المساعد الشخصي الرقمي

مشاهدة النسخة كاملة : الشاعر سعد العبود ,,,ودي انشدك؟؟؟

بعير نت
07/05/2004, 03:13 PM
السلام عليكم ورحمه الله

الشاعر الكبير سعد العبود ,,,,

ودي اخذ معك محراف اذا كان وقتك يسمح لك ياالغالي واللعب مع شاعر كبير شرواك مكسب,,,وانت صاحب القرار الاول والاخير,,,

استلم لاهنت,,


علامك مختلف منتب على طبعك معاي العام"="ابي منك الجواب اللي يبرّد خاطر الملهوف
بعدها ودنا ننشدكِ عن طير(ن) بعد ما حام"="صواريم الحرار مخليه ريشه غدا منتوف
تلعة الصرامه
07/05/2004, 03:54 PM
هلا والله ومرحبااااا
حي والله ذا الصوت يالبعير
وطالب الشاعر الكبير سعد العبود
اكيد بتكون محاوره ممتعه جدااا لايمكن تفويتها
يالله ياسعد عجل ترانا حاضرين ومتابعين
بس يالبعير انت وسعد
ارقدو عن الصفوف
وترى منيب بصف احد عن احد
لانكم كلكم بالغلا متساوين
وانتم تبي تعذروني انشاء الله
استمروااا والرب يرعاكم
سعد العبود
07/05/2004, 05:29 PM
ابشر والله بسعد يالبعير والشرف لي طال عمرك .........

التلعة هلا وغلااااااااااا ومرحبتين ابد ابد ابد معذوره واللي ماسكن صف البعير كنه ماسكن صفي اما اذا مسكتي صفوفنا كلها فالشرف يعم يا طويلة العمر ...............

اخوي البعير استلم طال عمرك :


عسى ماشر والدعوى سلام سلم و استسلام=وترا ما فالنفوس الا الرضى يا راعي المعروف
وابيك تبين الحر القطامي يا رفيع الهام=ترا واجد حرار الديره اللي تعتلي وتشوف
المشهاب
07/05/2004, 06:23 PM
اقتباس من الكاتب سعد العبود
الليل ـــــ الليل
واصلوااا وترانا ماسكين الصفوف ونتابع

ازهل الصف يابو ابراهيم

ولايهون اخونا البعير
الليل ـــــــ الليل :


عسى ماشر والدعوى سلام سلم و استسلام=وترا ما فالنفوس الا الرضى يا راعي المعروف
وابيك تبين الحر القطامي يا رفيع الهام=ترا واجد حرار الديره اللي تعتلي وتشوف
بعير نت
08/05/2004, 05:42 PM
ياهلالالالالالالا وغلالالالالالالا

تلعه الصرامه ,,,هلا فيك اكثر وبيض الله وجهك على مسكه الصفوف ,,والله يغلي مقدارك يالقرم,,
وزي ماقال الشاعر سعد الصف واحد الله لايهينك يالغالي ,,,,اشرف على مسكه الصف وابشر بعزك يالغالي,,

المشهاب ,,بصفي والا بصف الشاعر سعد اهم شي تواجدك مهنا الله يحييك,,

الشاعر سعد العبود اشكر لك تواضعك والله يشرف مقدارك يالغالي,,,

استلم لاهنت,,,


اثر بعض العرب سطحي تغره سكبة الهندام"="وِراع الخبره ايداري وثوب القطن غير الصوف
ترى مثلك يميز مايوضح له عليه اوسام"="مضاريب الحرار امقطعه جلده تشوفه شوف
شعراوي
08/05/2004, 09:49 PM
الشاعر بعير نت
والشاعر ابو ريم

الله قوكم على مايحب
ويرضى ومتعكم كما
ستمتعوننا بهذه المحاوره
لكما جزيل الشكر وازهلوا
الصفوف الصفوف تبي من
يخدمها وانا لاها سلمتوا


واصلوا




لاهنتوا





سلاااام
سعد العبود
09/05/2004, 12:41 AM
المشهاب :
هلا وغلاااااااااا ومرحبا بذيبان وجود شرف وصفي عزه بوجودك وجود الربع جود الصف يا عصابة راسي;)

شعراوي :
يا مرحبا بأمير القوم هلا وغلا اااا شرفت هذه الصفحة وكعادتك تشرفنا بمرورك الكريم يا حامل الخير وقاضب الصفوف .........
البعير شكرا لك واستلم يا الغالي :

لزوم تبين الدعوى لنا وتحدد المرسام=يقولون الصفه يا شعيل دايم تتبع الموصوف
وانا في خاطري حاجه ولاني عازم وجزام=ولا ابغا السالفة تضهر ولا نلعب على المكشوف
بعير نت
09/05/2004, 11:25 PM
الأخ العزيز شعراوي ,,
مرورك يشرفنا الله يطول عمرك ,,,,ويا هلا فيك وابرك الساعات مرورك,,

الله الله ياسعد ,,,وعدم المؤاخذه على التأخير ظروف العمل وانت خابر,,,
استلم يالذيب,,


على ماقيل لاتخلف زمام الوضع يالضرغام"="تميزها على الطاير ليا جات الصفوف اوقوف
واظن اللي بخاطرك امتوافق والوعد قدام"="ويطيب الخاطر ويصفى واقول الخوف مامن خوف
سعد العبود
10/05/2004, 01:03 AM
خذ راحتك يالبعير خابرين دعواك الله يعينا وياك ;)

استلم يا شعيل :

يقولون العرب ما يركب الميسم بلا وسام=غفالٍ كلها لامن وسمها واحدٍ مصروف
ترا الحر القطامي ما غدا لكن جاه اجرام=وتعرضه الغشيم اللي رمزنا بأسمه الملقوف
بعير نت
11/05/2004, 11:29 PM
الله الله ياسعد ,,,,

استلم لاهنت,,,

انا ماالوم مثلك لو تحايل خشيه الاعلام"="اقدر موقفك وادري عن اللي داخل المظروف
ولا كن النصيحه لاتشيل الفرد دون حزام"="يعيش الحر حر ولا تهمه عضة السرعوف
سعد العبود
12/05/2004, 02:09 PM
الله الله استلم يا الغالي :


اخبر إنك بخيص وفاهم الترتيب والأرقام=ولكني اشوفك كل فتره تستعي وتطوف
و أنا لا من بغيت اظهر تراني فالبلد عزام=تعرف الأوله والتاليه ياشيخ حق الشوف
بعير نت
13/05/2004, 08:19 AM
الله الله استلم يالغالي/


صحيح اني بخيص وعارف(ن) اللي وقع باوهام"="على الملة ترى مااخطيتها من جالها مخلوف

حكي كل(ن) يقوله قدمسك قبلك سهل وحزام"="وبعض الناس يفهمها يعرف انه على المعطوف
علي العجاجي
13/05/2004, 12:45 PM
الشعارين بعير نت وسعد العبود بيض الله وجيهكم على المحارف الجميل انتم شعللوها وازهلوا الصفوف وانا بصف البعير ولايهون ابو ريم.

البعير عندك الرجال وازهل الصف
سعد العبود
14/05/2004, 05:35 AM
ابوإبراهيم:
مرحبا بك يالغالي وصف البعير وصفي واحد طال عمرك ومرحبا مليون.

البعير استلم يا طويل الذراع :
انا ماني وكيل آدم على ذريته يا غلام=ولاني بالذي يخطي طريق المرجلة مكلوف
وابي تدري ببعض الهرج كنه حذفة المرجام=يصيب ومر يخطي ما يوكد موقع المحذوف
بعير نت
14/05/2004, 09:45 AM
الشاعر علي العجاجي ,,

حضورك بحد ذاته يشرفنا الله يطول عمرك ,,,فما بال اذا جيت بصفي ,,,
حياك الله يابو ابراهيم,,,,,


الله الله ياسعد ,,,

استلم لاهنت ,,


مدام انك على ماقلت ليه تفسر الاحلام"="وتقطف ثمرة الشجره وجاوبني بدون احلوف
وانا يوم اني اقوله مثبت وجهة القسام"="والى طالت اخاف انه يبين كامن السرجوف
سعد العبود
20/05/2004, 12:05 PM
اخوي بعير نت اعذرني ياطويل العمر انشغلت الأيام هاذي في بعض الظروف
و إنشاء الله يكون لنا لقاء قريب و أنت تعرف إذا طول الرد يفقد لذته لذلك أتمنى انك تعذرني عن هذا المحراف اللي ابطيت عنه وسوف يكون لنا غيره إنشاء الله قريبا جدا

اخوك سعد العبود