفي
27/03/2004, 09:56 AM
مشكورين يا "بطران" و يا "زجران" على الرد الحلو. للأسف في المشاركتين الأخيرتين نزَّلتوا شاربها كثير و لا كان فيه داعي لما يحتاج لإضافة الأقواس و النقط أو حذفها. خاصة وأن الأمر (كما رددتوا) سعة صدر و أناسة.

لكم التحية.
$البطـ777ـران$
27/03/2004, 04:37 PM
اخي الشاعر زجران

عطيتك وعد انه يكون اخر رد لي ولن اخلف وعدي حتى ولو انك رديت

وانت راع الوسيمة ولاجا منك اي قصور ياولد العم ومجمل انت اللي

انشاءالله ماشلت على اخوك .

العم خشم الرعن تقول "نزَّلتوا شاربها كثير و لا كان فيه داعي لما يحتاج لإضافة الأقواس و النقط أو حذفها."

الله يجزاك خير ياعمنا ارجع لبيوتي زين وانشاءالله منتب لاقي خمال

واللي بين الاقواس انا متأكد 100في 100 انك عارفها ولاجهلتك وهي

كلمة عادية جدا جدا لمثل شعبي موجود في الكثير من الكتب الشعبية

وبدون اقواس او نقط .....! ولكنني اّثرت عدم كتابتها ولافيها اي شي


اخوكم البطران
عبدالله الحوري
27/03/2004, 07:40 PM
البطر ان ، زجران

وســع الله صدوركم بالعافية

وبيض الله وجيهكم

محاورة ممتعة




سلام
الصييفي
28/03/2004, 07:27 AM
أخوي "البطران" كلكم ما قصرتوا ولم أقصد الإثارة في ردي و إنما كان بودي أنها انتهت قبل المشاركتين الأخيرتين لكل منكما. ما كتبته أنت في نظري لا يستدعي كتابة زجران لبيته الأول من رده الأخير.

على أي حال ما قصرتوا وعافاكم الله على ما قدمتوا من مراد جميل.
لكما التحية.
زجران
28/03/2004, 03:07 PM
اخوي خشم الرعن

البيت اللي تقوله اعتقد فهمك خاطي بالنسبه لمعنى البيت واعتقد البطران فاهم قصدي

اما من ناحية دخولك بعد نهاية المحاوره اشوف ان ماله داعي لاني انا والبطران انتهينا

بوداع حار ولا ودنا طال عمرك تحوس وداعنا ...وانت ترجع شي ٍ منتهي ... ونسيناه !!!

والمحاوره فيها فتل ونقض وشي ٍ اكبر من الفتل والنقض واللي بيزعل لا يدخل من اولها

واعتقد الجميع بيوافقني على ماقلت .... والشعار مايرضون انكم تفتحون لهم قسمكم

وتحكمون فيهم ومعانيهم .. فأرجو اخذ ذلك بالاعتبار ... وإلا راح تنفرون الشعار من عندكم ...


اسف للصراحه ,,,,,,,,,,,,,
الصييفي
29/03/2004, 01:37 PM
الأخ "زجران" مشكور على ملاحظاتك ولم أقصد من ملاحظاتي أي أذى لأحد.
لمزيد من التفصيل الرجاء الرجوع إلى الرسائل الخاصة.
و لك و للبطران و للمتصفحين أحلى تحية.
المشهاب
01/04/2004, 09:18 PM
يااااااااااااااااااازين الصفاااااااااااااااا والتسامح

بيض الله وجيهكم على هالمحبه والصفاء

لكما مني يازجران وخشم الرعن والبطران اطيب التحيه وازكااااااااهاا

اخوكم المشهاااااااااااااااااب
المشهاب
01/04/2004, 09:18 PM
يااااااااااااااااااازين الصفاااااااااااااااا والتسامح

بيض الله وجيهكم على هالمحبه والصفاء

لكما مني يازجران وخشم الرعن والبطران اطيب التحيه وازكااااااااهاا

اخوكم المشهاااااااااااااااااب