المساعد الشخصي الرقمي

مشاهدة النسخة كاملة : الـــمـــحـــاوره الثالثه المباشره بين الشاعرين القضاعي والبطران

كنداري
30/03/2004, 08:04 PM
اخواني وابنا عمومتي السلام عليكم .....




بعد قليل سيشرفنا كلا من اخينا القضاعي و اخينا البطران في محاورة مباشرة نتنمنى ان نستمتع وتستمتعوا بها


ونتظرهم بعد قليل






ونرجو من اخوتنا اعضاء هذا الصرح الكبير التفاعل معنا في هذه المحاورة الشريفة شاكرين تواجدكم هنا..... اخوكم ... كنداري
$البطـ777ـران$
30/03/2004, 08:31 PM
بسم الله الرحمن الرحيم

السلام عليكم ورحمة الله وبركاته

الاخ كنداري بيض الله وجهك يا ولد العم وما قصرت
ولو انك ورطتني مع البناخي الشاعر القضاعي الله يعيني عليه ;)

شعراوي

ابو دحيم

خشم الرعن

زجران

بيض الله وجيهكم على الحضور وانشاء الله انكم تستمتعون بالمحاوره

اخوي القضاعي لي الشرف بمحاورتك يالقرم وشوي شوي علينا يالبناخي واستلم لا هنت :






عدد ما لاحت ابروقه عدد ما هلت امزونه = سلام الله على القاصي سلام الله على الداني
الا ليت القضاعي يَقْرب اهْنيّا على هونه = نبا نلعب فذالليله على موالِ والحاني
الصييفي
30/03/2004, 08:35 PM
هلا و الله بالشعار و يعطيك العافية يا بطران. وينك يالقضاعي لا تأخر علينا الله يحييك
$البطـ777ـران$
30/03/2004, 08:37 PM
كنداري الله يجزاك خير ترى الساعة ثمان وقت صلاة عند اهل نجد

ليتك مخليها الساعة تسع عالعموم ماصار الا الخير

تحياتي للجميع
الصييفي
30/03/2004, 08:41 PM
حست الشباب يا كنداري كل شاعر يغني لحاله، جمعهم!
القضاعي
30/03/2004, 08:50 PM
خلوووووووها
عدد مايبرق البراق والعالم يخيلونه"="ارحب بالنيابه عن هل الميدان واخواني

تفضل والقضاعي حاظرٍ ويسدد ديونه"="تفضل هات علم وخذ ردود العلم يافلاني
القضاعي
30/03/2004, 08:52 PM
يالبرع وينكم فييييييييييييييييييييييه ماادري مرفي هذا ومر في ذاك

البطران خلناهنا على طول جعلي ماابكيك

الاخوه الكرام شكرااا لكل من حظر وتابع وشارك
الصييفي
30/03/2004, 08:57 PM
الحمد لله على السلامة و نحمد اللي جمعكم خلال ساعة.
على أي حال ما غاب من حضر و الله يعطيكم العافية و تصبحون على خير. سنرى الردية كاملة غداً إن شاء الله.
$البطـ777ـران$
30/03/2004, 09:02 PM
القضاعي شورك وهداية الله هنا هنا

الناقد حضورك تشريف لنا طال عمرك

القضاعي استلم لاهنت :


تقول الناس عند اجهينه الأخبار مضمونه = واشوف ان القضاعي كفة (ن) للحق ميزاني
ابنشد مرجح الكفه عن اللي خافت (ن) لونه = أنا ماميّز الوانه...سواد الليل يغشاني
القضاعي
30/03/2004, 09:05 PM
الاعمام الغالين
الناقد /خشم الرعن/ شعراوي

بيض الله وجيهكم ولنا الشرف بحظوركم ومتابعتكم لابنائكم جعلنا مانبكيكم

واشكر من حظر وشارك وشاهد اجمعين
شعراوي
30/03/2004, 09:06 PM
الغالي
الشاعر البطران

بيض الله وجهك على حضورك
وطرقك الجميل تسلم ولاعدمتك


الغالي
الشاعر القضاعي


تسلم على الرد الطيب والحضور
وامتاعنا بمحاوره جميله

شكرا للجميع
واصلوا
ازهلوا الصفوف
قواكم الله

سلاااام
محمدبن سيف(ابوعبيد)
30/03/2004, 09:09 PM
السلام عليكم ورحمة الله وبركاته
القضاعي والبطران الله يقويكم ترانا قاضبين الصفوف العبو ...العبو عساكم على القوه وبيض الله وجيهكم ياحباني:)


كنداري جعلك تسلم على جهودك ياغالي:)
تحياتي
القضاعي
30/03/2004, 09:35 PM
خلووووووووها
ترى اسرار العرب فالقلب يالبطران مرهونه"="ومثلك مايعلم عارفٍ بيشه ونجراني

هذاك اقول نجم الجدي فالديره يسمونه"="ونجم الجدي مايخفى كما خاتم سليماني
$البطـ777ـران$
30/03/2004, 10:26 PM
العم شعراوي

وابن العم ابوعبيد

شرفتونا بمتابعتكم الله لايهينكم

القضاعي استلم باعصابة راسي لاهنت :


عميلي لاتروح ابعيد يم النّجم في كونه = وخلّ النجم في سمته يسيّر بامر ربّاني
تراني بالفراسة مَجهل المولود وعيونه = أعرف اهله واعرف اصله ...سعودي ولا ياباني
العقرب الخطير
30/03/2004, 10:35 PM
بسم الله الرحمن الرحيم

البطران والقضاعي واصلو يالربع ولاتشيلون هم الصفوف
شعراوي
30/03/2004, 10:43 PM
الشاعرين الكبيرين

القضاعي والبطران

الله عليكم ترى الصفوف
عندي عشره يمين وعشره
شمال وان اباشر عليهم
والكبيوتر قدامهم ونستوهم
الله يونسكم بالعافيه

واصلوا بارك الله فيكم


سلاااام
$البطـ777ـران$
30/03/2004, 10:47 PM
العقرب الخطير ارحب ثم ارحب شرفت ياولد العم

العم شعراوي الله يبيض وجهك عزالله انك ماقصرت
القضاعي
30/03/2004, 11:07 PM
خلووووووووها
اذل النجم يسطع والبنادم ترقب عيونه"="ويصبح سر هاذيك البلد مع كل شيطاني

تنشد وانته اللي عارفٍ الوعل وقرونه"="تعرف المسلم الطيب وتعرف كل قوماني
$البطـ777ـران$
30/03/2004, 11:22 PM
ايييييه خلووووووووها

استلم يالقرم لاهنت :


اظنك فاهمن قصدي وتبخص من يربونه = له اسمينن ذكرناها ولابه سر يخفاني
ترى الغلطان خلق الله عقب هذا يعذرونه = ويجزونه بعد زودن علاها ضحك حجّاني
شعراوي
30/03/2004, 11:30 PM
الله الله عليكم ومعها الله يعافيكم

ازهلوا الصفوف

واصلوا لاهنتوا

سلاااام
$البطـ777ـران$
30/03/2004, 11:41 PM
العم شعراوي

عزالله انك ماقصرت وانت اللي زايدنا حماس ولايهونون الباقين كلن باسمه
فارس تميم
30/03/2004, 11:55 PM
القضاعي ،، البطران

يمال والله العافية وبيض الله وجيهكم ،،، اشوى اللي امداني عليكم

الله يقويكم ويوسع صدوركم بالعافية ، ولاادري من ابمسك صفه توني جاي:D
سعد العبود
30/03/2004, 11:55 PM
البطران والقضاعي بيض الله وجيهكم متابعينك وعساكم على القوة

اظنك فاهمن قصدي وتبخص من iiيربونه
..................................له اسمينن ذكرناها ولابه سـر iiيخفانـي
ترى الغلطان خلق الله عقب هذا iiيعذرونه
..............................ويجزونه بعد زودن علاها ضحك حجّاني
القضاعي
31/03/2004, 12:04 AM
خلووووووها
علام العود الاقشر ياعميل الخير تذونه"="لحقه الظلم لوانه بريٍ مثل سرحاني

انا مانيب مكلوفٍ برجلٍ شب غليونه"="دخاخينه تعثور كنها ياصاح بركاني
علي العجاجي
31/03/2004, 12:15 AM
اخواني الشعار البطران والقضاعي

مساكم الله بالخيروبيض الله وجيهكم على هالطاروق الممتع وعلى السهرة الجيدة

الاخ كنداري مشكور جزيل الشكر يالمنظم الرائع والله يقويك
$البطـ777ـران$
31/03/2004, 12:25 AM
فارس تميم وابن عبوووود والله ان حنا فاقدينكم

وحياكم الله تشرفنا بحضوركم

القضاعي استلم لاهنت:


تركد لاتحاسبني بعلم الناس يطرونه = وهو مفهوم لاهل المنتدا ربع (ن) وخلاني
خلاص الحين نقصرها وكلن ربِّي ابعونه = صلاة الله على الهادي محمد نسل عدناني
$البطـ777ـران$
31/03/2004, 12:30 AM
الشاعر علي العجاجي الخصم جايك جايك

مثل ماخصمنا على ابوعبدالعزيز وعلى ابوابراهيم

عزالله انك شرفتنا يابوحسين وهلا فيك مليار
$البطـ777ـران$
31/03/2004, 12:42 AM
الشاعر القضاعي صح لسانك مليااااااااااار يالقرم انشهد انك شاعرن

وماتحتاج شهادتي عزالله اني استفدت من محاورتك وبيض الله وجهك

وسامحني ان كان جا مني اي قصور يالبناخي

وكل اللي حضروا بيض الله وجيهكم وصلتوا ولاقصرتوا جميع

كنداري ماقصرت ياولد العم الف شكر على التنسيق والتوهيق ...!

تصبحون على خير
القضاعي
31/03/2004, 12:51 AM
خلووووووووووها
انا اللي موحيٍ هرجٍ واظن الناس يوحونه"="ولقد جبت لي هرجن لفاني فيه كذباني

سمرنا والسمر مع شاعرٍ بانت لي فنونه"="جزيل القول والمنطق واله حجه وبرهاني


تصبحون على خير معاد الا الفجر

اشكر كل من حظر وشارك اجمعين دون استثناء

البطران فرصه طيبه وتصبح على خير والعذر من القصور يالغالي
العقرب الخطير
31/03/2004, 12:58 AM
ماقصرتوا يا جماعة

وبيض الله وجيهكم

وسعتوا صدورنا الله يوسع صدوركم

وترانا ننتظر الرابعة بفارغ الصبر
الناقد
31/03/2004, 01:09 AM
ابناء العم

الشاعران الكبيران

القضاعي// البطران

من الاعماق لكما جزيل الشكر والتقدير على هذه المحاوره الهوائيه

فقد امتعتونا بمعانيكم الجزله ووسعتوا اصدورنا الله يوسع اصدوركم بالعافيه والمسرات
شعراوي
31/03/2004, 01:13 AM
بيض الله وجيهكم على المحاوره الرزينه
ونقدر لكم السهر وانتم اصحاب عمل
ونقول تسلمون مليون ومشكورين والشكر
موصول للمشرف كنداري على جهوده الفرديه
واللتي تنم عن حرصه على انجاح المحاوره
والشكر موصول للجميع من مشرفين واعضاء
دمتم باتم صحه وعافيه
تحياتي


سلاااام
كنداري
31/03/2004, 01:15 AM
الشاعرين الكبيرين القضاعي والبطران وسعتو صدورنا الله يوسع صدوركم بالعافيه
وكانت محاوره ممتعه فعلاااااا

وبيض الله وجيهكم والله يعطيكم الف عاااااااافيه


تحياتي لكم ابنكم الصغير كنداري:)
كنداري
31/03/2004, 01:19 AM
الله يعافيك يا خال والله يسلمك والله لو الله ثم انتم ما نجحت هالفكره واشكركم جزيل الشكر بتواجدكم دائما معي

الغالي علي العجاجي الله يعافيك واهم شي طلتك الرائعه علينا
والله يعافيكم جميعا كلن بسمه
تحياتي لكم كنداري:)
الصييفي
31/03/2004, 07:16 AM
الأخوة الشاعرين" البطران" و "القضاعي" عز الله ما قصرتوا ومشكورين على هذه السهرة الجميلة (طبعا أنا كالعادة ما حضرت إلا الساعة الأوله وبعدها أخذني السلطان الجائر) التي استمتع بها الجميع و بما فيها من شعر راقي.
الشكر كذلك موصول لمن تابع بدون عدد واسمحوا لي أستثي علي العجاجي: الحمد لله على السلامة، وين الناس؟
كذلك نشكر كنداري على ماقام به من تنسيق و قد يكون مستقبلا من الأفضل تحديد المكان للردية قبل موعدها بربع ساعة حتى لا يحصل التباس.
على كل ما قصرت يبو خالد و يعطيك العافية.
و للجميع التحية
علي العجاجي
01/04/2004, 12:20 AM
اشكر الشاعرين الكبيرين على هذه المحاوره الجميله وبيض الله وجيهكم وماقصرتو

البطران اذا عرفت عذري اكيد ماراح تخصم علي.

الخال خشم الرعن اشكرك على سؤالك عني وانا مقصر بحق المنتدى هذه الفترة ودخولي قليل جداً ويعلم الله اني لم اترك متابعة هذا المنتدى الا لبعض الظروف القاهره
ابوهـيـف
01/04/2004, 04:31 PM
يعطيكم العافيه يالقضاعي والبطران على هالمحاوره الرائعه ولا يهون كل من تفاعل معكم في ذالك المساء

رغم انه منعتني ضروفي من حضورها على الهواء ال اني استمتعت بقراتها كامله اليوم فكل شي مدون ومحفوظ

فشكرا لكم وشكر لكنداري ه\على جهوده الرائعه والى الأمام
سيف السيف
01/04/2004, 06:25 PM
السلام عليكم ورحمة الله وبركاته


لاهنتوا يالنشاما

وبيض الله وجيهكم على هالطاروق وعلى المعنى الرائع:)


<---- القضاعي;) (مزحه)
المشهاب
01/04/2004, 09:05 PM
تسلمون ياحباني على هالطاروق الجزل اللي وسعتوااااصدورنا فيه

وسلم,,,,,, لنا,,,,,,,, بطراااااننا,,,,,,و,,,,,,قضااااعينا

والشكرك لله ثم لكنداري

المشهااااااااااااااب