المساعد الشخصي الرقمي

مشاهدة النسخة كاملة : علي العجاجي لو سمحت

ددسن ابو الليل
16/04/2004, 02:44 AM
والله جيت ساري من الرويضه قلت امر ابوحسين بالرفايع اخذ علومه ولو ان الوقت متاخر لكن ابوحسين وسيع صدر:)


ياسلامي من هجوسٍ شفقها مايغيب
.............................................من هجوسٍ نارها بالمعاني تصطلي

ياعلي وين انت والذيب في وصط القليب
.............................................نظهره ما نظهره وش نسوي ياعلي
سعد العبود
16/04/2004, 03:19 AM
ايواااا

الليل الليل


أنا بصف خالي علي ولا بالددسن قصور جعله يسلم .............
hotmail
16/04/2004, 02:51 PM
يا مال الغناة يا الددسن

قواكم الله

ايييييييه تكفون شعللوا الميدان يا جماعه

الليل الليل

وانا معك يالددسن و لاتهون يا علي
الصييفي
16/04/2004, 05:37 PM
ويــــنك يبو ابراهيم عسى المانع يكون خير، أسمح لي ياعلي اصير في صف الجار "ددسن أبو الليل" و لا تهون.

شــــعللوهـــا.
علي العجاجي
16/04/2004, 11:41 PM
ددسن ابوالليل ياهلا وغلا والله فيك وراك يوم جيت ساري ما ميلت واخذت فنجال وامسيت وعينت خير وش تعرض الليول له;):D
ابرك الحزات يوم العب معك وهذا شرف لي. بس ابيك تعذرني لو تاخرت احياناً بالرد لان عندي بعض الظروف اللي تمنعني من دخول النت بشكل مستمر وتراني ما دريت انك طالبني الا من الشباب.

ابو ريم هلا فيك وجود الصف ياسنايدي
هوت ميل وجودك بحد ذاته شرف وجود الصف
خشم الرعن هلا وغلا فيك ابد خير انشالله وجود الصف لاهنت

الددسن استلم لاهنت:

مرحبا باللي يسلم وعرض من قريب=ددسنٍ في طرقته دايمٍ مستعجلي
اصبر اشويه وابا افتيك انا في كل ذيب=وانتبه لاينطلق ثم يفرس له طلي
ددسن ابو الليل
17/04/2004, 06:30 AM
ياهــــــــــــــــــــــــلا بـــــــــــــــــــــــــــــــــــــــــكم

مسجد العباس جيته وناديت الخطيب
...........................................احسبنه يفهم الشافعي والحنبلي

الفتاوي ياعلي مالكم فيها نصيب
...........................................والله الوالي على الخلق ماغيره ولي
علي العجاجي
17/04/2004, 11:51 PM
استلم لاهنت


اطلب الله ياعميلي ترى دربك صعيب=واعرف المخراج يارجل قبل المدخلي
الفتاوي قسمنا مير مافيها طليب=منزلك خافي وانا واضحٍ في منزلي
ددسن ابو الليل
18/04/2004, 08:19 PM
ياعلي والله لومنت رجالٍ حبيب
.....................................يمكن احدك وادرسك درسٍ معملي

نغمتك مهيب حلوه ياجوال الرهيب
.....................................البلا بالشاشه اللي كسرها الانتلي
شعراوي
18/04/2004, 09:39 PM
الله الله الله


قواك الله ياددسن الليل
على البدع

وقواك الله ياخاااال علي
على الرد

تسلمون لنا على محاوره ارى انها
ستكون محاورت فتل ونقض لما
تقدمانه ونراه والحق يقال محاوره
جميله جمل الله حالكم وازهلوا
الصفوف بيض الله وجيهم يبشرون
بما يسرهم ويليق بهم دمتم لنا

واصلوا



لاهنتوا



متابعين



لكم



تسلمون



سلاااام
علي العجاجي
19/04/2004, 10:41 AM
الشاعر شعراوي هلا وغلا يالبناخي وجود زاد الملعبه حلاوه

استلم لاهنت يالددسن

يالعراوي شد حيلك ولا فالعلم عيب= وانت لونطلع كرى تبتجينا محولي
انتبه للسيل لا تاقف بوسط الشعيب=كل حاجر ياعميلي يغيض ويمتلي
القضاعي
19/04/2004, 05:52 PM
الليل///الليل

واصلوااااااا الله لايهينكم على هالمحراف

ارقد عن الصف يابو ابراهيم ابشر بصفٍ ينومس راعيه

ولا يهون الددسن

الليل//الليل
ددسن ابو الليل
20/04/2004, 01:17 AM
هلا بـــــــــــــــــــــــــــــــــكم

لو اشد الحيل حطيت فوق اسمك صليب
....................................جاك علمي وافهمه يافتى الجود الشلي

ماش سيل ولابه الا العوافي ياشنيب
....................................خنشليله وصفها ياعلي حول السلي
علي العجاجي
21/04/2004, 03:35 PM
القضاعي هلا وغلا وجودك بصفي شرف كبير جود الصف ياعصابة راسي

الددسن استلم

لو تشد الحيل ياددسني جالك نحيب=تبتخبط ماوصلت انت والله موصلي
عسكريٍ خابرك رتبتك رتبت رقيب=كد لقيت قبل عامين في ديرة بلي
ددسن ابو الليل
21/04/2004, 11:41 PM
يالعجاجي جعل دربك يودي مايجيب
.....................................رح ترى ماودي احبط من الهوش عملي

لاتحلت غترتك بين شباب وشبيب
.....................................ياعميلٍ تدلي رشاك ما ادليت الدلي
علي العجاجي
22/04/2004, 03:42 PM
من تعزوا بي ياددسن ترى هو مايخيب=مارضيت التاليه دايمٍ وانا اولي
غترتي من فوق راسي وانا عظمي صليب= يبيبين الحق ياددسن ويصبح جلي