المساعد الشخصي الرقمي

مشاهدة النسخة كاملة : الشاعر شعراوي اقلط على عز ومعزه

علي العجاجي
10/05/2004, 11:28 PM
الشاعر الكبير والبناخي شعراوي

السلام عليكم ورحمة الله وبركاته

ودي ياطويل العمر والسلامه تشرفني وتقبل دعوتي للعب معي على هالطاروق اذا ما عليك كلافه. لان اللعب معك وشرواك مكسب وانت صاحب القرار


سلامي عليكم يالرجال الميامين=واخص العميل اللي يسمى شعراوي
كريمٍ بوقت العسر يالربع واللين= طريق الشكاله عنه ماهوب غاوي
شعراوي
11/05/2004, 11:58 AM
الغالي الخاااال
علي العجاجي
السلام عليكم ورحمة الله
يشرفني ويسعدني ان
اتحاورمعك وانا من سيستفيد
لما تحمله من شاعريه متمكنه
من تطويع الصعب الى سهل
والفتل الى نقض امنيه اللعب
معك ومع شرواك ابشر بسعدك
واستلم يا خاااال



هلا بالمسلم والنقا له عناوين= حبيب(ن) واشوفه دايم الزين حاوي
وجدت الكلام اللي يحبونه اثنين= يفوح المسك من ريحته يالنداوي

سلاااام
سعد العبود
11/05/2004, 04:38 PM
الله الله

صح لسان شعار الميدان

انا اليوم بصف شعراوي ولا يهون علي

يالله يسنايدي يا شعراوي

بيض الله وجيهكم
$البطـ777ـران$
11/05/2004, 06:03 PM
ايه تكفووووون شعللوها

والله كل منكم له معزه وغلا ومشكلتي لازم امسك صف !

وابمسك صفك ياشعراوي ولايهون ابناخي علي لاني كنت ماسك

صفه مع خشم الرعن وبيعذرني هالمرة |4|
علي العجاجي
11/05/2004, 06:11 PM
سعد العبود حياك الله وجودك بحد ذاته شرف في صف كنت

البطران هلا وغلا يالغالي ومعذور وانا وشعراوي ما قسمنا;)

شعراوي استلم لاهنت


على الحاجب يقولون ما تعلو العين=لكن الزمن ياشيخ ماهوب ياوي
زمانٍ تغير فيه كل الموازين=ياكيف النياق تهدر عقب الرغاوي
شعراوي
11/05/2004, 07:10 PM
هلا والله وغلا
بابو ريم

لاخلا ولاعدم على مسكة الصف
والظاهر اني انا وخالي خليطيه
بالصفوف ورغم ذلك سلمت ولو
اني منك ترى جادتي حليله
كان احق انك تستخدمها
معي لكن طيبك منعك سلمت
ياسنايدي ازهل الخاااال

السلاااام
شعراوي
11/05/2004, 07:16 PM
ااارحب يالشاعر
البطران

تسلم على الحضور والتشجيع
وانا وخالي صفوفنا مع بعض
ولكن مشكور ولاقصرت ولاتحلم
امسك صفك انا محايد ماسك
الصفين مثل متزوج الثنتين
والعدل مليون مره واجب
المسلمين لاعدمتك

سلاااام
شعراوي
11/05/2004, 07:21 PM
الله الله الله
ااارحب
يالخاااال علي
واستلم
لاهنت



يقولون درب الخير موجود دربين= وانا ذقت لايام القسى والبلاوي
وترى ناقة(ن)ترغي لها اليوم ذيلين= وانا ماسك(ن) ذيلين والراس ناوي

سلاااام
القضاعي
11/05/2004, 08:36 PM
السلام عليكم ورحمة الله وبركاته

ابناء العمومه الغالين شعراوي وعلي العجاجي

مساكم الله بالخير

واصلواااااااااااا الله لايهينكم وتراني متابع وماسك الصف

و صفكم واحد لاعدمتكم

اخوكم الصغير القضاعي

الليل\\الليل
بعير نت
11/05/2004, 11:35 PM
الشاعر على العجاجي ,,,

والشاعر شعراوي,,,

بيض الله وجيهكم على ها المحراف الطيب ,,,

وتراي ماسك الصفين من غير قصور باحد,,,

واصلواااا وحنا متابعينكم الله لايهينكم,,,
علي العجاجي
12/05/2004, 07:42 AM
الشاعر القضاعي هلا وغلا فيك وجودك مكسب للجميع
الشاعر بعير نت ارحب والساعه المباركه شوفتك هنا

استلم ياشعراوي لاهنت


انا خايف(ن) بغداد تلحق فلسطين=ومجلس لامن سيله علينا نحاوي
ليا سلم راسك ياعميلي مع الدين=تراها سهاله تبتزين الدعاوي
الصييفي
12/05/2004, 09:55 AM
الإخوة الشاعرين: علي العجاجي (بريدك الخاص مليان، فرِّغه) و الشعراوي مشكورين على هذه الجولات الممتعة. و هذي مشاركتي الثانية لأن الأولى توافقت مع الإغلاق للتحديث و ضاعت.
أنا مادام كلكم صرتوا مع "الشعراوي" ابمسك صف الأخ علي و لايهون البناخي "الشعراوي".

سـَـــــــــــــــــــــــــــــــــــــــــــــرُّوهـــــــــا
تلعة الصرامه
12/05/2004, 04:35 PM
علي العجاجي ازهل الصف يالبناخي
بدايتن جزله من شاعر جزل ولا يهون شعراوي
شعلوووووووووووها
ومثل ماقال راع السالفه
سروهــــــــــــــــ ,,,, (باللهجه القصيميه):D
الليل الليل
الهمام ياشعراوي ترى الليل انتصف
وبكره خميس وبعده جمعه
بتوفيق الله ورعايته ياحباني
شعراوي
12/05/2004, 08:06 PM
الغالي
خشم الرعن
السلام عليكم
حياااك الله يالبناخي ووجودك
يزيد الحماس وتسلم على
تواجدك ولو انك بصف خالي
كانك بصفي تسلم يابو وليد
لاعدمناك ولك التحيه والتقدير

سلاااام
شعراوي
12/05/2004, 08:10 PM
الغالي
تلعة الصرامه
السلام عليكم
تواصلك وحضورك بحد ذاته
مكسب وتسلم وبارك الله
فيك على الاهتمام وقولة
الهمام تعني المتابعه ابشر
يالغالي وصل شعراوي
تقبل تحياتي وتقديري

سلاااام
شعراوي
12/05/2004, 08:14 PM
ااارحب ياخاااال
علي العجاجي
واستلم
لاهنت



الد النظر ياصاحبي واعمي العين= ابي منك منصوح(ن) واتاوي العماوي
ابعطيك تاريخه تعرفه بوجهين= طريدي ذليل وعندنكم خبر ثاوي

سلاااام
علي العجاجي
13/05/2004, 12:42 PM
الخال خشم الرعن هلا فيك وجودك بحد ذاته شرف وش عاد اذا مسكت الصف ابشر بسعدك ونبي توجيهاتك

تلعة الصرامه هلا وغلا وبيض الله وجهك على حضورك ومسكة الصف اذا مسكت الصف ازهل الباقي انشالله

الغالي شعراوي استلم طال عمرك

انا كيف ابا انصح واحدٍ من نصيحين=ومثلك يصدر للنصيحة فتاوي
طرديك نبي ناقف له بحد سكين=وابا اعرضه طريق سبع الملاوي
شعراوي
13/05/2004, 05:24 PM
ااارحب ياااال الخاااال
علي العجاجي
كفو ياخاااال تقول وتفعل
بارك الله فيك
واستلم
لاهنت


الامن حضرت بمجلس(ن) صار نوعين= وتضيع السوالف عند وصلت غناوي
وتبين الحروف الضايعه بين قوسين=واغني واقول العيب ماله مداوي

والسلاااام
$البطـ777ـران$
13/05/2004, 06:52 PM
طرديك نبي ناقف له بحـد iiسكيـن = وابا اعرضه طريق سبع iiالمـلاوي

الله الله عليك يابوحسين

واصلوا الله لايهينكم وترانا متابعين
علي العجاجي
14/05/2004, 11:08 PM
البطران هلا فيك ومشكور على المتابعه

شعراوي ماعليك الزود يالذيب

انا الها مداوي كان عجز المداوين=وتال العلاج الناس قالوا مكاوي
اعرفك صعوطٍ ياولد للمجانين=عليهم كما نجمٍ من الجو هاوي
شعيل
15/05/2004, 12:24 AM
ارحبوووو
ما شاء الله

علي العجاجي وشعراوي

لله در النشامى 00 لعب ينومس 00 وصفوف حية

وانا تراني بصف ( شعراوي ;) ) ولا يهون ابو ابراهيم

للجميع التحية
شعراوي
15/05/2004, 02:30 AM
البناخي
البطران

تسلم على الحضور
والمداخله الغاليه
بارك الله فيك على
تواصلك واهتمامك
بالمتحاورين وتشجيعهم
لاعدمتك يالغالي

سلاااام
شعراوي
15/05/2004, 02:33 AM
البناخي
الغالي
شعيل
اهلا وسهلابك ومسكتك لصفي
مشكور للغايه لانك ماسك
صفين بواحد دام عزك وسلم لي
على هالبويتات اللي بتوقيعك
صح لسان شاعرها دمت نقي
تقبل تحياتي

سلاااام
شعراوي
15/05/2004, 02:36 AM
ااارحب ياخااال
علي العجاجي
والله انني مدان لك
على طيبك معي
وتقصيري معك لاعدمتك
استلم
ياسنايدي
لاهنت



انا اقول كفو(ن) يابعد كل غالين=فزوع(ن) على حق(ن) بياضك نقاوي
تبصرت في قولك وفعل وبراهين= واقول الحقيقه ماعليها غطاوي

والسلاااام
علي العجاجي
15/05/2004, 11:11 AM
الشاعر شعيل هلا وغلا فيك يابو ابراهيم الساعه المباركه اللي تواجدت فيها هنا سوى بصفي او بصف شعراوي ترى الصف واحد. ابوابراهيم ننتظر حضورك في هذا الميدان اتمنى رؤيتك قريباً في المحاورة.

شعراوي انا ماسويت شي ياطويل العمر واستلم يابعدي


الى من فزعنا مالنا شكر يازين=وانا لصاحبي اسوق عمري فداوي
انا ما غبني كود بعض القوانين=ياليت انها تطبق علينا بتساوي
شعراوي
15/05/2004, 12:08 PM
ااارحب ياخااال
علي العجاجي
لاعدمتك ياابيض الوجه
واستلم
لاهنت


ترى في بلاد الغرب وكل البلادين= قوانين تطبق ماتجي بالرجاوي
وحنا لدينا شرع ربي وراضين=بي ناصل ولي العهد قبل العزاوي

سلاااام
علي العجاجي
15/05/2004, 07:41 PM
شعراوي استلم جعلي ما ابكيك


ياليتك تسريها مساري بعارين=ومصباحها خشم الرعن بالحراوي
انا وان مشيت اطالع يسار ويمين=ولاناب اخاف الا من امرٍ سماوي
شعراوي
16/05/2004, 12:26 AM
ااارحب ياخااال
علي العجاجي
وتسلم على الدعوه
ابشر عن قريب
واستلم
لاهنت


تبي تسمع بمسراي والناس دارين= يعرفون طبي كيف اجرح واداوي
وانا ادري تبي تفرح الاقلت هالحين =ولكن تصبر لين اجي لك واخاوي
سلاااام
علي العجاجي
26/05/2004, 12:51 PM
العزيز شعراوي . اعتذر لك عن تاخري في هذا الرد واقدر لك اجابة دعوتي لهذه المحاوره والعذر والسموحه عن التقصير
شعراوي
27/05/2004, 12:18 AM
الغالي الخال
ابو ابراهيم

السلام عليكم ورحمة الله
تسلم يابو ابراهيم بالعكس وفيت وكفيت
ولاحصل منك قصور وبيض الله وجهك
ووفقك الله لما فيه الخير والبركه
وتقبل تحياتي وتقديري

سلاااام