نواف التمياط

[ابوساره]

بسم الله الرحمن الرحيم
السلام عليكم جميعا


تواجد امس اللاعب نواف التمياط في النادي لتسليم جواز سفره بعد وصوله
من السفر قادما من بلجيكا السبت الماضي وقال نواف انه يشعر بتحسن في موضع اصابته ولله الحمد وانه يشكر جميع من اتصل وسأل عنه
واما عن تجديد عقده فقد قال ان العقد ما زال مستمر وفي حال انتهائه
سوف يكون بينه وبين رئيس النادي اتفاق حول ذلك .

[كحيلان]

تصدقون
شغالتنا اذا رجعت من السفر تعطينا جوازها !!

الرابط العجيب

تحياتي

[ابوساره]

اري يا كحيلان بردك هذا انك استهترت بنواف التمياط بتشبيهك له بخادمتكم
وانا كهلالي سوف اقول لك ما فعله التمياط للوطن فقد حقق التمياط افضل لاعب بآسيا
عام 2000 وهذا الشي هو اكبر فخر لنا بالتمياط ولا اضن ان شغالتكم
سوف تجد لها شي فعلته من اجل الوطن الا اذا انها غسلت الرصيف
ارجو ان تكون يا اخي كحيلان قد استلمت ردي بصدر رحب
واذا اردت المشاركه وخاصه عن لاعب هلالي فلا اضن انك سوف تجد ما تكتبه
سوي المدح او النقد البناء .

[كحيلان]

طيب يا اخوي

شغالتنا اذا رجعت من السفر نخليها حره ما تسلم جوازها لثقتنا فيها

الظاهر الحين ما قارنتها بالتمياط
( بصدر رحب ارجوك )

تحياتي

[ثهلان]

اعتقد يا كحيلان ان نواف اكبر من ذلك !!

ارجوا ان تعيد صياغة تفكيرك بهذا اللاعب الذي خدم الوطن ..

اشكرك اخي عاشق الهلال على هذا الخبر :)

[ابوعبدالعزيز]

ياقاهرتهم ياشغالة كحيلان:D

[فارس تميم]

لا بس انا اشوف ان شغالة كحيلان فعلت وقدمت اشياء من اجل الوطن اكثر من نواف التمياط بكثيييير،،،،، تتسائلون كيف؟؟؟
انا اللي بسالكم:
لو ما كانت شغالة كحيلان موجودة وتقدم خدماتها وش بيصير؟؟
بيت كحيلان ومجلسه معاد هوب صاير نظيف / من راح ينظف البيت ومن راح يغسل ملابس اخوي كحيلان واللي معه والا يرضيكم انه يطلع قدام ضيوفه بثياب وسخه ومجلس محيوس ويتفشل كحيلان ويوخذ عنه فكره سيئة وبعدين تتكون فكره سيئه عن اهل الشعراء كلهم واهل الشعراء من اهل نجد فممكن اهل نجد بعد ينقال عليهم انهم ناس ماتقدر ضيوفها وماتدرون ممكن هذا كله يمس بسمعة السعودية كلها والمحافظة على سمعتها مهمة للغاية ،،، عشان هذا تكون شغالة كحيلان قدمت للوطن اكثر من نواف....................................................ههه

[كحيلان]

صحيح يا ابو عبدالعزيز

فارس تميم : يا حليلك والله
قلت الي كان ودي اقوله وعجزت اعبر عنه
بعدي و الله

تحياتي

[فارس تميم]

الله يسلمك ،،، وياحليلك انت والله ،،، والله لايخليك من هالشغالة





فارس تميم

[كحيلان]

امييييييييييييييييين
امييييييييييييييييين
امييييييييييييييييين

تحياتي

[ابوساره]

نحن كهلاليين ورياضيين سعوديين ارفع مستوي من انا نتكلم
عن الاشياء هذه شغالة كحيلان او غيرها
اما غيرنا امثال كحيلان وفارس تميم ممكن انا نفتح منتدي خاص فيكم
ونسميه منتدي الشغالات وخلكم فيه وفكونا من ردودكم الى عن الشغالات
الحين اقول نواف التمياط وتنقز يا كحيلان وتقول الشغاله وفارس تميم يقول نفعت الوطن اكثر من نواف التمياط

ارجو منكم يا اخواني اخذ الموضوع بجديه والرد عليه بأحترام .

والا نواف او اى رياضي غني عن تعليقاتكم وردودكم .

[ابو عبدالله]

السلام عليكم
والله يا شباب عمري ما ضحكت كثر ما ضحكت اليوم وانا اقرى الموضوع
لعنبوا ابليسكم الرجال يتكلم عن نواف التمياط وانتوا قلبتوها خدامات :)

نواف التمياط هو نواف التمياط ولا تاثر فيه روحة الخدامه ولا رجعتها.

[خالد]

عاشق الهلال

ماعليك منهم لان نواف مهوب ناقص ولا زايد بكلامهم

ويااخي العزيز كحيلان ان كان ودك توسع صدرك ترى فيه منتدي لسعه الصدر

تسدح وتبطح فيه لان الرجال يوم كتب الموضوع كان متأكد انه بيلقى ردود تليق بنواف

ارجو انك ماتاخذ كلامي على سبيل الاستهزاء لانا كلنا عيال حمولة وحده .

تحياتي

[ابوساره]

صدقت يا ابو عبدالله وانت بعد ياخالد
فيه محل في المنتدي لسعة الصدر وري ما يرحون هناك
ويسولفون عن شغالاتهم هناك
ونواف لاعب لا يؤثر علي تاريخه مثل هذا الكلام

[فارس تميم]

يا شباب حلمكم على كحيلان،،،،،،،،،، وسعوا صدوركم شوي تونا في بداية المنتدى ولازم نتحمل مزح بعض وانا اعتذر بالنيابة عن اي سوء فهم حدث اما مني او من اخي كحيلان ولكن على قولتهم حنا طيحنا الميانه شوي بين بعض وحنا اسفين واعذرونا،،،،،،،،،


ونواف التمياط احسن لاعب في العالم،،، لعيونكم نعتذر

ملاحظه: عاشق الهلال في ردك فوق تقول ( ممكن انا نتفح منتدي خاص فيكم) اعتقد انه لو تستخدم كلمة نفتح راح تكون افضل من كلمة نتفح،، وشكرا لك



فارس تميم

الله اللي عزنا مالحد منة

[ابوساره]

ههههههههههههههههه

لعيونك يا فارس تميم ولعيون نواف احسن لاعب في العالم
ابعدلها ولك جزيل الشكر لانك نبهتني .

[كحيلان]

والله يا اخواني المعجبين بنواف التمياط وانا واحد منهم وخاصه عاشق الهلال

ما كنت اتوقع انكم تغارون الى هالدرجه من الشغـ.............

امزح امزح
بس لازم الواحد يضحك شوي
عشان لا يصير الموضوع جدي وحازم والناس تناقشه بتكشيره

على العموم
شكراً على اريحيتكم

تحياتي

[عبدالله]

يا شباب المنتدى نواف التمياط احسن لاعب في الشعراء

(واحد ما يدري وش السالفه)

[خالد]

ههههههههههههههههههههه


ياملحك

والله يانت خااااااش عرض

[ابوساره]

هههههههههههههه
حلوه اخوي عبدالله .

[ابوساره]

وش قصدك يا افلاطون
اهل العقول في راحه !!!! .