اقرب ياسعد والليالي فانيه [الأرشيف] - مـنتديات بلدة الشعراء

ددسن ابو الليل

01/04/2004, 12:39 AM

اول شي بوري لعيون الشباب//بيييييييييييييييييييييب...بيييييييب
ثاني شي منسق الشعر مايشتغل خربان وش اسوي به وهو مبطي يشتغل
ثالث شي سعد العبود ابي لعبه حيث انه شاعر علم في هذا المنتدى بشهادة الجميع واذا كان عنده وقت يستلم

ياسلام الله سلامٍ تضيق ابه السدود
...........................................جيت ابلعب والليالي تراها فانيه

مقصدي من بينكم مقصدي سعد العبود
...........................................خابره شاعر خطيرٍ كما البركانيه

محمدبن سيف(ابوعبيد)

01/04/2004, 12:47 AM

السلام عليكم ورحمة الله وبركاته
الددسن شد حيلك تراني بصفك على ابن عبود العب وازهل الصفوف
تحياتي

المشهاب

01/04/2004, 09:14 PM

الليل,,,,,,,,الليل

تراااااااانا متااااااااااابعين

وبما ان ابوعبيد ماسكن صف الددسن تراااااااااني بصف ابن عبود

المشهاااااااااااااااااااااااااااب

سعد العبود

02/04/2004, 12:35 PM

الددسن أبشر والله بسعد وماعليك زود يالغالي ومشكور على هذا الإطراء يالغالي ........

أبوعبيد مهيب هي هملتني حيل الله أقوى مشكلتك تحب الدداسن :D وجود يشرفني يا الغالي في اي صف كنت.............

المشهاب حياك ونعم فيك يا هلا وغلا وبيض الله وجهك في قضبت الصف هذا وهذاك .......;)

الددسن استلم يالغالي :

مرحبا بالددسن اللي وقف عند الحدود=مرحبا من يوم وقف على بيبانيه
ابشر ابشر بالمواجيب والا بالفرود=مير اضن الطيب دربك وهو عنوانيه

الصييفي

02/04/2004, 03:19 PM

يا هلا و الله بالجار "ددسن أبو الليل" و يا مرحبا بك يا سعد العبود.

تخيرت يا لجار واحد من أطيب الشعار و انت منتب بسيط.
يعطيكم العافية و أنا أبصير مع الصف اللي مقابل للهواء، و ان كانت يمر بينمكم صرت محايد لين تغير اتجاهها. و اتجاهها مع وجودكم الطيب يا الطيبين.

تلعة الصرامه

02/04/2004, 10:02 PM

بيض الله وجهك ياسعد انا اشهد انه ردا جزل من شاعر جزل
ماتستنكر عليه الجزاله وتراني بصفك يابو ابراهيم

ددسن ابو الليل

02/04/2004, 11:53 PM

لاهنت يامحمد على مسكت الصف:D
المشهاب وخشم الرعن والتلعه شكرا على المتابعه
اما انت يابوبراهيم استلم وهد اعصابك:confused:

ياسعد قد لك سنه دون نقص ودون زود
..............................................لا انتب مفتح ولا انتب مع العميانيه

وش تبي بالفرد حنا تحت حكم السعود
..............................................اطرد الددسن ولاتروح الشكمانيه

سعد العبود

03/04/2004, 02:49 AM

حياك الله يالخشم مرورك شرف يا طويل العمر ..............

التلعة مرحبا بك يالغالي وبيض الله وجهك على مسكة الصف ومرورك شرف يالغالي .............

الددسن لا تخاف أبد:D الدعوى بينه طال عمرك وأستلم يالغالي :

و أبك انا مانيب جاهل ولا نيب محسود=للهروج أفهام والعلم له سلطانيه
لا يغرك من هرج لك وهو شايب وعود=عارفين اللي توزا ورى السيسانيه

شعراوي

03/04/2004, 04:14 AM

ددسن الليل
ابو ابراهيم

السلام عليكم ويالله قوهم
محاورتكم شيقه وانا من
المتابعين لكم وازهلوا
الباقي
واصلوا لاعدمتكم

سلاااام

تلعة الصرامه

03/04/2004, 11:24 AM

صح لسانك ياسعد انا اشهد انك خليفة الزعيم
رح عسى الرب ياقاك يابوابراهيم وترى صفنا في زود ماهوب في نقص
محايده مافيها محايده انا بصف ابوابراهيم

hotmail

03/04/2004, 01:08 PM

يا مال العافيه يا الربع صحيتوا منتدى المحاوره من النوم

الليل الليل

و انا بصف سعد العبود و لايهون الددسن

ظناني الشوق

03/04/2004, 01:43 PM

كفو والله يالحوات الغانمه....

بيض الله وجيهكم

الددسن واصل ونحن معكم
سعد العبود بيض الله وجهك

وانا بصف الددسن مره
ومره بصف سعد العبود

الليل ... الليل

ددسن ابو الليل

03/04/2004, 03:29 PM

قوم صح النوم ياجعل قربك مايعود
.......................................انتبه لاتعكس الدرب مره ثانيه

ابتلشنا بالزيود وبلشنا بالهنود
.......................................والرشا مقطوع والغرب فوق السانيه

سعد العبود

03/04/2004, 03:37 PM

مر ويزغتر على الناس في جوف الكبود=الذهب فالارض والبحر به مرجانيه
الحكم معروف لاصار فالدعوى شهود=ما يعود قاضي الحق للأيمانيه

سعد العبود

03/04/2004, 03:44 PM

شعراوي :
حياك الله يالعميل والحقيقة مجرد مرورك يزيدنا ثقة يالغالي...............

تلعة الصرامه :
الله لا يهينك وهذا اطراء لا استحقة نتمنى ان نصل أنصاف مستوى الزعيم لاهنت ياطويل العمر ..............

هوتميل :
مشكور يالغالي وجعلك والله تسلم والمنتدى حي بالرجال الطيبين يالطيب مشكور على قضبة الصف وترانا يمكن نتحاور بالانجليزي ..............

ظناني الشوق :
يمال العافية والله ومرور شاعر مثلك شرف للمحاورة والمتحاورين أتمنى أن يكون لي الشرف باللعب معك قريباً وخذ راحتك الصف اللي تبي شله .............

اعذروني رديت عليكم عقب ردي ;)

ددسن ابو الليل

03/04/2004, 04:06 PM

لا تزعتر عندنا رح وزغتر بالنفود
...................................كان في بطنك بلا عصًر الصملانيه

الحكم يبطل ولا اقبل شهادات اليهود
.......................................شايلٍ لك بندقٍ مالها علمانيه

$البطـ777ـران$

03/04/2004, 11:31 PM

بيض الله وجهك يالدتسن على هالطاروووق اللي يفتح النفس

وبيض الله وجه ابوابراهيم واصلوا ولاتشيلووون هم الصفوف خلوووها علي

تشاو

سعد العبود

03/04/2004, 11:33 PM

الدعاوي جت معَ الددسن سهود ومهود=خبط الماطور عقب إلحس النيرانيه

حكمنا بين وحكم الوجيه السود سود=مير لا لا تشرب السم يالضميانيه

سعد العبود

03/04/2004, 11:35 PM

البطران هلا وغلا واعذرني يوم حطيت ردي لقيت مشاركتك حضورك يسعدنا يالغالي ..............

تلعة الصرامه

04/04/2004, 01:49 PM

ينصر دينك يابوابراهيم

الله لايلومه لوخبط ماضري بمس خطوط

ولابقطع تغريزات وانت عرضته دروب مابعد شافها:D

ازهل الصف يادهمان|4|

ددسن ابو الليل

04/04/2004, 03:02 PM

ول جعل الطير ينقرك يالهرش الهبود
..........................................انتبه للعلم ولا شف الجدرانيه

لاتحسب الملعبه مثل تسحيب الجلود
..........................................كان تحسبها كذا حدًر الشعبانيه

سعد العبود

04/04/2004, 03:47 PM

تلعة الصرامه :
هلا بك والله يا مرحباااا والله إنك احرجتني هههههههههههههه عافك الله ...........

ددسن استلم:

خيشوك القوم يوم الجنايز باللحود=كنت تبغاها كذا جتك بالميزانيه
عارفين الملعبه وانت في وضع الركود=خايفن تضهر على الناس فالمدانيه

القضاعي

04/04/2004, 04:37 PM

الليل\\\\الليل

الددسن ـــــــ وسعد العبود

واااااااااااصلواااااااا

الله يعافيكم

وترانا متابعين

الليل\\\\الليل

ددسن ابو الليل

04/04/2004, 05:59 PM

الهدى يازين جوًه ويالولا القرود
...................................كان صار المنتزه لاكثر العربانيه

انت مثل الزير تارد ولكنك شرود
...................................ياسعد طالبك لاتضحك العدوانيه

سعد العبود

04/04/2004, 09:32 PM

خالي القضاعي هلا وغلا شرفتنا يا طويل العمر ...............
ــــــــــــــــــــــــــــــــــــــــــــــــــــــــــــــــــــــ ـــــ

الهدى يا زين جوه ولكن به حيود=صنعة الجابان ما تطلع الضلعانيه
اركد اركد لا نوجه صواريخ الصمود=احمد الرحمان دام السوالف هانيه

القضاعي

05/04/2004, 03:21 PM

الليل\\\\الليل

اركد اركد لانوجه صواريخ الصمود@@احمد الرحمن دام السوالف هانيه

الليل \\\الليل

(((عااااااااااااااارفين اللي توزى ورى السيسانيه)))
الددسن تراك متوزي ورا السيسان وطالع طرفك ماتوزيت زين

شفني هالحين اشوف اصطب ورى وطرف الصدام لا والشد طالع طرفه من فوق الساس يعني البدي ما ينشاف والهنقلين بينه حناياه وانت تحسبك متوزي:D احد يتوزى ورى ساس الله يهديك

ابوابراهيم رووووووح على هل الوزنيه;)

وازهل الصف

تلعة الصرامه

05/04/2004, 06:53 PM

ابوبراهيم

والله تعطي الموقف اكبر من حجمه صواريخ صمود مره وحده ترى العصفور تقتله النبيطه :D

لا,,وتبيه يرقى طلعة كررى عساه يرقى طلعة السد
وفيها بركه لاتحده على كرى;)

صفنا صفنا بازدياد===ذاع صوته بكل الديرً

ازهل الصف يابوابراهيم

ددسن ابو الليل

06/04/2004, 03:57 PM

ليتني قبل اطلبك صادمٍ لي في عمود
.............................................ليتني ريحت مخي من الوجعانيه

خل صاروخك معك لايقومون الرقود
.............................................لاتلوث جونا نترك الاوطانيه

سعد العبود

07/04/2004, 12:27 AM

أنت يوم انك طلبت الجمل وش بك شرود=اعتبر نفسك صدمت ابجبل ثهلانيه
غلطتك يومك تبينت والدعوى رعود=ناسين إن السيل يجرف ضيعف الضانيه

سعد العبود

07/04/2004, 12:30 AM

معليش اعذروني رديت عليكم عقب ردي على الددسن ..........

القضاعي :
ههههههههههههههههههههههه الله يجزاك ومشكور على قضبة الصف .........

تلعة الصرامه :
يمال العافية والله ومرورك يوسع الصدر الله يوسع صدرك في الجنة ........

أنت نجمٍ ضهر فالبلاد****ما يغطيه نور القمر

ددسن ابو الليل

07/04/2004, 06:57 AM

شرود....شرود؟؟؟؟ الظاهر انها سرت يابوبراهيم:eek:

الجمل ميًل سنامه وجنبه فيه دود
........................................ياجمل شط الشحم صفق الجيلانيه

والله ان القرقعه عند شكلك ماتكود
........................................مير قرقع بالخلا وازبر الزبلانيه

تلعة الصرامه

08/04/2004, 12:47 AM

هههههههههههههههههههههههههههههههههههه
والله المعنى يالددسن اجل الجمل يميل سناااااااااامه والله مابعد سمعنا
ان فيه جمل مايل سنامه لايكون ياولد ابو سنامين:D
والا موظه ميلة السنام يمكن انها موظه يمكن الجمل يسفع سنامه على ورا والناقه تربطه بتوكه مثل قلبة المرزام عند بعض الشباب:D

ابو ابراهيم وش رايك بموظة الفين واربعه ;)

روووووووووووووح ترى الصف يدهر يادهمان

سعد العبود

10/04/2004, 12:09 AM

الا سرت الأمر بسيط أعتبرها ما سرت :D والحمد لله اللي خلتك تكلم قبل ما تحط بيوتك .....

هههههههههههههه التلعة الله يهديك مرورك اسعدني ..............;)
الددسن استلم :

انت منت من النصارى ولا من قوم هود=مير اشوفك باولد تطمر الجرفانيه
الردي يا صاحبي والله إنه مايسود=لو يحاول فالمواويل والقيفانيه

ددسن ابو الليل

16/04/2004, 02:38 AM

افااااااااااااااااااااااااا يابوبراهيم وشلون الامر بسيط الله يسامحك بس:eek: مايصير كذا ابدا:(
على العموم سلام :)