راسي رفيع

[عساف الصعب]

ابداع للاستاذ ابراهيم بن مشعل قصيده قراتها في مراة القصر وهي مطويه تنشر في الاعياد بقصر الصعب ....





اذاكان الحبيب اللي احبه كل يوم بلون = يروح يدور اللي ينخدع في كثر الالواني
انا لي بالهوى مبدأ ولي مذهب ولي قانون = ولاأقبل كلمة العاذل لو إنه من حدى اخواني
حكولي الناس عنك ولاسمعت الناس لويحكون =اخادع فيك تفكيري وأخادع فيك وجداني
ولكن شفتك بعيني مع غيري سوى تمشون =تسمعه الكلام اللي سمعته منك واشجاني
الا ياخاين العشره ألاياغابن المفتون = تبيع الحب في سوق البلاش وتشتري ثاني
انا غلطان في حبك وعادات البشر يخطون =ولاني طاهر النيه كشفك الله ونجاني
تمتع في غرورك الوعد قدام يالمظنون = تبي تندم على مافات لكن وين تلقاني
انا مانيب من ناس تلد لفضلة الماعون = طبيعه والطبيعه خلق ربي عالي الشاني
انا راسي رفيع وعز نفسي فوق مايطرون = اذا شفت الجفى من صاحبي غيرت عنواني
الشاعر /ابراهيم بن مشعل الصعب

[ابو دخن]

صح لسانه

[سعد العبود]

صح لسان الشاعر وسلم الناقل ..................

[بنت الشعراء]

سلمت ولاهنت
الله يعطيك العافية

[سيف السيف]

الاخ الصامل


بيض الله وجهك على هالمشاركه الاكثر من رائعه

وصح لسان الشاعر/ابراهيم بن مشعل الصعب وتسلم يمينه على هالقصيده العذبه

اللي فعلا شدتني وابهرتني بكلماتها وقوة سبكها ..

مشاركه تجعلنا ننتظر منك المزيد والمزيد .. وسجل متابعتي لهكذا شعر

رجاء اذا لديك قصائد لشاعرنا ابو مشعل انك ماتبخل علينا

تحياتي لك ولك للاستاذ ابو مشعل

اخوك/ سيف

[الفيصل]

صح لسان الشاعر وسلمت سد الناقل...



وبيض الله وجهك يالصامل...



عز الله انه اختيار موفق...

[ابوشعيل]

صح لســــــــان الشاعر وصح لسان الناقل

وماقصرت يالصامل على هالنقل الرائع وتحياتي لك

[الصحاف]

صح لسان الصامل والقايل

أحسنت أيها الصامل على هذا الإبداع الذي تدفق من شاعرنا الكبير:

ابراهيم بن مشعل الصعب , الذي لو لم أكن أعرفه لتوقعته في العشرين

أو فوقها بقليل بسبب هذا الإبداع المتجلجل من شاب في مثل هذا العمر

لكن الذي أعرفه ما شاء الله أن ابنه في مثل هذا العمر ويأتي بمثل هذا

النوع الشبابي.

[سعود]

رائعه من روائع ابو مشعل ... وليس بغريب على ابو مشعل

و له من الروائع الكثير .. وباسمي واسم اعضاء منتدى الشعراء نطالب ابو مشعل بعرض قصائده للاعضاء ...

[ابو عبدالله]

يعطيك العافية يا الصامل على هاذا النقل المميز. وصح لسان الشاعر.

[الصييفي]

الله يعطيك الصحة يبو مشعل. جزلة ومن جزل