سلام الله سلام(ن) يجذب الشاعر وهو محكوم

[شعراوي]

السلام عليكم ورحمة الله
الله يحيي من يجي ترى
جيتي من اجل احياء
المحاوره لانني شفت
تاريخ اخر رد وحز بخاطري
توقف المحاوره نعم اللي
عندهم اختبارات معذورين
لكن انا واحد من الغير
معذورين لهذا حضرت
واستلم يالخير


سلام الله سلام(ن) يجذب الشاعر وهو محكوم= على معنى(ن)تشيله من ربوعي صفوة(ن) حيه
ابا اسأل شاعر(ن)مقبل شعاعه يفتح الملحوم= والا منه وصل يبشر ترى ما ينوجد زيه

سلاااام

[كنداري]

صح لسانك يا شعراوي

اي والله نشوف منتدى المحاوره معد صار مثل اول بس انشالله انها ازمه اختباارات وتعدي ونشوفكم زي اول واحسن

يعطيك العافيه يا الغالي (شعرواي)

[الصييفي]

الأخ العزيز " شعراوي": مرحبا بك و مشكور
على حرصك على هذا المنتدى
و ازدهاره. و بما انني لست
من المعذورين لسبب
الإختبارات (على الأقل مباشرة)
و بما أن لدي صورة واضحة عن هويتك الكريمة
(طبعاً هذا ليس للنشر)، فسوف أشاركك هذا المرواس
حتى يجد المتصفحون ما يسرهم أثناء غيبة الربع في وقت الإختبارات.
إستلم، لا عدمتك:


هلا باللِّي دَخَلْ للملْعبة من بابها بسلوم= على برِّيّة(ن) ما عكَّرَتْها حبّة(ن) نيّه

قبيلك شاعر(ن) يفهم، و يفرقْ سلعته بالسَّوم= و الى جازت له السِّلْعة، حصَلْ له كلّ مَبْغِيِّه

[الصييفي]

الأخ "كنداري":

محربا بك و مشكور على الحضور و أبشر بسعدك، والأخ "شعراوي" ما قصر، دائما راعي فزعة

[شعراوي]

الغالي كنداري
السلام عليكم

اشكرك على تواصلك ونشاطك
وحرصك على المداخلات بقلبك
البكر ونقاوتك الطبيعيه دمت لخالك
ومحبك لك الشكر اينما كنت واتمنى
نجاحك ومضيك بنهل العلم والمعرفه
تقبل تحياتي وتقديري

سلاااام

[شعراوي]

الله الله الله
عليك
يا
الغالي و البناخي
ابو وليد
السلام عليكم احييك واحيي
حضورك اللذي اسعدني كثيرا
ولي الشرف بان اللي امامي
انسان يتحلى بالاخلاق الراقيه
واستاذلي وافخر بانه الدكتور
العصامي والانسان النقي لك
الشكر
على تواضعك وقبولك محاورتي
واستلم
لاهنت


الا يامرحبا باللي لفا والعلم به مظلوم= تراك اللي ظلمته واعتبر شكواه منسيه
وهو يتنا زيارتكم ترى قدمك عرب وعلوم=وكل (ن) فاهم(ن) طيبك نعزك يانداويه
سلاااام

[محمدبن سيف(ابوعبيد)]

السلام عليكم ورحمة الله وبركاته
شعراوي وخشم الرعن محاوره ولابد ان تكون اكثر من رائعه بين شاعرين قطبين في منتدى الشعراء 0
وانا ماسك الصفين ولا تدرون ابمسك صف شعراوي ولايهون ابو وليد دام عزه 0يقول الشاعر (مايصير اثنين تعطيهم ضمانك
عند تالي العمر ماتعرف ضمينك)
الله يقويك عجلو علينا0
تحياتي

[الصييفي]

محمد بن سيف "ابو عبيد":
هلا و الله فيك وحضورك يكفينا،
بصفي و الا بصف البناخي "شعراوي"،
الحال من بعضه.

لا عدمناك.

[الصييفي]

البناخي "شعراوي" لاعاش من يظلمك وأرجوا ألا يكون موضوع الهوية زعلك، وحقك على الراس و ان طاح على المتون.
إستلم لا عدمتك:


أفا ياصاحبي، وشلون أجي ظالم و ليّ تلومْ= وحقك يا ولد عمي على راسي و متْنــَيــَّه

و سبب قولي كلام(ن) من قديم(ن) قِلْتِه و مفهومْ:= ما اشارِكْ بالملاعبْ غير عِرْفي مِيَّه بمِيَّه

[شعراوي]

الغالي وابن الغالي
محمد بن عبدالله السيف
السلام عليكم
ااارحب يابو عبيد حياك الله
وجودك بمتصفحي انا وابو وليد
سوف يشعل المحاوره ما بالك
وانت بصفي يبي يطيح غتر وعقل
ابشر بسعدك وسوف يساعدني
استاذي ابو وليد اطال الله بعمره
بيض الله وجهك على اهتمامك
تقبل تحياتي

سلاااام

[شعراوي]

ااارحب يابن العم
ابو وليد
اولا اشكرك على طيبك ونقائك
وانت لك مكانه اعتقد انك لازلت
تذكرها ولن يزيلها عنك ولاعن
كل من عرفته وعرفني الا
شديد الحيل القوي وهذا
مار مار علينا كما مر على
والدي ووالدك رحمهم الله
استمر يالبناخي انت مع
شعراوي والطيب مقسوم
بينا وابشر بما يسعدك
استلم لاهنت




ترى مشيك مع الطرقه يوردك البحر ملزوم= ولا لك حاجة(ن) تمنع مواجيب(ن) ومشريه
تبي شويعر يرحبك تزور المعتبر لك يوم=وابا اضمن معتبرنا لو يشوف الشوق والفيه
سلاااام

[الصييفي]

حياك يا ابن العم، و علومك
كلها زينة و طيبك عام.
إستلم، لا عدمتك


ترى ما ودنا انْشرْبكْ مداراتْ القمرْ بِنجوم= و مواجيبي حفظت اللّي قدرت، و بعضها عيَّه

تراي أقراك، و انا دايم الدايم عليه احوم= و لكن خل دعْوانا إلى جينا فيافيّه

[شعراوي]

ااارحب يا ابو وليد
وماعليك زود يالبناخي
ودام عزك ودام طيبك
واستلم لاهنت


يزيدك بالعلم واثق تراهن بالعيون رسوم= ولكن واحده تطرب تشيل الهم والسيه
رجال الطيب موجوده تبيك بمختصر مكتوم= تبيك تقدم الشندي ثقه فيكم ومعنيه
سلاااام

[علي العجاجي]

الغالي شعراوي والغالي الخال خشم الرعن. بيض الله وجيهكم على هالطاروق واشكر لكم حرصكم على احياء هذا الميدان والله اني محتار من اجي بصفه كلكم لكم معزه وتقدير ولا ودي ازعل احد وانا عارفٍ صفكم واحد بس ابجلس وازهلو القهوة والمعاميل عندي لين تسرون انتم والصفوف.

[hotmail]

واصلوا يالربع ترانا متابعين

الليل الليل

[الصييفي]

الأخ علي العجاجي: مرحبابك و نورت بعد
هذه المدة اللي فقدناك فيها وعسانا
ما نفقدك من شر.مشكور على
مرورك و فيك الخير و البركة
يبو ابرهيم.
عادتك الطيب وعلوم الرجال.
هات فنجال، لا عدمناك.

[الصييفي]

الأخ (hotmail): مشكور على مرورك و لا قصرت وابشر بسعدك و لا يهون شعراوي

[الصييفي]

هلا ببو محمد و شرواك الطيب.
إستلم لا عدمتك:


عسى عيون الرفيق اللِّي تكلم، ما يجيها هزوم= و أنا اعرف جهدكم بالمعتبر، محد(ن) عمل زيِّه

و انا "راع الصراحة" قال لي، و اعطيته المعلوم=أنا ماني ضليع، و خبرتي بالناس عاديَّة

[شعراوي]

الغالي والخااال
علي العجاجي
السلام عليكم ورحمة الله
الحمدلله على ما قدر وكتب
وانا لله واليه راجعون
وبارك الله فيك على حضورك
بهذا الوقت بالذات فان دل
ذلك على شي فانما يدل
على ايمانكم الخالص بوجه
الكريم العزيز دمت ودام عزك
تسلم لنا يابو براهيم لاخلا
ولاعدم وابارك لكم بما عزمتوا
عليه من اكمال النصف المتبقي
منك المال ومنها العيال والله
يوفقك بالدنيا والاخره .
تقبل تحياتي وتقديري

والسلاااام

[شعراوي]

الاخ الفاضل
hotmail
السلام عليكم
يكفينا تواجدك ومتابعتك
لاعدمناك
تقبل تحياتي

والسلاااام

[شعراوي]

ااارحب يالبناخي
ابو وليد
تسلم لبناخيك لاخلا ولاعدم
انت الطيب نفسه ولايلحقني
شك بقدري عندك ولن يلحقك
ايضا فيني دمت لمحبك
استلم لاهنت


سيوف الجود تدعيكم بمعنى العلم يالزيزوم= يبون الرآي من واعي اذا جت ساعة الهيه
توكل ياعميل الخير معنا بزاهر اليشموم= نبي كلمات من رسمك بدار العز ناريه
والسلاااام

[الصييفي]

هلا والله بالبناخي، و كلك ذوق
و الشك ماله مكان بيننا، لكن
ليتك تمر على الخاص،
لا عدمتك.
إستلم يالغالي:


أنا عِلمي إدارة، و المخطَّطْ كلّ ابوه ثلوم= وأنا ليَّ اهتمامي، لكن الهيَّهْ مَهِي هِيـَّهْ

على ربّي اتّكالي، دامني للمعتبر معزوم= لاشكّ ابغى تفاسير(ن) تشجِّعْني على الجَـيـَّه

[شعراوي]

الله الله الله

على ربّي اتّكالي، دامني للمعتبر معـزوم=لاشكّ ابغى تفاسير(ن) تشجِّعْني على الجَيَّه


ااارحب يالبناخي
ابو وليد
وتسلم دايم بالمقدمه
من طيب معدنك ورجاحة
عقلك بيض الله وجهك
استلم لا هنت


رجال العلم مطلوبه وكل (ن) لابس(ن) لهدوم= وكل (ن) حامل فكره ثنايا العلم مسنيه
تبين لك معانيها بعد فرز النخل والدوم = ترى لك كلمة(ن) بالحق والمعنى سماويه

والسلاااام

[الصييفي]

لك شكري الجزيل على قبولي في هذا المحراف الذي استفدت منه الشيء الكثير. لقد كنت مثالاً للطيب و رحابة الصدر و الإصرار على النتائج. وإلى لقاء قريب.


أشوف الشاعر يعِدْ القرارْ و يصْدرِ المرسوم= قبل يعْطي تفاسير(ن) على أوراق رسميَّه

مدام العلم هذا يا رفيقي و النخلْ مكموم= تولَّم للتمرْ، مابين برنيـِّه و صفريـِّه

[شعراوي]

الغالي
البناخي
خشم الرعن
السلام عليكم
اذا فيه يابو وليد احد يستحق الشكر فهو انت فانا حاط بيت
واقول يافتاح ياعليم عسى يرد ولكن قبولك اسعدني عندما
رآيته رد وليس مداخله وتقول بعد استفدت الله يجبر بخاطرك
وانا وانا بناخيك اللي استفدت وبيض الله وجهك يابو وليد
تقبل تحياتي وتقديري لك
والسلاااام

[سعد العبود]

استمتعنا بمحاورة رائعة لشاعرين أروع لهم من المكانة والجزالة ما يطغى على الجميع

لكما تحياتي واعذراني على هذا الرد المتأخر ........

أخوكم الصغير ;)

[شعراوي]

اخي الغالي
ابو ريم
السلام عليكم ورحمة الله
اولا نشكرك على حضورك
ولاتاخر من جاء وثانيا اشكرك
على اطرائك واتمنى ان اكون
كذلك ولكن هيهات سبقونا
وعقبونا من لهم باع بالشعر
اطول منا . و الحقيقه مره ولكن
لايصح الا الصحيح واشكرك ثم
اشكرك على كل حرف كتبته
دمت اخ ومحب بارك الله فيك
تقبل تحياتي وتقديري

سلاااام

[الصييفي]

هلا و الله ببو ريم و الشك مرفوع يالغالي.
وحرصك على هذا الكيان
مع بقية أعضاء الإدارة
و المشرفين
و الأعضاء
يثلج الصدر و في ذات الوقت يريح البال
و يؤكد أن المنتديات بخير.
لك و للأحبة
كل تقدير.