الا ياسعد ابن براهيم العبود اقلط تعال؟؟ [الأرشيف]

الحذني

18/07/2004, 12:16 AM

السلام عليكم ورحمه الله وبركاته

مرحبا بكم جميعا ياهل ميدان المحاوره

الشاعر سعد العبود ودنا نلعب معك بارك الله فيك اذا ماعندك مانع

تفضل يالغالي

الا ياسعد ابن براهيم العبود اقلط تعال"="لعل الملعبه لاجيت نلقا نارها حيه
بعد هذا سلام الله عليكم ياهل المنزال"="سلام(ن) صافي مصفى وربك يعلم النيه

ضــويــــــانــــــي

18/07/2004, 12:19 AM

يالله وانا بصفك يالحذني ولا يهووون ابو ابراهيم

تحياتي

محمد السعيدي

18/07/2004, 03:27 PM

بسم الله الرحمن الرحيم

وانا بصف ابو ابراهيم , ولايهون الحذني

سعد العبود

19/07/2004, 03:30 PM

وعليكم السلام ورحمة الله وبركاته

هلا وغلا يالحذني شرف كبير لي اللعب مع واحد مثلك ابشر والله بسعدك .........

ضوياني مرورك شرف لنا بأي صف كنت حياك الله ..............

محمد السعيدي لا خلا ولا عدم يا طويل العمر فخر لأي شاعر مرورك ويزيد الفخر لي يوم إنك بصفي يالغالي ..............

الحذني استلم ياطويل العمر :

تقوله يالحذني وانت ما تدري عن الاحوال=ترى بعض الدعاوي تختلف لا ثارت الهيه
ألى يا مرحبا بك يا هلابك يا وسيع البال=لك الترحيب يثنى والبلد بالسيف محمية

الحذني

19/07/2004, 08:05 PM

مرحبا بالربع الحضورررر

ضوياني الله لايهينك على مسكه الصف وحياك الله

محمد السعيدي ولاتهون ..بصفي او بصف سعد اهم شي حضورك

اخوي ابوابراهيم مشكور على تلبيه الدعوه واستلم

ترى من يقبل الدعوى لزومٍ يشرب الفنجال"="وكل عارف ان النفس ما موره ومنهيه
ولكني على مثلك بعد شرهٍ بدون اجدال"="تجي للحفل ما تقعد عسى ما قارصك حيه

سعد العبود

20/07/2004, 02:53 AM

الله الله ..........

أستلم يالحذني :

ترى صاحبك ماهو مثل غيره يجهل الاعمال=يعرف الصادرة والواردة وعلوم مخفيه
علوم(ن) واضحة لا تجتهد وتوضح الارسال=ترى وقت اللقاء ماغاب نجم(ن) فيه مارية

الصييفي

20/07/2004, 08:33 AM

الله الله يا "الحذني" و سعد العبود..

بداية حلوة و كأن نهايتها تبي تجي أحلا.

أبو ابراهيم.. خل الحذني يعطي العلوم لا تستعجل و تذكره باستعمال الكوابح!.

يعطيكم العافية و أنا أبصيير مع ملَيْحان "الحذني" و يهون أبو ابراهيم.

روحوا الله يستر عليكم!!

و يا هلا

ابودحيم

21/07/2004, 04:55 PM

قواكم الله يا جماعه

و انا بصف الحذني و لا تهون يا سعد

وردووووها

على قولة الخال;)

الحذني

21/07/2004, 07:08 PM

مرحباٍ بالحضور

استاذي خشم الرعن وقوفك بصفي يشرفني حفظك الله

ابودحيم جعلك تسلم على مسكه الصف

استلم يابوبراهيم

ما دام انك خبير وتعرف المظهار والمدخال"="تهرب ماتجاوبني لزوم تجود الطيه
اقوله وانت ما تدري وحنا نعرف الامثال"="وما كل النجوم تبين والدعوى شبابيه

سعد العبود

21/07/2004, 08:31 PM

الخشم هلا وغلا فيك وطبعا أكيد إنها ولايهون :D.....

ابودحيم هلا بك مرورك يسد بأي صف كنت;).....
الحذني استلم يا طويل العمر:

انا بنصحك تقرا يا جبل في سورة الأنفال=علشانك تركد قدم تاخذ هرجة العيه
انا بنشدك ويش اللي يروع بسيرة الأبطال=ترا ما به مقابل ماضبطت الحبل والخية

الحذني

22/07/2004, 01:03 AM

الله الله يا سعد

استلم

على هونك تركد والرشا يركب على المحال"="تخمخمها وتخطيها توحوا ياغناويه
وانا ما ظنتي تقدر عليه يا سعد تحتال "="على غيري تمشيها اعرفك ميه الميه

الصييفي

26/07/2004, 03:08 PM

يعطيكم العافية يا الشعار،

أبو أبراهيم، أكيد غلطة مطبعية!!

و يا هلا:p

سعد العبود

27/07/2004, 02:46 AM

الخشم هلا بك وغلا|3|

الحذني طولت صح لكن اعذرني ومثلك يعذر
واستلم لاهنت :

أشوفك يوم شفت العلم زانت نغمة الجوال=معاد تعيدها يومي كشفت رموز سريه
سليم الراي ما تخلف هروجه ديرة الأهوال=حكيم وحكمته تبقى مع الأجيال مرويه

الحذني

27/07/2004, 05:45 PM

هلا بك يابو ابراهيم

ما ابطى من جاء.

استلم لاهنت:

علامك قمت ترمي لي على مرمى بعيد وعال"="رميت وصارت الصيده حمامتك القميريه
ترى رايك يخالف راى ابو مطلق مع هذال"="وصارت حكمة الفزاع بين الناس مرثيه

سعد العبود

28/07/2004, 02:02 AM

هلا وغلا يالحذني

استلم يالنشمي :

أنا لامن رميت اصيد ما أرمي رمية الجهال=على قدح الزناد معود النفس الشقاوية
إلى منك سمعت الهرج شاور مرشد البذال=ترى بعض السوالف من قليل العرف مرعيه

الحذني

29/07/2004, 01:06 AM

مرحبا بك واستلم

معك بندق بلا علمان قاله فارس خيال"="تبين من مضاريبك تجنب خلك بفيه
ولا ظني خوالك ينفعونك والدهر ميال"="نصيحه والنصيحه ياالمراقب دوم مشريه

*سعود*

29/07/2004, 02:13 AM

الله يعينكم انشاء الله وتوسعون اصدورنا في هذا الركود

الدامي في هذه الايام وشدوا حيلكم ونحن قراء لكم

نأمل ان نستمتع بما عندكم ايها الأعزاء

سعد العبود

31/07/2004, 05:48 AM

هلا وغلا يا سعود مرحبا مليون ...........

استلم يا الحذني :

شهدت الزور من يشهد شهادة زور لأجل المال=تشربه الليالي من بلاويها الحقيقية
ولو تدري خوالي فعلهم ما ضنتي ينطال=واضنك ناوي العلم الردي في تالي الجيه

الحذني

04/08/2004, 05:31 PM

سعود هلابك ومرحبا فيك وحضورك يسعدنا .

مابطى من جا ياسعد ومثلك يعذر.

استلم لاهنت:

نعرف اللي ليا جته العرب ياصاحبي تكتال"="بخس بالوزن والكيله علومٍ جات مرويه
وانا مانيب احب اللي يخوض بقول قيل وقال"="ولا نيب اشتغل مثلك كما سواق دوريه

سعد العبود

05/08/2004, 03:24 AM

هلا يالحذني ومرحبا بك

ما بطى من جا :

وراك تعيدها وتزيدها ياراعي الموال=تركد قبل ماتذبح أخافه يحلقك ديه
اقول شوي لا تصدم تركد واثبت الأقوال=ترا روس الخبول بسورة الرحمن مرقيه

الحذني

07/08/2004, 06:59 PM

استلم/

اشوفك ياقمر لاطالت المده تصيرهلال"="ويموت الزرع لوعامين شغاله سوانيه
وانالومنك كان اضفي عليها يالرفيق جلال"="وتحمل مايجيك ولاتبدل حسنه بسيه

سعد العبود

08/08/2004, 08:54 PM

استلم يالخبير:

اقول انك تعرف العلم وانت الفارس القتال=وكل اللي تقوله صح والعالم خلاويه
واقول انت الذي تعلم بخافي العلم يا رجال=وجميع الخلق جهال ولا في راسهم شيه