نوع جديد (محااااااااااوره رباعيه ) [الأرشيف]

القضاعي

18/03/2004, 08:57 PM

بسم الله الرحمن الرحيم

السلام عليكم ورحمة الله وبركاته

ايها الاخوه الكرام بعد التحيه والاحترام هذا محراف رباعي وهو عباره عن

اربعة شعار يشتركون في المحاوره كل شاعر يقول بيت واحد فقط

ويكون اثنين ظد اثنين ..والغرض منه اتاحة الفرصه للاخوان وترى الدعوى

عامه للجميع ///

1/// القضاعي
ياسلامي سلامٍ يزهم الشعار"="القضاعي بدابه بالرباعيه

سعد العبود

18/03/2004, 09:38 PM

وعليكم السلام ورحمة الله وبركاته
هلا خالي;)
فكرة جديدة نشكرك على البداية بها يا خال;) ولي الشرف أن اكون الثاني في المشاركة ...

2/// سعد العبود

مرحبا بالمسلم راعي الافكار= ياعميلٍ صدوق الفعل والنية

محمدبن سيف(ابوعبيد)

19/03/2004, 12:23 AM

السلام عليكم ورحمة الله وبركاته
الله يقويك يالقضاعي على الطرق والفكره الجميله0
وشد حيلكم انت وسعد وانا قاضب الصف وين الشباب والربع
لاعدمتكم:)
تحياتي

الحذني

19/03/2004, 07:36 PM

السلام عليكم يالربع وعساكم سالمين

اولا/مشكور يالقضاعي على اقتراحك الجميل واسمحولي اشاركم

///3///
المعاني تجي بالرطل والقنطار"="وملعبتنا نبيها دايمٍ حيه

ام الصلفوطي

20/03/2004, 09:25 AM

الحذني بدى الفزعه بدق الطار = وامّ صلفوط جاته كنها الحيه

الصييفي

20/03/2004, 11:22 AM

مشكور يا "القضاعي على هذه الفكرة الجديدة و التي جابت شاعر جديد "أم الصلفوطي"!

يا الله يالشعار (هل فيه شاعرات؟) سرّوها نبغي نشوف كيف تشكّل الفِرق و تماسك الصفوف:

أنا أبا اصير بصف "ام الصلفوطي" أم الدم الجديد.
يعطيكم العافية.

القضاعي

20/03/2004, 01:03 PM

ياهلا والله ومرحبا بكل من شارك وابرك الساعات اللي جمعت للحوات الغانمه

سعد العبود ماعليك زود وانا خالك وابرك الساعت لاعدمتك
الحذني بيض الله وجهك وابرك الساعات اللي حظرت فيها
ابوعبيد مانستغني عن حظورك ومسكة الصف لاعدمتك
ام الصلفوطي ابرك الساعات اللي شرفت فيها
خشم الرعن شكراايالغالي على الحظور لاعدمتك ولا نستغني عنك طال عمرك
استلم ياسعد طال عمرك

يوم عدى الرقيبه في جبل سنجار"="شاف رجل علج له لقمةٍ نيه

$البطـ777ـران$

20/03/2004, 06:01 PM

الله الله واصلوا وترانا متابعين

وانا بصف ام الصلفوطي وابن عبود بس الله يهديها ام الصلفوطي لو تسلم

على عيال عمها والا ترحب :D

القضاعي والحذني دوروا من يقضب صفوفكم :D

الحذني

20/03/2004, 10:26 PM

هلا ومرحبا فيكم جميعا
تسلم يالقضاعي يا سنايدي الله الله خلنا نوريهم الشغل الحامي
ومادامي مع القضاعي ماعلي خوف.

ام الصلفوطي استلمي/

ياامّ صلفوط انا مابين غار ونار"="وكل حيه لها عندي دوا كيه

زجران

20/03/2004, 11:25 PM

الله الله واصلوا يعطيكم العافيه

لا تشره يالبطران ,,,, من شفت التوقيع وانا غاسل ٍ يدي

ام الصلفوطي ترى كله مزوح وسعة صدر يعني لا تدققين

انا بصف ام الصلفوطي وسعد بن عبود ولا يهونون باقي الشعار

سعد العبود

21/03/2004, 05:57 AM

ابوعبيد هلا وغلا ومرحبا فيك مليون يالغالي...........

أم الصلفوطي هلا والله وغلا فيتس والحقيقة المحاورة اليوم مختلطة ;) حيا الله اخت الرجال ......

خشم الرعن يا مرحبا فيك والله لا يخلينا من هالطلة المباركة ...........

البطران حياك الله ودامك قاضب صفي أنا وام الصلفوطي ما على صفنا خلاف دامك فيه حياك الله بأي صف يالغالي............

الحذني هلا وغلا والله ..............

زجران هلا والله وغلا بأي صف لكن دامك بصفنا أنت والبطران والله اللي بيعتز جعلك تسلم ...........

القضاعي أستلم لاهنت يا خالي;) :

ماعلى الطيبين الا من الأخيار=شبحهم فوق فنجوم سماوية

ظناني الشوق

21/03/2004, 07:21 AM

السلام عليكم ياعيال العم

ماشاء الله الدعوه بدت تاخذ طابع ثاني شدوا حيلكم ترانا متشوقين للنتايج

أنا بصف القضاعي والحذني
ولا يهون إبن عبود وخويته:D

ام الصلفوطي

21/03/2004, 02:40 PM

خشم الرعن/ مشكور على قضبة الصف ياعصابة راسي.
القضاعي/ كلمتين ترحيب ماتسدني منك.. اومستحي لاتحاكيني قدام الرجال.
البطران/ يازين اسمك والله لولاي منشنه على الحذني للد لك.
زجران/ اشبكه تعير المنخل.. لولاكم بصفي كان رصيت زر التحكم وغيرتكم.
سعد العبود/ هلا وغلا ولياي اوصيك اقضع الرجال.
ظناني الشوق/ بعذره لو ظناك اجل "لايهون ابن عبود وخويته" مالت عليك" ليدز فيرست"
الحذني/ وراك ماقضبت سراك ترى حبيبتك ماهي طايره.
واستلملاهنت|58|

لاتهاب انت في عيني طويل اشبار = ودّي التبْسك ونقعد سوى ابفيّه

كنداري

21/03/2004, 04:15 PM

8
8
8
منتب سهله يا ام الصلفوطي:D

يالله مدام ام الصلفوطي جديده انا بصفها:)

القضاعي

21/03/2004, 07:02 PM

هلا والله بمن حظر وبمن سوف يحظر

الحذني ارق سنود ياعصابة راسي وابشر بسعدك والله ماتعذرك وفيني عرقٍ ينبط

ابو ابراهيم لك مني فائق الود والاحترام ياعيون خالك

ام الصلفوطي ياهلا ومرحبا ومقربا زارتنا البركه اهلاااااا وسهلاااااااا:Dتسدك والا نزود

زجران اهلااااا وسهلااااا بصف من تكون اهم شي تواجدك لاعدمتك

البطران لي الشرف ان ارى مشااااااااركتك لاعدمتك ولك مني فائق الود والاحترام

كنداري بيض الله وجهك على الحظور والمتابعه لاعدمتك ولي الشرف بحظورك

سعد العبود استلم وانا خالك جعلي مابكيك

قلتها ياعميلي والفلك دوًار"="كم كريمٍ يبوقونه حراميه

سعد العبود

22/03/2004, 01:21 PM

ظناني الشوق:
هلا والله وغلا حياك الله في اي صف طال عمرك ..........

أم الصلفوطي :
ابشري والله بسعدك يا أخت الرجال ........

كنداري:
هلا فيك والله وبيض الله وجهك ..............

خالي القضاعي استلم يا خال وعساي اقدر على طلب ام الصلفوطي;)....

أنت خابر وأنا خابر يابوعمار=اكثر الخلق ما موره ومنهية

الحذني

22/03/2004, 06:01 PM

السلام للجميع

بيض الله وجهك يالقضاعي ياعصابه راسي

ام صلفوطي اسمحيلي يوم ماقضبت الدور من الشفق عليك

استلمي:

ما نهاب الله اللي يملك الاعمار"="غاية مناي كان ايديك بيديه

ام الصلفوطي

22/03/2004, 07:11 PM

عزاء لكل مسلم ومسلمه :

اذرف الدمع من عينك يجي مدرار = اقتلوا الشيخ ياسين اليهوديه

ام الصلفوطي

22/03/2004, 07:26 PM

كنداري / هلابك وعاد وش رايك لو أبخ على الهريفي اللي بتوقيعك مهوب رجيم احسن له من كثر الركض
القضاعي/ خلاص عداك اللوم
ابو ابراهيم / تقول وتطول

الحذني / كفو والله ومسموح يابعد روحي.. وبيتحقق مناك الى خذت علمي هذا بالقبول :

رفقتـِك والقضاعي حسني وغوار = تنصحـِك شيخة الجن اشعراويه

القضاعي

23/03/2004, 07:22 PM

ارحبوااااااااااا جميعااا لاهنتوااااا

استلم وانا خالك جعلي مابكيك
خابرٍ ياحمد الياسين فاللي صار"="يوم دفوك من فوق العربيه

سعد العبود

24/03/2004, 12:10 AM

ارحبووووووووو يا رجال ويا حريم ;) يا مرحبا مليون

استلم يا خال :

لا رميت انصح انك تضبط المعيار=لاتعود علي بأفكار رجعية

الحذني

24/03/2004, 02:09 PM

مربا بالجميييييييييع

استلمي/

القضاعي رفيقي فارسٍ مغوار"="والنصيحه تباع ومرّ عاريّه

ام الصلفوطي

24/03/2004, 03:07 PM

عسل للجميييييييييع

هاك /

للسياسه مبادي صر غريب اطوار = ذا زمن تنتفي عنه المثاليه

القضاعي

25/03/2004, 10:36 AM

ارحبواااااااااا لاهنتوا
الحذني دمت لي بالف خير وعافيه ياعيون القضاعي
استلم ياسعد وانا خالك لاهنت

لاتجي في طريقٍ بان فيه اخطار"="كان ماانته بقادر تنطح الهيه

الصييفي

25/03/2004, 12:00 PM

بيض الله وجيهكم يا أيها الرباعي فقد أبدعتوا بهذا المجهود المشترك، مثل لعبة "البلوت" إلا أنكم كلكم فايزين و لا فيه انسحاب ، يمكن تنازل.

أخوي "الحذني": راجع بيتك اللي قبل الأخير، يتروى لي أنك نسيت أدات الإستثناء "إلاّ" من العْجلة، كالعادة!.

لكم جميعا و للمتابعين كل تحية.

سعد العبود

25/03/2004, 01:30 PM

بيض الله وجهتس يأم صلفوط ..........

لا هنتوا يا رجال وحياك يا خشم الرعن ............

استلم يالقضاعي لا هنت ..... معاد فيها خال ;)

مشكلة منكره ما صادها الردار=وطاح من عقبها الرجال فالخية

الحذني

25/03/2004, 04:14 PM

هلا بالجميييييع
القضاعي لاهنت ياسنايدي ..تراي عصاك اللي ماتعصاك.

مرحبا اخي /خشم الرعن ...راجعت بيوتي جميعها لم اجد فيها اي ملا حظة ..ارجو ان توضح لي اي بيت وشكرا.

استلمي يام الصلفوطي/

السياسه بها كلٍ غدا محتار"="ودي اقول لكن كيف يابنيه

ام الصلفوطي

25/03/2004, 05:46 PM

اطول بطولتك يابوابراهيم .. ولايهون الجميع ...

وياهلا بك دوم ياخشم الرعن...

وافايالحذني لاتحتار و ام الصلفوطي ازرار بحلقك وشفها بتعلمك :

ما مضى لايعاد وسجله تذكار = فكر اليوم بالحاضر وقافيه

الصييفي

25/03/2004, 09:44 PM

أخي الحذني: راجعت البيت و و جدت أنه مافيه مشكله للي ينتبه، لكنه يحتاج إلى فاصلة حتى لايحصل الإلتباس اللي وقعت فيه أنا.

بيتك هو كالتالي:
ما نهاب الله اللي يملك الاعمار" "غاية مناي كان ايديـك بيديـه

فالذي يقرأه بدون فاصلة يمكن أن يتوهم أنك تقول: ما نهاب الله و العياذ بالله، لكن إذا وضعت الفاصلة أبعدت إمكانية هذا الخطأ الفادح:

ما نهاب، الله اللي يملك الاعمار" "غاية مناي كان ايديـك بيديـه

و الآن قد ترى سبب كتابتي للملاحظة و كيف أن الفاصلة ضرورية.

لك تحياتي و طلب المعذرة على هذه الملاحظة التي لم تكن واضحة لك.

الحذني

26/03/2004, 09:35 AM

اخي الغالي/خشم الرعن...الله يسلمك وشاكر لك ملاحظتك وتنبيهك اللي في محله

والحقيقه انا ما وضعت نقطة للوقف لأن كلمة (مانهاب) الباء فيها ساكنه وخاصة على اللحن اللي نلعب عليه فلو قرئت بالفتح تغير اللحن الى اخر.
وفعلا هذا النقد اللي نبيه لأن الفائده تكون عامه .

وانا شاكر ومقدر لك اهتمامك اللي في محله ..تقبل مني كل الود والتقدير .

القضاعي

26/03/2004, 12:44 PM

ارحبواااااااااااااا جميعاااااااااااااا لاهنتوا
الحذني انت عصابة راسي لاعدمتك
افااااااا يابو ابراهيم ابك انت وش علمك معاد فيه مخول :D
استلم ياسعد ياللي ما يبي للقضاعي شله ولعاد يبيه خال له;)

ظن بالي تبعد شبحة الانظار"="عن بنات الكحيله والصويتيه

سعد العبود

26/03/2004, 02:46 PM

لاهنتوا جميعا فردا فردا شاعرا كنت او عضواً ...............

أم الصلفوطي صلفطي الرجال وتراي على الله ثم عليتس.................:D

أستلم يا أخ / القضاعي اللي كنت في السابق خالي;):D

أعلن الحرب فالميدان يالمختار=فالمعارك يجي موتٍ بلا ديه

الحذني

26/03/2004, 08:15 PM

لاهنتوا جميعا فردا فردا شاعرا كنت او عضواً ...............

القضاعي/لاهنت ياسنايدي.
ام الصلفوطي/

ودي اخذكِ والله لو فقط مسيار"="بنتِ داري اخير من المصيريه

ام الصلفوطي

26/03/2004, 09:39 PM

ام الصلفوطي اني امه.. تموت الرديه مانخيت.. وقبل كلش
ياهلا وغلا بالجميع
ثم اهمز راسي يابو ابراهيم وازهله.. ومثل ما تشوف الرجال لينت حصاته
وااااه يالحذني ابرك الساعات لوتبي "زواج فرند "وراتبي لك كله.. بس اخاف انك
تصير من رعية التسمين عند العم سام /

قال بوش العرب عندي عشيبة غار = كلهم اصبحوا اتيوس مخصيه

الصييفي

27/03/2004, 03:04 PM

حي ذا العين يا أم الصلفوطي! لكن وش تبين بالحذني تزوجينه و هو واحدٍ من العرب اللي ذكرتي ببيتك الأخير؟؟

لكم جميعاً كل تحية.

القضاعي

27/03/2004, 06:45 PM

ارحبواااااااااااا ياهلا ومرحبا
الحذني لااوصيك الله //الله
ام الصبلفوطي ترى التعميم شييييييين وله عواقب وخيييييمه ولايجي من الشاعر الفطين

وتراك شملتي ناس واجد وانتي مادريتي واولهم نفسك واهلك و.....و......و.....و.......الخ
سعد العبود استلم واناخالك ولعاد تعود العقوق وقولة منتب خالي :Dترى القطاعه مهيب زينه :D

مانويتك بحربٍ مير فيك اطيار"="اسبر الجدي بالروحات والجيه

ام الصلفوطي

28/03/2004, 10:13 AM

نداء عاجل

يالربع من عين ابو ابراهيم.. مدري علامه خلاني بالمهمهيه ؟

غاب سعد العبود وعميت الأ بصار = طايرات الشبح "استلث" مخفيه

hotmail

28/03/2004, 11:08 AM

الله الله

يالله يا ام الصلفوطي انا معتس بالصف ولا يهونو الربع
واصلو واصلو;)

العقرب الخطير

28/03/2004, 04:05 PM

واصلو يالربع

وانا بصف ام الصلفوطي ولايهونون البقيية;)

سعد العبود

28/03/2004, 10:51 PM

يا هلاااااااااااا وغلاااااااااااا يا مرحبا بالجميع شعار و أعضاء ..............

ام الصلفوطي افاااااا مهوب أنا اللي يهمل رفيقة لكن الظروف قشر والواحد مهوب كل شن على كيفة ............ وأشوا انتس معي كل العالم معنا :D

بس ترا التعميم مفروض إلى ان يبين شيء ينافي هذا التعميم أنا معتسسسسس لآخر قطرة من دمي ..........

الأخ القضاعي صاحب اللقب المخلوع اللي كان خالي أستلم لا هنت وترا إذا ضبطت امورك معي رجعنا لك الرتبة ;)

ويش اسويت اشوفك تقطع الأنهار=كن مافي البلد جره ومريه

الحذني

28/03/2004, 11:25 PM

مرحبا بالجميع.
القضاعي/ياسنايدي ابشر بسعدك ..ام الصلفوطي...........خلاص صلفطناهاابشرك الليله (الدخله)

استلمي يالغاليه/

اتركي بوشِ خلينا ندق الطار"="ودي العب معاكي طاقِ طاقيه

ام الصلفوطي

29/03/2004, 12:13 AM

هلا ومرحبا بالجميع
خشم الرعن/ أظني اباخذ علمك بالقبول.. الا ان كانك طامع في ارويتبي؟
القضاعي/ ودي انشدك عن اجتماع اليوم وامس للجامعه العربيه ومجلس الامن.. من اهنا باقي منهم ماخصاه بوش ؟ ولكن ابشر
ابقول له: " خص " ولاتعم
ابو ابراهيم/ هذا والله المظنون والغايب حجته معه.. واكيدكلٍ بيجي
بصفي " عقل وثقل وزينه وبنت ارجال ولي راتب .. وش خليت" ؟
الحذني/ ماش وسومها بخشومها اخاف ان فعلك مثل (طارك )اللي سرى .. ولكن :

بفحصك وان ثبت ماقاله البيطار = مالي الاّ "خشم" لوّ التوى اشويه

الصييفي

29/03/2004, 08:26 AM

الله يعطيكم العافية يا شباب على سعة الصدر.

أم "الصلفوطي": أنا واحد من العرب ولا بد تستثنيني و ترجّعي لي "الماخوذات" على شان أفكر بالعرض، و يكون ببيت شعر محكحك.

للجميع التحية.

القضاعي

29/03/2004, 11:34 AM

ارحبوا جميعا لاهنتوا

كفوااا يالحذني وعلى البركه;)
ام الصلفوطي حصل خير والحذني ماخطب الا ماليٍ يده وواثق بنفسه
استلم ياسعد وانا خالك لاهنت
كيف تنهى الطرب وانته معك مزمار"="فيه غنيت نغماتٍ سياسيه

سعد العبود

29/03/2004, 11:51 PM

ارحبوااااااااا هلا والله بالربع كلهم .............

ام الصلفوطي ماعليك منهم بس أنتي في المقدمة والعلم معتس............

القضاعي خير إنشاء الله شكلك بتاخذ الرتبة غصب علي خال معاد فيه خال أنسسسس لا واستلم لاهنت :

ويش اسوي لقيتك شايل المنشار=تحسبن نغمته نغمه موسيقية

زجران

30/03/2004, 12:15 AM

واصلوا يالنشامى ترانا متابعينكم وماسكين الصفوف

ام الصلفوطي

31/03/2004, 08:42 AM

هلا وغلا بالجميع

خشم الرعن/ ابشر ياطويل العمر باللي تبي.. "والماخوذات" كانها ماصارت من اسلحة الدمار الشامل عند بوش فازهل من يرجعها
بس فكر ولا تنسى المحكحك" اقصد بيت الشعر"

القضاعي/ بيض الله وجهك على الرديه البارح مع البطران.. ولو ان ام الصلفوطي ودها انك ماتسرعت بالاجابه الغلط على نشدة البطران
كان خذت وعطيت معه لين تعرف وشهو يبي .. وترى "عيونه"كلمة ساريه

وخلنا انعود على طير يللي.. الرجال فحصته وثبت انه معادهوب على خبرك منول

ابو ابراهيم/ اذاقالت ام صلفوط"حذامي" فصدقوها@ فالقول ماقالت ام صلفوط"حذامي
واكيد العلم معي هذا واحد سرحناه بالبهم والا خر بنتفرد به :

قل له ايقرب اذنه تسمع القيتار = تنجذب للمغنْ طربه هواويه

ظناني الشوق

31/03/2004, 11:33 AM

قواكم الله ياشباب وشيبان وصبايا ( علشان ام صلفوط)

سعد العبود / القضاعي عساكم على القوه
الأخ سعد ياليبتك ترجع اللقب الى القضاعي ترى كبير السن يشيط بسرعة

الحذني / ام صلفط
بيض الله وجيهكم ترانا متابعين وماسكين الصفوف مره معكم ومره مع اللي فوقكم

لكم تحياتي

الحذني

31/03/2004, 08:23 PM

هلا بالجميع..
القضاعي /ازهل ام صلفوط ماعندها الا الحتسي
وعلى هونتس ياام صلفوط ..تراي مابعد فتنت كلّه مدارا لخاطرتس

استلمي/

ياامّ صلفوط اعرف ان الفلك دوار"="قابلن بك ولو ينقال جاويه

ام الصلفوطي

01/04/2004, 12:11 AM

مادام "الفلك دوار " ساريه من قبل..
اظن الحذني مثل تلفون مصر "مايجمعش"ولذا الدور علي:

عزّتا للفلك مدهول سرّ جْهار = كيف يــِقرعْ هـِريفي ماله خْصيه

الصييفي

01/04/2004, 01:43 PM

"الحذني" : ما ملكت ارضك و انتظرت لين ترجع عليك "الماخوذات" قبل تنزل تحت رحمتها. أنا كنت عارف أن حكمها عليكم يالعرب بدون استثاء ما هو رايح بلاش لكن تبيه ذخيره بالحزام وهذي هي إحتاجته في بيتها الأخير.
"أم الصلفوطي": منتيب هيـّنـه، إسم "عود الضبان" ماخوذ و الا كان أقول يصلح لك حتى لو يصير "عجوز الضبان" مقطع جلدك التصلفط بالجحور.

على أي حال كلكم(أبو براهيم، و "القضاعي" و "الحذني " و نجمة الحلبة "أم الصلفوطي") تستاهلون العلم الغانم و حنا متابعينكم و عساكم على القوة.

و لكم كل تحية و تقدير و إعجاب.

المشهاب

01/04/2004, 09:09 PM

الليل,,,,,,,,,الليل

واااااااااصلوااااااا

وحناااااااااااا متابعين

وتراااااااااانا بصف ابن عبود وام الصلفوطي

ولا يهون القضاعي والحذني

المشهااااااااااااااااااااااب

القضاعي

03/04/2004, 02:30 PM

خشم الرعن//ظناني الشوق//زجران//المشهاب //

ارحبوا ولاهنتوا على الحظور والمتابعه لاعدمتكم

الحذني بيض الله وجهك وسنع الرجال وش رايك بالغطو تهقى ان ام الصلفوطي فاهمه انا نقصدها:D

استلم ياسعد وتراك ماخلعت مني وسام الملك عبد العزيز رحمه الله
ياسعد لاتزاود باشة التجار"=" وانت مامعك بالمخباة خرجيه

سعد العبود

03/04/2004, 03:01 PM

زجران :
هلا ومرحبا حياك الله يا الغالي ............

ظناني الشوق :
دام أنك الواسطة ما أقدر اردك ابشر والله بسعدك ومرورك اسعدني ......................

خشم الرعن :
مرورك له طعمه الخاص ياهلا وغلا...................

أم الصلفوطي :
عليك بالرجال تراك ما قصرتي به على إنه ناشني من الطيب نصيب;)

القضاعي:
ماعليك جتك الوسايط والا كان معاد تحلم بالوسام اللي أملكة أستلم ياخالي القضاعي :

والله اللي جزاني ماجزي سنمار=غلطته فعل خير الفين بالميه

الحذني

03/04/2004, 05:59 PM

هلا بالجميع

القضاعي/ هلا ياسنايدي الهقوة ان ماعندك احد.
والسموحه على اعادة القوافي لأني اعتمد على الحافظة وصعب اني اقلب الصفحات لأن التحميل عندي بطيء...والدعوى بسيطة

ام صلفوط استلمي/

امِّ صلفوط انا عندي لها فكسار"="جرِبيني ولو مقيالِ طرقيه

ام الصلفوطي

03/04/2004, 07:50 PM

هلا وغلا بالجميع كل باسمه

وانتم ياخوان اخيتكم عندها كلمة راس لكل واحد منكم :

القضاعي/ اظنه يدربيك السيل وتقول ديمه

أفا مهيب هي يابوابراهيم :

أعرف انك مذيع لْنشرة الأخبار = والعطر واللحن للغير مهديه

الحذني بيني وبينك:

أنته اليوم مثلي من حمام الدار = افرحي ياسكينه باختك رْقيه

القضاعي

04/04/2004, 12:07 PM

الحذني كفواااااااياذيبان
استلم ياسنمار سعد العبود;)
انت ودك تحًرف سيرة الابرار"="شف بالك تجي سيره خمينيه

سعد العبود

04/04/2004, 03:20 PM

ام الصلفوطي تراي امزح والله إنك رافعتن روس ربعك كلهم وكلن يردد بيوتك يمال السلامة والله .......................

سنمار جاك يا خاله استلم لاهنت:

أمر ثابت ولا ينفعكم الانكار=تجتمع مع رفيق الخير في حيه

الحذني

04/04/2004, 06:32 PM

السلام عليكم

القضاعي /انت عصابة راسي عليك بسعد .ومايحتاج اوصيك.

ام صلفوط.تراني مليت من كثر ما اساحرك واداريك.

استلمي/

جعل وبل السحابه يسقي الامصار"="يشمل الديرة ومعها الشبرميه

ام الصلفوطي

04/04/2004, 07:14 PM

ابوابراهيم/ ربعي هم اللي رافعين راسي فوق فوق يالبناخي.. وانت عذرك مقبول ولكن لا عاد تعودها وانا اختك

الحذني/ "فين باتروح والحبل مزرور.". الله جاب لي اخت ماولدتها امي وتبيني افرط فيها.. مالك لوا بس ابخليك ترد النفس هالمره :

لا تخيل السحاب اللي بْسمانا اكثار = هقوتي انك تبيها سد معذريه

القضاعي

04/04/2004, 08:21 PM

الحذني ارق سنود يامحزمي وعصابةراسي

استلم ياابو ابراهيم

اجتماع المعزه ماعليه اغبار"="والمهبلا يحسب الناس مبليه

شعراوي

04/04/2004, 08:28 PM

الشعار الكرام القضاعي وابو ابراهيم والحذني
ولا انسى شاعرة الشعراء ام الصلفوطي
فهي عن عشرين واحد عزي للي يجي حول نارها
وتبقى ام الصلفوطي نجمة خلوها بيض الله
وجيهكم ووجهها الابيض والله ماهوب عادتي امسك
صف احد عن احد الا هالمره انا بصف ام الصلفوطي
صفها تداحم طوابيره وابشري يام الصلفوطي بس
ارفقي على الربع تراهم عيال عمك وسلمت
متابعين
واصلوا
لاهنتوا

سلاااام

سعد العبود

04/04/2004, 09:39 PM

ام صلفوط ابشري :rolleyes: وعساك على القوة ............

شعراوي هلا وغلا ومرورك شرف للجميع ...............

خالي القضاعي استلم لا هنت :

يا عساها نتايج خير واستثمار=مانويناه لكن جبت طاريه

ام الصلفوطي

04/04/2004, 10:37 PM

ياهلا والله بالجميع اعموم
وبك خاصه ياشعراوي.. تحيه تكسيك من راسك الساسك انت وكل من قضب صفي انا وابو ابراهيم وصح السانه

الحذني /استلم ياعريف:

فارس(ن) مبتلى جرّع كويس امرار = الشجاعي لحس دمّ المهبْليه

الحذني

04/04/2004, 11:56 PM

ام صلفوط وش هاالعجله/

خابر الفيل مايقرن معاه الفار"="ويامِّ صلفوطِ ماتسوينِ ربيه

ام الصلفوطي

05/04/2004, 12:48 AM

امون عليك يالحذني:

انتبه للعقيده أنت يانجار = تصبح فويرة ن بالصون مشويه

$البطـ777ـران$

05/04/2004, 11:09 AM

انتبـه للعقيـده أنـت يانجـار تصبح فويرة ن بالصون مشويه

ام الصلفوطي والله ينخاف منتس مالتس صحيب الخوف ليّاك تحولين

على اللي قاضبين الصفوووووف الله يستر :(

واصلوا وتراني مامسكت صف احد ولا لي شغل باحد <-----(خاف)

القضاعي

05/04/2004, 03:03 PM

ارحبووووووووووووااااا جميعااا
ام الصلفوطي ترى الرد ببيت واحد كرمااا وليس امرااااوالرجاء التقيد بالدور والترتيب

استلم ياابا ابراهيم

كل ماننشدك يافني المعمار"="قلت انا ويش اسوي ماعرف لشيه

سعد العبود

05/04/2004, 03:28 PM

ام صلفووووووووط كفو والله ياأخت الرجال ...............

البطران هلا وغلا وانضبط لا توريك العلم أم صلفوط:D

استلم يا خالي القضاعي :

لجل تضهر مثل غيرك على الأنوار=ويكشفون الجماعة قدر مكفيه

الحذني

05/04/2004, 09:35 PM

مررررررررررررررررراحب بالجميع.
لاهنت ياسنايدي يالقضاعي

ام صلفوط/لاتصدقين اللي يمدحونك ..تراتس ماشي الحال نقدر نقول تدرجين الضلع .وبييتاتس ماتحمس القبيل لكن نتغصب مجاملةٍ لتس:D
سامحيني تراي امون عليتس

جاهله ماتعد بحسبة الانفار"="ماثقلتي اشوفك خنفشاريه

ام الصلفوطي

05/04/2004, 10:09 PM

مرحبا بالجميع

البطران / ارحب ياولد الشيوخ .. يحق لك دولارات ورقم سفن اب مميز ..

القضاعي/ رجاااااااك يابن العم اااااامر..

ابو ابراهيم/ شع نورك على وضح النقى وانا اختك..

الحذني / مقبول ماجا من اختي ار قيههههههههههه

ودي تدري من حيث السرا انت وغيرك ان:

مابه اخلاف لو جا شْخيب عقب احضار = كلها خاضعه لامر المزحْميه

القضاعي

06/04/2004, 11:01 AM

ارحبووووووووووووو جميعااااااااااااااا
الحذني لك مني جزيل الود والاحترام

استلم ياابا ابراهيم

خيًه وقدر واركض قدمك المظمار"="ويش باقي بعد يافيصل العيه

سعد العبود

07/04/2004, 12:34 AM

ام صلفووووووووووووط كفوووووووووو والله ونورك يغطي كل نور نراعيه ..........

استلم ياخال;) :

انت لا انتهب لا ثعلب ولا مكار=لزمة الهرج عند الناس مقريه