نصون البيت المشيد يرج الناس من زينه

[شعراوي]

احبتي رواد ومتابعي المحاوره
انني اشعر بضيق وانا ارى
اي قسم بهذا المنتدى المهم
بالنسبة لكل محب لبلدته واهلها
وهو شبه متوقف.لهذا الزم نفسي
بالمحاوره ومن يتكرم من الشعار
اللذين تسمح لهم ظروفهم ونقدر
للجميع تخلفهم لوجود امتحانات
تمنع الكثير وخاصة المدرسين والطلبه
ونتمنى النجاح لكل من تعب وسهر
وان لايخيب امل اولياء امورهم بهم
للجميع تحياتي وتمنياتي الصادقه

وحيا الله من حضر
ويستلم لاهان ولاهنتوا


سلام(ن) ياجماعتنا من الخاطر لكم ساري= وارحب باللذي يلفي من الشعار في حينه
نبي نلعب على معنى ولا يظهر بنا عاري= نصون البيت المشيد يرج الناس من زينه
سلاااام

[علي العجاجي]

الشاعر الغالي شعراوي

بيض الله وجهك على هذا الحرص المنقطع النظير على منتداك وعلى ديرتك وهذا مهوب غريب عليك دايم عوايدك الطيب وانت راعيه.

اسمح لي ان اتشرف والعب معك على هذا القاف واستلم لاهنت


هلا يامرحبا باللي على بالي لهم طاري=زعيم الشعر ابومحمد وانا عندي براهينه
انا جيتك نبي ناقش وش اللي حاصل وجاري=وبيت العز من دونه ترانا اليوم حامينه

[شعراوي]

الله الله الله

الخاااال الغالي
علي العجاجي
السلام عليكم
بيض الله وجهك على كلماتك
اللتي اخجلتني الطيب يقواني
مثلك وشرواك ولكن ثق انني
اجد نفسي معك وبارك الله
فيك على الحضور من اجل
جبر خاطر بناخيك الله يجبر
بخاطرك وخاطر كل منصف
واستلم ياخااال
لاهنت





يدوم بك البقا ياللي تعرف الطيب له شاري= ومرخص كل خوان(ن) بمسرا الليل ناوينه
ولكن ودي ابارك على ماصار يا الذاري= علومك وصلت ويمي وابارك لك بغالينه
السلاااام

[ابودحيم]

شعللوها يا جماعه

بيض الله وجهك يا شعراوي

وانت يا علي

وانا بصف علي و لا تهون يا عمنا يا شعراوي;)

[سعد العبود]

بيض الله وجيهكم

اشعلوا الميدان يا شعاره

انا بصف شعراوي ولا يهون علي

[علي العجاجي]

ابو محمد.
والله انه شرف لي اللعب معك وانا ارتاح كثيراً لمحاورتك. وحضوري مهوب جبر خاطر ماجيت الا عشان استفيد منك واتشرف باللعب معك.

ابو دحيم هلا وغلا فيك وتراى صفنا واحد.

شعراوي استلم يالذيب.


انا معك بطريقك ياعميلي والله امباري=وعلم الطيب لو ينباع بالاموال شارينه
عسى ربي يبارك فيك بس احضورك اجباري=علشان الفرح يكمل ونكتب له عنواينه

[شعراوي]

الغالي
ابودحيم
يامرحبابك انت وبيض الله
وجهك انت على حضورك
وخاصة مسكة صف خالي
زادت غلاك يمال العافيه
تقبل تحياتي وتقديري
سلاااام



الغالي
ابو ريم

سلمت وانا خالك وخال
ابوك خالك بيض الله وجهك
وجودك معي يجعلني اقدم
اجمل ما استطيع تقديمه
وهذا اعتبره تشجيع لايشعر
به الا انا اشكرك على تواجدك
المستمر ومتابعتي لاعدمتك
تقبل تحياتي وتقديري

[شعراوي]

ااارحب ياخاااال
علي العجاجي
اشكرك ياخال وان كان العكس
هو الصواب انت موهبه
وانا محاولات جاده
ومقبوله قل صح لاعدمتك
واستلم لاهنت



انا لك منتظربالوعد من عزك وانا بداري= تمر بعون من ربي بعسر الوقت مع لينه
نبي نفرح بفرصتنا تراها منك مقداري= ولاتحرمني الفرصه مدان(ن) يوفي مدينه

سلاااام

[علي العجاجي]

ابو ريم هلا وغلا وجودك شرف بحد ذاته وعذراً لم انتبه لوجودك اعتقد انك نزلت ردك وانا انزل ردي عموماً جود الصف

الشاعر القدير شعراوي ارحب واستلم الرد واستاذنك بس يومين سوف اغيب عنك لبعض الارتباطات والوعد الجمعه انشالله

وانا على وعدي بمرك كانه سهل الباري=وراع الطيب مشهورٍ بطيبه في ميادينه
ترى قدرك رفيعٍ مثل شخصك ومالك اماري=رفيع الشان ابومحمد كما شامخ ضلاعينه

[الصييفي]

هلا و الله ببو محمد "شعراوي" و بو ابراهيم علي و بارك الله فيكم على حرصكم على هذا المنتدى.

روحوا الله معاكم وأنا بصف علي و لا يهون أبو محمد.

ســــــــــــــــرِّوهــــــا

[شعراوي]

الغالي البناخي
ابو وليد
السلام عليكم

هلا والله وغلابك انت ودائما
انت شمعة تضيئ للا خرين
وتحرق نفسها عن علم لاعن
جهل وهذا يسجلك نقأ ووفا
وتواضع وانت اهلا لذلك بارك
الله بمرورك ومدامك ماسك
صف خالي يابو وليد فانت سنايدي
اكثر من لو مسكت صفي لاعدمتك
تقبل تحياتي وتقديري

سلاااام

[شعراوي]

الغالي
البناخي
الشاعر
خشم الرعن
السلاام عليكم
اشكرك ابو وليد على حضورك
وتشجيعك واذا كان هناك حرص
لي او لغيري فهو مستمد من حرصك
انت فانت قدوه لنا وخير ما اقتدينا
اشكرك وبيض الله وجهك على مسكة
صف خالي انت كريم وهو يستاهل لاعدمتك
تقبل تحياتي وتقديري

سلاااام

[شعراوي]

الخااال الغااالي
ابو ابراهيم
السلام عليكم
معذور يابعدي ولايلحقني بك شك
وانت الله يكون بعونك ويساعدك ويوفقك
مشغول والمحاوره ماهي اهم من ظروفك
لك شكري وتقديري الحار
واستلم ياخااال
لاهنت


تراني منتظر للنجم طول الليل سماري = واهلي به وارحب به جمال الروح تكوينه
والى منه وصل يعلم تراني مشعل(ن) ناري = وابي معه الرجال مسيره والزود حازينه

سلاااام

[علي العجاجي]

الغالي الخال خشم الرعن هلا فيك وغلا وجودك اكبر شرف

الغالي شعراوي اشكرك جزيل الشكر على لطفك الدائم واعتذر عن المتابعة بسب انشغالي هذه الايام والعذر والسموحة

[شعراوي]

الخاااال
الغالي
علي العجاجي

انا اللي اشكرك على حضورك
رغم مشاغلك اللي كلنا يقدرها
ولكن حبك الزائد للشعراء واهلها
فرض عليك المجارات لك كل الشكر
والتقدير الى ما لانهايه
تقبل تحياتي وتقديري

سلاااام