المساعد الشخصي الرقمي

مشاهدة النسخة كاملة : توكلنا على الله ياسعد

محمد السعيدي
09/06/2004, 08:59 PM
بسم الله الرحمن الرحيم

مساكم الله بالخير جميعا , مساك الله بالخير ياسعد , هذي الساعة

المباركة اللي جمعتني معك , استلم لاهنت :



ياسلامي سلامٍ للنشامايروق= ابدعه والليالي خافيٍ غيبها
بين نبض الحروف وبين نبض الخفوق= أحكم القاف والليلة عوى ذيبها
سعد العبود
09/06/2004, 09:10 PM
مساك الله بالنور ياهلا وغلا حياك الله مليون والشرف لي أني احاو شاعر جزل مثلك
أستلم يا طويل العمر :


مرحبا مرحبا بك عد لمع البروق=يا سليل الحرار اللي نماري بها
أشهد إنك من بحور الشعر ياصدوق=ناصل الربع لجتنا مطاليبها
محمد السعيدي
09/06/2004, 09:22 PM
ياسعد ياعميلي ياعريب العموق = الأوادم تبيّنها تجاريبها

وأنت شاعر وفعلك بالملاعب يشوق= من رجالِ تنومس في مواجيبها
ابوشعيل
09/06/2004, 09:23 PM
الله الله ويمال العافيه يالربع

وانا بصف ابوريم ومن دون قصور في ابو عبدالله



متــــــــــــــــــــابعينكم لا عدمتكم

http://figoalbde3h.jeeran.com/m7awrah.jpg
عود الضبان
09/06/2004, 09:27 PM
بيض الله وجيهكم وابجي ضدك يابو شعيل أنا بصف شاعرنا أبو عبدالله..
سعد العبود
09/06/2004, 09:28 PM
ما يقص المصقل كود يمنى السروق=والقضايا لها شيخ(ن) ويقضي بها
اشكرك واذكرك فالخير في كل سوق=هات علمك وبين لي مكاتيبها
سعد العبود
09/06/2004, 09:30 PM
ابوشعيل حياك الله يا ريس وشرف كبير لي إنك قاضب صفي

العود حياك الله وجود شرف في اي صف كنت مرحبا مليوووون
محمد السعيدي
09/06/2004, 09:36 PM
ياسعد بين خلق الله تبين الفروق= واضحة للعيان الكل يدري بها

بعضهم ياعميلي فزعته ماتعوق= وطعنته للأعادي في مضاريبها
محمد السعيدي
09/06/2004, 09:38 PM
ابوشعيل وجودك شرف في كل صف و لاعدمتك

عود الضبان: مرحبا بك , أنت نور الصف
سعد العبود
09/06/2004, 09:40 PM
مال بعض الأوادم بالصعيبات طوق=الطويلات ما يقدر يعدي بها
بانت الشمس و أرتحنا بوقت الشروق=بس ما بان مخطيها من مصيبها
الرازي
09/06/2004, 09:52 PM
قواكم الله

وبيض الله وجيهكم

و أنا بصف السعيدي ولا يهون ابو ريم
محمد السعيدي
09/06/2004, 09:55 PM
الصعيبات ما يقدر عليها الذروق= والرجال النوادر من مجاذيبها
الصعايب لرجلٍ لانخيته طفوق= فعله يبين فالدنيا ويسريبها
فارس تميم
09/06/2004, 09:55 PM
مال بعض الأوادم بالصعيبات طـوق=الطويـلات مـا يقـدر يعـدي بهـا


الله واكبـــــــــــــــــــــــــــــــــــــــر

بيض الله وجيهكم وانا ماسك صف ريسي ابو ابراهيم:D

والله يقويكم ولايهون ابو سفر
ابو ريان
09/06/2004, 09:56 PM
الله يعافيكم وبيض الله وجيهكم والله يجمعنا ويّاكم على الطاعة
اذهلان
09/06/2004, 10:01 PM
اقتباس من الكاتب ابو ريان
الله يعافيكم وبيض الله وجيهكم والله يجمعنا ويّاكم على الطاعة

اللهم آمين ...
سعد العبود
09/06/2004, 10:04 PM
راق بالي عقب ماهل وبل(ن) حقوق=فالبلد قبل مده يوم نمشي بها
اشهد إنك صدقت وفي معانيك ذوق=الأجاويد صافية(ن) مشاريبها
سعد العبود
09/06/2004, 10:08 PM
الرازي حياك الله وشرف وجودك في اي صف يا راعي الجود

فارس تميم هلا وغلا لا خلا ولا عدم وأنا ريسك ;)

ابوريان هلا والله بالخال حياك الله جزاك الله خير ودائما مرورك له طعمه الخاص

اذهلان ويبيض وجهك يا وجه الخير والله يجزاك خير
محمد السعيدي
09/06/2004, 10:11 PM
راق بالك وقلبي فيه مثل الحروق= تشعل النار في قلبي لواهيبها
ياسعد بعض خلق الله لسانه سبوق= والنميمة مابين الناس يمشي بها
محمد السعيدي
09/06/2004, 10:16 PM
الرازي : ياهلا والله وسهلا وجودك أسعدني

فارس تميم: ماهقيتها منك الله يهديك;) ياهلا ياهلا ياهلا والله , خلك مع اللي تبي , بس

أهم شي إنك موجود

ابوريان: هلا والله بخالي ابوريان, وجودك نوّرنا

ذهلان: مرحبا ومسهلا, مشكور وماقصرت
سعد العبود
09/06/2004, 10:20 PM
استلم يا نسل الحرار :


من مشى معك يابن الجود ابد ما يبوق=كاسب الطيب واهل الطيب يا طيبها
اترك أهل النمامة والردي والخقوق=ترفع الخلق وتشذب عراقيبها
محمد السعيدي
09/06/2004, 10:30 PM
اشهد انك كريم وللمعاني تسوق= واشهد انك تسرّحها وتضويبها

تجبر اللي معك يصعد ويرقى لفوق= وكلمة الخير تحريبك وتحريبها
سعد العبود
09/06/2004, 10:39 PM
الردي في رداه يعيش لينه يفوق=عايش(ن)فالردية دوم يجري بها
اشكرك فالنهاية يوم كل(ن) شفوق=للمراجل وفي يمناك تلوي بها


الشاعر الغالي محمد السعيدي اشكرك شكراً جزيلاً على طلبي في هذه المحاورة التي زادت ثقتي في قدرتك الإبداعية والشعرية التي تميزت بها عن الجميع

اشكرك و ارجو ان تقبل هذه الأبيات الأخيرة في هذه المحاورة الشيقة

شكرا لك ولكل من شاركنا ...........
ضــويــــــانــــــي
09/06/2004, 10:46 PM
قصيدكم ما ينمل منه

شمكووووورين وجزاكم الله خير

وان شاء الله ننتظركم في محاورة ثانيه ;)

مشكوووووور ابو ريم
مشكووووووو ابو عبدالله


تحياتي

ضــــــويــــــانــــــي :p
محمد السعيدي
09/06/2004, 10:51 PM
شكرا جزيلا لك ياسعد , وهذا والله شرف إني أحاور شاعر بمثل خبرتك

في هذا المجال , ليلة سعيدة

وتصبح على خير
ابوشعيل
09/06/2004, 10:59 PM
ماقصرتوا امتعتونا بها الليله المباركه


شكر للاخ محمد عبدالله السعيدي

وشكر للاخ سعد بن ابراهيم العبود

لاستجابتكم دعوة المحاوره ومن عوايدكم الطيب لا عدمتكم

تصبحون على خير وقي لقاء قادم مع محاورات مباشره باذن الله
http://figoalbde3h.jeeran.com/m7awrah.jpg
محمد السعيدي
09/06/2004, 11:10 PM
اشكرك يابو شعيل على الدعوة لهذه المحاورة , وبيّض الله وجهك , وما قصرت0
عود الضبان
09/06/2004, 11:43 PM
ما قصرتوا بيض الله وجيهكم يالحرار...
$البطـ777ـران$
10/06/2004, 03:43 AM
الشاعر محمد السعيدي والشاعر سعد العبود

بيض الله وجيهكم على هالردية الممتعه عزالله انكم ماقصرتوا

اخوكم البطران
الصييفي
10/06/2004, 01:14 PM
الإخوة الأعزاء:

محمد السعيدي


سعد العبود


بارك الله فيكم على هذه الردية الجميلة بمعناها و قوتها

للأسف لم أستطع مشاركتكم على الهواء
مثل بعض الربع الله يسلمهم لكن
الجايات أكثر إن شاء الله.
لكم جميعا تحياتي
سعدالسيف
10/06/2004, 07:35 PM
ماقصرتوا امتعتونا
شعراوي
12/06/2004, 03:55 AM
الشاعرين
الكبيرين
الشاعر محمد السعيدي
و
الشاعر سعد اعبود

السلام عليكم ورحمة الله
اعتذر منكما لعدم معرفتي بالمحاوره الاهذا اليوم
واللي حضروا قاموا بالواجب ويشهد الله اني مقصر
والعذرمنكم والسموحه والمحاوره محاورة جزاله
الكل منكما اجزل من الاخر واثريتوا ساحة المحاوره
بمحاورتكم الرقيه دمتما وبارك الله فيكما من شاعرين
من ابناء الشعراء نفخر بشعرهما واشخاصهم لكما
تحياتي وتقديري

سلاااام
محمد السعيدي
19/06/2004, 10:05 PM
بسم الله الرحمن الرحيم:

ضوياني ., عود الضبان, البطران , خشم الرعن , سعد السيف , شعراوي :

أشكر لكم مروركم وما قصرتوا
المولع
28/06/2004, 03:04 AM
مــــــــــــــــــا قصرتو

عفـــــــــــــــــــاكـــــــــم اللــــــــــــــه