المساعد الشخصي الرقمي

مشاهدة النسخة كاملة : ابن عبوووود البطران يبيك

$البطـ777ـران$
20/04/2004, 01:29 AM
السلام عليكم ورحمة الله وبركاته

ابوابرهيم يشرفني اني العب معك طال عمرك واستلم لاهنت:


بسم الله الرحمن باوّل وِتالي = ثمن نسلم قبل قيلن وِقالي
قولو لولد عُبود حلّ المجالي = دارت......رحاها...ياعرب.....وثقوها



ياسعد قرّب تعال ولاتوّبّا = عاين البطران واثبت لاتميلي
قبل مانسمع صياح او نبض قلبا = اسفهل الحين مانبغى عويلي
الصييفي
20/04/2004, 07:39 AM
هلا و الله بالبطران على هذا الموّال المختلف عن المواويل السابقة.

أبو ابراهم شد حيلك لهذا النوع الفريد من المواويل و لا تأخر على البطران و غيره.

أنا إسمحوا لي صوتي مقطوع اليوم (كان عندنا بروفات للتخرج البارح ولا كان فيه مكرفون) لكن أبصير على المدرج و أصفق لكم كلكم.

لكم كل تحية.
ابودحيم
20/04/2004, 03:45 PM
بسم الله الرحمن الرحيم

الله الله يالبطران عساك على القوه

و يالله يا سعد

و اسمحلي يالبطران ابقضب صف بن عبود هالمره;)

قواكم الله
القضاعي
20/04/2004, 04:07 PM
السلام عليكم ورحمة الله وبركاته

البطران بيض الله وجهك على هالمحراف

سعد عجل وانا خالك وازهل الصف تراني هالمره بصفك ولا يهون البطران


الليل\\الليل


واصلواااااااااا
سعد العبود
21/04/2004, 01:41 AM
البطران شرف كبير اللعب معك طال عمرك ومشكور على هذه الدعوة الكريمة .

خشم الرعن :
مرحبا مليون مرورك يكفي وانت في المدرجات كنك ماسكن الصف ياطويل العمر.
ابودحيم :
بيض الله وجهك على مسكة الصف ياعصابة راسي;)
خالي القضاعي :
هلا وغلا ياخال وبيض الله وجهك أشوا إنك ماخليت ابن آخيك تسلم ياخالي الغالي;)

بسم الله الرحمن والعلم معروف=يا مرحبا باللي على طول مشيوف
بطران والبطران ماهوب مكشوف=دارت......رحاها...ياعرب.....وثقوها




جالك ابن عبود ما عمره تخبا=فالمعارك كم جريح وكم قتيلي
من مشى مضبوط ما طاح ابمطبا=والردية مابعد جت في شليلي
شعراوي
21/04/2004, 03:03 AM
الشاعر البطران
والشاعر سعد بن عبود

قواكم الله على المحاوره
وكلنا متابعين وانتم عينين
وبراس ونخدمكم ولانفرقكم
باركالله فيكم
واصلوا


لاهنتوا


متابعين


سلاااام
$البطـ777ـران$
22/04/2004, 12:45 AM
العم خشم الرعن

ابودحيم

القضاعي

العم شعراوي

هلا والله فيكم تو مازان اللعب الله يطول عماركم

ابن عبود مشكور على قبول الدعوة واستلم لاهنت :


حييت يامن جيت ياكود عندي = اكرب حزامك جاك عربون ودي
تلقى الرساله في مضامين ردي = دارت رحاها ياعرب وثـقوووووووها



النداوي ماعَرَف بالجوِّ صعبا = مايهمه طير غاير او دخيلي
والحمام ان طار مجوز والا سربا = اشهدنّه ياسعد زاد ابحصيلي
سعد العبود
22/04/2004, 01:19 AM
شعراوي هلا وغلا مرحبا فيك وخذ راحتك والصف اللي تبيه خذه لا تستحي طال عمرك


استلم يالبطران :

والك البقا والعلم ماهوب ظاهر=والناس يذبحها لميع المظاهر
الحال طيب لكن السيف شاهر=دارت رحاها ياعرب وثقوها



النداوي لو تبعك إن كان خربا=شانت طبوعه ولاحاز الطويلي
الجهاز اللي تبعته فيه عطبا=دوم يقصر خطوتك دون الدليلي
$البطـ777ـران$
22/04/2004, 02:41 AM
ايييييييييييييييه خلووووووووووووها

استلم لاهنت :


يومنِّ ولدِ عبودِ فك اللثامي = بيّن ووجهه مثل كفّي تمامي
لا وا حسافة ربطته للحزامي = دارت رحاها ياعرب وثقوووووها



النداوي غير عن بوم المخربا = مايفكك منه سجعن بالهديلي
برّق وُ عاين جهازي مايخربا = الخراب اللي تقوله مايجيلي
سعد العبود
22/04/2004, 03:00 AM
خلوووووووووووووووووها اسمع يالبطران :

ولد العبود اليوم منته بقده=تتعب ولا تاصل ولا ربع حده
ما بعد بين بالميادين جده=دارت رحاها ياعرب وثقوووووها



الأمن يا ولد الاجواد استتبا=لا تخاف أمن التحري والعميلي
انت شيلك للحموله فيه كربا=تتعب النفس الخفيفه بالمشيلي
$البطـ777ـران$
22/04/2004, 07:41 PM
اييييييه ابن عبوووود اسمع اسمع :


التاجر اللي ضيع العمر وافناه = بالخرج ماله ياجماعه نويناه
استهتر المقرود في مالِ بقناه = دارت رحاها ياعرب وثقوووووووها





الوَضِع لو ماتسنّع مقتِلِبّا = انتكس ذالوضعِ ماسر الخليلي
انت حملك نرفعك ويّاه غصبا = ماتخاف النفس...ماينهد حيلي
سعد العبود
25/04/2004, 01:03 AM
معليش طولت عليك لكن استلم :

التاجر اللي معه خمسين مشروع=الضاهر إنه فاز من مدة اسبوع
واعرف تراها كايده حبة الكوع=دارت رحاها ياعرب وثقوها


من يجيه العلم ينكر ويتغبا=وينكر الموضوع فالدرب الثقيلي
والله انه صب ماها فالمصبا=بس عيا يشربه عابر سبيلي
$البطـ777ـران$
26/04/2004, 11:11 AM
انا اللي والله طولت عليك يابعدي مير تحمل واستلم :


ماردني عنّك كثير الوسايط = بيني وبينك الف حايط وحايط
مادام وجهك دمّرته الخرايط = دارت رحاها ياعرب وثقووووها



شفت ابوعينن كريمه شنّ حربا = والعور ماهاب رميك بالفتيلي
ليه زبنته وراك ابك المهبّا = استباح بديرتك خضّ الصميلي
سعد العبود
26/04/2004, 11:54 PM
استلم طال عمرك :

شاعر ولكن كتبك اكثر من القاف
والسبه أن الوادي الأولي جاف
وجهي بياضه بين وكامل اوصاف
درات رحاها ياعرب وثقوها


بو لهب تبت يدينه ثم تبا=في جهنم لا رفيق ولا وكيلي
مير راع العلم له ود(ن) وحبا=يصحي الميدان من نوم(ن) ومقيلي
$البطـ777ـران$
27/04/2004, 06:37 PM
يصحي الميدان من نوم(ن) ومقيلي

ابو ابراهيم ليتك تشوف ذا الشطر الظاهر انك من العجلة زدت التنوين

ابوابراهيم استلم لاهنت والى لقاء قريب :


منتب بعيدن عن سوايا خويّك = أشقيتني والله بكيّه وكيّك
لزمن وراكم ياجماعه نشيّك = دارت رحاها ياعرب وثقوووووها



ومرته بالنار حتى لو تحطبا = لو دعت مافكها من وادِ ويلي
لو تنّكر تلعتن تبلعها ربّا = تفتضح هي بيّنه نجمة سهيلي
سعد العبود
28/04/2004, 12:11 AM
هههههههه صدقت والله التنوين زايد خايف تهاوشني على التنوين وحاطه لأنهــــــا كانت نوم(ن)طويلي ويوم شيكت اثر طويلي سرت وغيرتها ونسيت اشيل النون .....

استلم وهذا آخر بيت واشكرك على طلبي لهذه المحاورة واضفت هذا البيت لأنك انت البادي ولا بد ان تنتهي المحاورة في بيتي :

دايم مقاضيبك على غلطة إملا=أومطبعية وانت بالحيل زملا
واالبيت ليته من هلا الطيب يملا=درات رحاها يا عرب وثقوها


كل شي(ن) فيه ني وفيه رطبا=مير ما والله اوخر عن قبيلي
كل رجالٍ نتاج لما تربا=ومن ظلم يظلم ودقق يا عميلي