علي العجاجي: لك منادي والعلم خَيْر

[الصييفي]

الأخ علي العجاجي: أرجو ألا أثقل عليك بهذا المحراف القصير (خاصة و أني أعلم ظروفك): كذلك لا تؤاخذ دخولي بالموضع مباشرة دون الديباجة المعهودة، ولك شكري سلفاً:


يا علي، وش صار بالميدان ويش علومه؟= كل ما قلنا سلك، عادت عليه جراحه

إن صحا صـجَّة، وإذا ما نام، طوَّل نومه= ومن مسك نصف العصا، ما ذاق طعمَ الرَّاحة

[$البطـ777ـران$]

إن صحا صجَّة، وإذا ما نام، طـوَّل نومـه= ومن مسك نصف العصا، ما ذاق طعمَ الرَّاحة

الله عليك ياخشم الرعن

وينك يابوحسين علمنا وش في الميدان وتراني بصفك ولايهون

العم خشم الرعن

[علي العجاجي]

الخال خشم الرعن هلا وغلا فيك وابرك الساعات وشرف كبير لي اللعب معك .
ولا يهمك اوط وتثيقل والدعوى سهله ومزح ووناسه

البطران هلا وغلا فيك وجودك بحد ذاته شرف يبال اذا صرت بصفي جود الصف لاعدمنك.

خشم الرعن استلم لاهنت


وش بلى خشم الرعن وجه علي اهجومه=مادرى اني ضايقٍ مما جرى بالساحه
راعي الصجه ترى تعبته على بلعومه=ومن مشى درب الزلق لايامن من الطاحه

[شعراوي]

البناخي خشم الرعن

الخال علي العجاجي

السلام عليكم

قواكم الله وبارك الله
في ابو وليد على البدع
ولايهون الخال ماقصر بالرد
سيروا ويعرفني سعد العبود
ويعرف مهنتي بين الصفوف
واصلوا الله يعطيكم العافيه

لاهنتوا

متابعين

سلاااام

[الصييفي]

البطران هلا و الله بحضورك يالغالي بأي صف تقف، المهم حضورك.


الأخ علي حياك الله و مشكور على الإستجابة و مثل ما قلت ، كلها سعة صدر و تواصل.
أستلم طال عمرك و لا يهون جميع الإخوان:


يا علي حيثك تعَرْف الذاهبَة بُوسومه= جَتْكْ نِشْدتنا، بنفسٍ طيبهْ مَزَّاحة

قيل: ابو وجهين شايل رخصته بكْمُومِه= يكتب بيمناه، و اليسرى بها مسَّاحة

[ظناني الشوق]

الأخوان الأباطره خشم الرعن وعلي العجاجي

واصلوا الله لايهينكم

ونحن متابعين متشوقين

لكم تحياتي

[تلعة الصرامه]

وللمعنى اهله
انااس
يرسمونه بحيث
لا
يفهمه الاخرين
ولكن
المنسدح
مايخللللللللللى
واذا صاراليوم
العلم
بريال
بكره
يكون
ببلاش
والصفوف
ترااها
محظوره

[سعد العبود]

بيض الله وجيهكم متابعينكم

لا خلا ولا عدم خوالي مالي فضل إلى شلت صفوفكم كلكم طبعا من غير تدخل بصلاحيات شعراوي :)

شعراوي خلاص معاد هيب لك لحالك ;)


التلعة أركد شوي خلنا نتابع والصفوف محظورة من يوم خلقت الدنيا

واصلوااااااااااااااااااااا يا خوالي

[$البطـ777ـران$]

قيل: ابو وجهين شايل رخصته بكْمُومِه = يكتب بيمناه، و اليسرى بهـا مسَّاحـة

الله عليك ياخشم الرعن وينك يابوحسين ياسنايدي

[علي العجاجي]

الشاعر شعراوي هلا وغلا فيك ودامك موجود مافيه خوف على الصفوف
ظناني الشوق الله يحييك وشد حيلك في الصفوف مرورك بحد ذاته شرف
تلغة الصرامه هلا فيك مرورك اسعدني
سعد العبود بيض الله وجهك على مسكة الصفوف وانت عزها يا سنايدي
البطران هلا وغلا فيك يالغالي وابشر بعزك

خالي استلم


وش علي من ناس لوتسري وهي منجومه=كل تاجر همه الاول تزيد ارباحه
كل رجالٍ حلم فسرت انافي حلومه=والعرب ياصاحبي تكره ترى النصاحه

[الصييفي]

الأخ العزيز "شعراوي":مرحبا بك و تواجدك يسعدنا. المعذرة ما شفت مشاركتك إلا بعد فوات الأوان. يظهر بينك وبين العبود رطينة ما يفهمها إلا انتم.

الأخ "ظناني الشوق": تواجدك أسعدنا و مشكور على الإطراء و يكفي في المنتدى زعيم واحد (الله يرده بالسلامة) و بطران واحد.

"تلعة الصرامة": عافاك الله.
و العلوم كلها واضحة ما تبي تحليل و توقعات أو إستنتاجات.
و بعض الصفوف محظورة إلا عليك!

الأخ سعد العبود: مرحبابك يبو براهيم و تواجدك له دائما نكهة خاصة لا عدمناك.

"البطران": حياك الله ومشكور على المتابعة.

أخوي علي مرحبابك .. استلم لا هنت:



الجواب الدبلوماسي يا علي ما لومه=لكن التاجر يعبي بالخشاش مراحه

كل واحد ما يطيق العيشة المسمومة=و الحلوم علوم، ما تبغى قراية راحة

[علي العجاجي]

خالي استلم لاهنت

ماحادٍ ماخذ ياخالي زود عن مقسومه=مير قلي من كلى الموزه مع التفاحه
قافلتنا سايره غصبٍ عن اهل الزومه=قافلتنا سايره ماهمها النباحه

[الصييفي]

أبو إبراهيم : إستلم يالغالي:



كلّ مومن راضي بالقسمة المعلومة= و آكل الميوات قِدْ رجَّعْ عصير الواحة

من يزوم النفس ما يحصل على ملزومه= و العقور يْجَوَّدْ المِحْزَمْ على صَيَّاحِه

[بعير نت]

الاخوه الشعار,,,,

خشم الرعن,,

على العجاجي,,,

بيض الله وجيهكم على هالمحراف ,,,

واصلواااااااااا وحنا متابعين ,,,

وتراي بصف ابو ابراهيم ,,,ولايهون الشاعر خشم الرعن,,,,

[علي العجاجي]

بعير نت هلا وغلا وشرف كبير لي انك بصفي

خالي استلم
كل صقارٍ يعرف الحر هو والبومه=بس راعي الطير ضيع ياولد ملواحه
من يزوم النفس دنياه بتدق خشومه=لين تلعب به ياخالي لعبة الزناحه

[القضاعي]

السلام عليكم ورحمة الله وبركاته

العم الغالي خشم الرعن وابن العم الغالي علي العجاجي

بيض الله وجيهكم وترى توني جاي واباامسك الصف

لان صفكم واحد جعلكم تسلمون

الليل\\\الليل

واصلوا ترانا متابعين

اخوكم الصغير القضاعي

[الصييفي]

الأخ "بعير نت" : حياك الله في أي صف تقف و وجودك مكسب للجميع.

الأخ "القضاعي": حياك الله يالبناخي و مشكور على تواجدك الذي يسعدنا جميعاً

أبو ابراهيم، إستلم يالغالي:


الصَّقِرْ روَّحْ و خلَّى البُومَه المشْؤومه= و صار قنّاص الفلَسْ يلْعَقْ جِديد جْراحِه
و الخشومْ بحارة الزَّومْ أصْبحَتْ مَخْزُومَه= و عوِّدتْ تلْعَبْ مع الوِِرْعان بالقدَّاحة

[علي العجاجي]

القضاعي هلا وغلا فيك وجودك شرف لنا من زمان وينك عسى ماشر
خالي استلم لاهنت

خله بدنياه عايش ليلته مع يومه=خله يفرك يديه ويلعب بمسباحه
ان سرينا الليل نعرف دربنا بنجومه=وان ركبنا البحر حنا للبحر سباحه


واشكرك ياخال على اختياري والعذر والسموحه ان حصل تقصير او خطاء

[الصييفي]

حياك الله يبو ابراهيم و لا قصرت ومشكور على إجابة الدعوة وأرجو ألا أكون أثقلت عليك بطلبي.

و إلى اللقاء.