ظناني الشوق اقلط لاهنت

[سعد العبود]

الأخ العزيز ظناني الشوق اتمنى أن تشاركني هذه المحاور واتمنى ان تجد الوقت لذلك :

يا جماعة قبل مدة شفت فالساحة ظناني=يا ظناني الشوق راس المرجلة عزم الرجالي
ودي آخذ معك محراف وسواليف ومعاني=وانت وان ماخاب ظني من رجالٍ ما تبالي

[الصييفي]

حياك الله يبو ابراهيم على طلبك لـ "ظناني الشوق" و الذي حسب علمي لم يشترك في ردية من قبل. شكلك عندك علوم ما نعرفها.

على أي حال حنا بانتظار "ظناني الشوق" و أنا أبا أصير بصفه و لا تهون يبوا ابراهيم: يا الله يا الله يالهلالي ... لا تخليني لحالي.

أبو ابراهيم إن نجحت محاولتك هذه ليش ما تطلب " تلعة الصرامة" لعلك تروضه لأني أشوفه الله يهديه دايم معه ولاّعة جنب مواطير الكهرب.

[تلعة الصرامه]

يمال العافيه يابو ابراهيم على هالطاروق
مبدا جزل من شاعر جزل
وترااني بصفك والمحايده لغيرنا
يالله ياظناني والله يعينك شد حيلك وترى قبيلك مايستهان فيه
الليل,,الليل

[تلعة الصرامه]

تلعة الصرامه
خطرررررررر
سريع الاشتعال
ابتعد100قدم على الاقل
بس ليت من يوصي يقضي لزومه بنفسه
الولاعه
او
القفص
او
الشخط على قول الالمان
كل هذه الاسماء تطلق على تلعة الصرامه:eek:
حيل الله اقوى|1|

[سعد العبود]

هلا والله بالخشم وهلا بالتلعة يا مرحبتين أيه شعللوها من هالحين ...............

بيض الله وجيهكم بس الاشتعال لا يحرقنا تكفون ..........

خالي الخشم ظناني الشوق له محاورة مع الشاعر الكبير القضاعي وكنت من زمان ابيه ويوم سمحت الظروف طلبته راجع الرابط هذا :

http://www.alsh3ra.net/vb/showthread.php?s=&threadid=4871

تحياتي لكم يا صفوف الطيب وأنا أنتظر الغالي ظناني الشوق ...

[الصييفي]

الأخ أبو إبراهيم: مشكور على التنبيه و أعتذر للأخ "ظناني الشوق" عن هذا اللبس.

الآن يا ظناني نحن بانتظارك و الغايب معه عذرة للكن لاتطول الغيبة تعبت من الوقاف و لافيه إلا كرسي واحد و لا نحتاج نقول من خذه، الشاعر طبعاً.

همسة للتلعة: نسيت إسمك اللي أعطاك "مطفوق": "نبشتي الضب"

و للجميع كل تحية.

[$البطـ777ـران$]

يا جماعة قبل مدة شفـت فالساحـة iiظنانـي
.....................يا ظناني الشوق راس المرجلة عزم الرجالي
ودي آخذ معك محراف وسواليف iiومعانـي
......................وانت وان ماخاب ظني من رجالٍ ما iiتبالـي

وانت وان ماخاب ظني من رجالن ماتبالي

وينك ياظناني الليل الليل

ازهل الصف يابن عبود ولايهون ظناني الشوق

[تلعة الصرامه]

وش دعوى يابو ابراهيم
خشم الرعن الى نسيت نذكرك
المطفوق دائما يطلق على العجل واللي ينثر مابدربه
بس انا والمطفوق خوان حتى مهما قال
وان اخطى علي فله مني المبادره بالتسامح
حتى لو انه المخطي
وهو قال عقرب صفراء وحشره
ومن ساعتها وانا مسامحه ولاله عندي الاالغلا والتقدير
شعللوهاااااااا

[ظناني الشوق]

ألأخ الشاعر الكبير سعد العبود اللعب مع شاعر مثلك لاشك إنه شرف كببير لواحد مبتدئ مثلي وأرجو أن أستغل هذه الفرصه الإستغلال الأمثل . وصدقني لم يتسنى لي مشاهده الطلب إلا هذا الصباح لذا أستميحك عذراً على هذا التأخير

وإستلم لاعدمتك


مرحبا بك ياسعد والوقت ساعات وثواني = مايخالف لو صرفنا بعضها صرف الريالي
تاخذ المحراف ولا تتركه للي يباني = مانبالي لو طلبنا مشرفٍ يابن الحلالي

[ظناني الشوق]

الإخوان والإعزاء
خشم الرعن:الله لايهينك على مسكة الصف لاكن الخوف إن إبن عبود يزلزلنا وأطيح انا وياك

تلعة الصرامة:الله لايهينك على النصيحة

البطران:لاهنت

[فارس تميم]

مرحبا بك ياسعد والوقت ساعات وثواني = مايخالف لو صرفنا بعضها صرف الريالي
تاخذ المحراف ولا تتركه للي يباني = مانبالي لو طلبنا مشرفٍ يابن الحلالي



صح لسانكم يالشعار وتراني ماسكن صفك يابو شوق ،، بس وين ابو ريم

[سعد العبود]

الخشم والتلعة حياكم الله مليون ..............

البطران هلا وغلا بسنايدي حياك الله وشرف كبير إنك انت اللي تقضب الصف حقي يعني صفي صاحي صاحي وسلم لي على الرجال;) .........;)
فارس تميم هنا يا مرحبا يامرحبا خله ينفعك:mad: صف ظناني :D;)

ظناني الشوق الله واكبر يخوي حنا نقطه من بحر أبداعك طال عمرك صح التواضع حلو لكن انت أثبتت نفسك بالساحة علي وعلى غير استلم لاهنت :

مانبي كلن يجاوب يا ولد فالامتحاني=اسئلة صنع الوزراة ماتبينها الليالي
ودنا نشطح ولانقرب ديرنا والمباني=الهدف عودٍ قضى وقته وخاتمته يلالي

[ظناني الشوق]

المشرف الرائع فارس تميم صح بدنك والله لايهينك على مسكة الصف ولا يهمك إبن عبود لو بدى يستخدم سلطتة عليك:D:D

أبو ريم الله الله عليك

أستلم لاعدمتك


التلاميذ اللي تدرس ياسعد تبغى اللياني = والوزارة أسئلتها صعبةٍ تبغى دلالي
في زمان العود كنتم شلـّةٍ تبغى التهاني = وفي زمن ذيب الغداري مانشوف إلا المعالي

[$البطـ777ـران$]

في زمان العود كنتم شلّـةٍ تبغـى التهانـي = وفي زمن ذيب الغداري مانشوف إلا المعالي

واصلوا ترانا متابعين الله لايهينكم ;)

ابوريم جعلي مبكيك لاتشيل هم الصف مدام تلعة قاضبه وانا

اللي علي اعطي الاستشارات له |4|<-----(خاف من ظناني)

[سعد العبود]

البطران كفو انت والتلعة يا عصابة راسي جعلي ما اعدمكم ........

البطران استلم لا هنت ولا تخاف فارس دون روحه:

احسب اني لا عطيتك علم تبغا ترجماني=اثرك اللي تعرف المقصد الى جيت المجالي
كل خلق الله لها وقت ولها وضع وزماني=وعودنا فعله بوقته في ميادين القتالي

[ظناني الشوق]

البطران وجودك معنا بحد ذاته شرف كبير لي سواء كنت بصفي او بصف ابو ريم

الغالي أبو ريم إستلم لاعدمتك


العلوم اللي تبيها واضحة مثل اليماني = لو تفتش في دواليبك تبا تلقى مثالي
الزمن نفسه ولكن عودكم له وضع ثاني = تحسبونه فارسٍ وهو كما الصفر الشمالي

[بعير نت]

الشاعر سعد العبود ,,,

الشاعر ظناني الشوق ,,

بيض الله وجهيكم على هاالمحاوره ,,,واصلواااا الله لايهينكم,,

وتراي بصف الشاعر ظناني الشوق ولايهون الشاعر سعد العبود,,,

[سعد العبود]

بعير نت :
حياك الله وبدينا بالتهميل ;) انسسسس أني اصير بصفك بعد هذا اليوم ;) حياك الله يا البعير بأي صف كنت وجود شرف .........

الغالي ظناني الشوق استلم الله يبيض وجهك :

الحقيقة ما تجي بالكذب والا بالتماني=ناظر بعين الصدوق ولاتزود بالتعالي
حرنا معروف في وقته شهر يا مودماني=ما ضهر من سبة الاعلام واصحاب المعالي

[ظناني الشوق]

الشاعر الكبير بعير نت وجودك بصفي شرف كبير لي ..... لاعدمتك يالقرم

أخوي أبو ريم أستلم الله لايهينك


أشهد إنك مافهمت اللي قصدته ياحصاني = والله إني ماكذبت والله إنه ماطرالي
عبدكم وقت الشدايد ضايع(ن) ماله مكاني = ولا في وقت السهايل مثل ابو زيد الهلالي

[سعد العبود]

عزيزي ظناني الشوق استلم يا طوي العمر :

والله إني فاهمك مضبوط يا راع البياني=ما كذبت ولكن إنك ما دح(ن) راعِ التوالي
حرنا من حر لكن عبدكم ماله عواني=الاسم مضبوط لكن الأصل ياهمَ لا لي

[ظناني الشوق]

عزيزي سعد العبود أستلم ياطوي العمر


طيرنا وقت الهدد يفرس ويضرب بالسماني = مامدحته مادح(ن) نفسه غصب وبلا جدالي
عبدكم بيته تهدم ذي السنه صارت ثماني = الإسم مضبوط لكن الفعل فعل الهزالي

[$البطـ777ـران$]

حرنا معروف في وقته شهر يا iiمودمانـي
...................ما ضهر من سبة الاعلام واصحاب المعالي


بن عبوووود

الله الله يابن عبوود


عبدكم بيته تهدم ذي السنه صارت ثمانـي
............................ الإسم مضبوط لكن الفعل فعـل iiالهزالـي

ظناني الشوق

الله الله ياظناني

واصلوا الله لايهينكم وبيض الله وجيهكم

[شعراوي]

الشاعران الكريمان

سعد بن عبود
وظناني الشوق

تسلمون على المحاوره
متابع لكم وانا معروف
خادم القوم ازهلوا
صفوفكم عساكم
على القوه
واصلوا
لاهنتوا


سلاااام

[سعد العبود]

البطران هلا وغلاااااااااااا لا خلا ولا عدم يا طويل الذراع ...........

شعراوي حياك الله يا أمير القوم مرورك شرف ووجودك يسعد الجميع ..........


الشاعر الرمز الجهبذ ظناني الشوق استلم لا هنت;)

صار طير البوم حر وصار حر الدار داني=انتكس وضع الحقايق بين راح وبين جالي
كل شي(ن) له نهايه وين هو عصر السواني=كل شي(ن) ينتهي مابقي الا الرب عالي

[ظناني الشوق]

البطران يامرحبا فيك وتسلم على مرورك العذب
شعراوي الله لايهينك على مسكة الصف بس ماهقيت إنك أصغر مني:D

الشاعر سعد العبود ترى كلمة رمز تعتبر هذه الأيام سبه وإذا في خاطرك مدحه قل الزعيم:D:D

إستلم لاعدمتك


لو تقارن بالذهب ولا العدد تصبح مُداني = طيرنا قرناس لكن البعض جاله خبالي
النهاية ماتجي بالنوم ولا بالأماني = ياسعد خلك طبيعي من علومك ضاق بالي

[سعد العبود]

هلا والله بالشاعر الغالي الرئيس ظناني الشوق (الزعيم راحت عليك;)) استلم :

ربي اللي من ردي العلم والزله حماني=واعرف اسعار الذهب في يوم تحت ويوم غالي

والله إن الحظ خادمهم وهذ اللي بلاني=صار فيهم ذيب ياذيب الفلس مفلس وبالي

[ظناني الشوق]

يامرحبا بك ياسعد سواء الزعيم او الرئيس أهم شي لي لقب

أستلم ياسنايدي


ذيبنا ذيب الغداري ساكن(ن) بين المحاني = لو زهمته او طلبته حاضر(ن) باول وتالي
في الولايات وفرنسا وخابر إنه في ياباني = بيض الوجه وماقصر ياما صال وياما جالي

[الصييفي]

يعطيكم العافية يا شعار على هذا السجال ميولي معروف(لاتزعل يبو ابراهيم) و أنا أشهد إن غلاك زاد ياظناني عقب هذا الله يكثر الذيابة و يكفيها أهل الحقق و الديكة.
ما قصرتوا وحنا مازلنا ننظر النهائي اللي بينت ملامحه.

[سعد العبود]

خشم الرعن هلا وغلا فيك يا مرحبا مليون صدقت والله النهائي بانت ملامحه عسى الله يوفق الجميع وميولك ما يحتاج معروفه ;)....

تستاهل يا ظناني شاعر متمكن تستحق ان تكون من روس الشعر استلم لا هنت :

ذيبكم ربي يثيبه ما لقينا له حساني=لا قعد عند الرخوم يبين في صوته يلالي
وان نزل عند الفحول اللي بهم ما يستهاني=قال ابي بابا وماما قال ابي عمي وخالي

[ظناني الشوق]

الغالي خشم الرعن تسلم على هالمسانده والدعم القوي , والنهائي على قولتك بين لكن حنا في حكم المعزب أن بغى ينهيها ماعندي مانع وان بغى يكمل أبرك الساعات.

الغالي سعد العبود او أبو ابراهيم او ابو ريم بصراحة ماعرفنا لك ولا ندري وش تفضل

على العموم أستلم ياشاعر المنتدى


الحسان كثار لكن لاتصير اليوم جاني = ولو بغيتوا تجحدونه راسي(ن) مثل الجبالي
ذيبنا فوق الرجوم ومن أساطير الزماني = ماخبرت أني لقيته ساكنن حدر التلالي

[سعد العبود]

ظناني الشوق مشكور يا ريس اشكرك على قبولك اللعب معي شكرا لك واشكر كل من شاركنا بهذه المحاورة المتواضعة ...........

وبالنسبة لأي أسم يجيني منك يسعدني لأنك غالي يا طويل العمر ..........

[ظناني الشوق]

الأخ سعد العبود , ابو ريم , ابو إبراهيم ( عملاق الشعر ) هذي من عندي;)

أشكرك جزيل الشكر اللي خليتنا نلعب معك ونوسع صدورنا وأشكر جميع الأخوان الأفاضل اللي مسكوا الصفوف او اللي مروا من هنا لو للمشاهده

أتمنى أن تجمعني معك محاورات قادمه لكي نستفيد من ما حباكم به الله

لك تحياتي وتقديري وتسلم