المساعد الشخصي الرقمي

مشاهدة النسخة كاملة : محمد السعيدي تعال الله لا يهينك

سعد العبود
27/07/2004, 03:08 AM
الشاعر الفذ الغالي
شاعر النظم والمحاورة الأخ العزيز محمد السعيدي أتمنى أن تجد الوقت للرد على هذه الأبيات :


يا سلام الله سلام تطيب ابه الكبود=ردة(ن) من خاطر اللي لكم يقتادها
شفت أنا فالنوم علم(ن) على الجاهل يكود=لكن الواعي واعى السالفه واسنادها
محمد السعيدي
27/07/2004, 01:29 PM
بسم الله الرحمن الرحيم:

ياهلا والله ومرحبا بابو ابراهيم, دعوتك عزيزة علي, استلم لاهنت:


ياهلا يامرحبا ياسعد ولد العبود= عد ماهلت مزون برَق رعّادها
وش جرى ياصاحب الحلم ياوافي الجدود= بيّن الدعوى مادامه حضر نشّادها
سعد العبود
28/07/2004, 01:47 AM
هلا وغلا بالغالي استلم لاهنت :

أنت مثلك يعرف الحق والعالم شهود=بعض خلق الله ليا شاف صيده صادها
اقصد الدعوى بعد بان ترسيم الحدود=العيون تشوف واسيوفها بأغمادها
محمد السعيدي
28/07/2004, 01:51 PM
سم لا عدمتك:


الردى له جند والخير له قوم وجنود= وياعسى أهل الخير دايم تزيد اعدادها
وأنت شب الجمر واشعل على الجمرة بعود= عطّر المعنى وناد النشامى نادها
الصييفي
28/07/2004, 02:23 PM
هلا و الله بالشباب، أبو ابراهيم و أبو عبد الله.

أحيو الساحة الله يحييكم!

أنا بصف أبو عبد الله و لا يهون ابو براهيم.

و يا هلا
سعد العبود
28/07/2004, 03:05 PM
خشم الرعن مهوب على كيفك كل ما تحاورت مع واحد جيت ضدي لا يبلك شوفة :D حياك الله يالخشم وجودك شرف للمحاورة بأي صف كنت ;)......
ابوعبدالله استلم طال عمرك :

الردى له جند لكن عليهم ما تكود=العيون سهوم شر على من زادها
أنت جيت بحاجتك معك يالحر الهدود=وش يضرك لو نقلت الأبل وشدادها
محمد السعيدي
28/07/2004, 08:07 PM
خشم الرعن: ياهلا ومرحبا وجودك دافع قوي لي طال عمرك

ابو ابراهيم : جاك يالسنافي:


ياسعدحنا على الدرب نمشي به سنود= رفقةٍ درب الصعيبات لا ماكادها
وأنت نصف الحمل خله عليك ولاتزود= ومابقى لي بارفعه والمطاياقادها
*سعود*
29/07/2004, 02:18 AM
ماشاء الله عليكم

انا معكم كلكم يعطيكم العافيه
سعد العبود
31/07/2004, 05:40 AM
حياك الله يا سعود والله لا يهينك وجودك اسعدني ............

استلم يا ابوعبدالله :
عارفك تمشي على الدرب يا نسل الفهود=والخلايق لامشت جات في ميعادها
الله إنه لا يعز النصارى واليهود=فعلهم فعل الردى واجب(ن) اجهادها
محمد السعيدي
31/07/2004, 11:48 AM
بسم الله الرحمن الرحيم

ياهلا ومرحبا بسعود , وجودك بيننا مكسب يالغالي

سم يابوابراهيم:


ياسعد في خافقي صاليٍ مثل الوقود= يوم طرّيت اليهود اشتعل وقّادها
مايفيد مع اليهودي مثل خفق البنود = لاارتفع والمعركة شب قدح زنادها
الكاسر
01/08/2004, 09:38 AM
لا هنتوااااااااااااااااااااااااااااااااااااااا
على المحاوره الرائعه وجزاكم الله خير


اما
انا بصف ولد عمي
ياسعد في خافقي صاليٍ مثل الوقود يوم طرّيت اليهود اشتعل iiوقّادهـا
مايفيد مع اليهودي مثل خفق iiالبنود لاارتفع والمعركة شب قدح iiزنادها


ياسعد في خافقي صاليٍ مثل الوقود يوم طرّيت اليهود اشتعل iiوقّادهـا
مايفيد مع اليهودي مثل خفق iiالبنود لاارتفع والمعركة شب قدح iiزنادها

ياسعد في خافقي صاليٍ مثل الوقود يوم طرّيت اليهود اشتعل iiوقّادهـا
مايفيد مع اليهودي مثل خفق iiالبنود لاارتفع والمعركة شب قدح iiزنادها

الله الله الله صح لسانك


ولا هنتوا يا بو سفر ويا بو ابراهيم

تحياتي:
الكاسر
|4|
سعد العبود
02/08/2004, 02:49 AM
الكاسر:
هلا بك ومالك الا ابن عمك ما الومك لكن مرورك علينا شرف لا عدمناك .
استلم يا ابوعبدالله :

وسط قلبي مثل ما فيك واضن ابه زود=ماسمعنا عن جيوشٍ تعد عتادها
مايفيد الا القنابل وطلقات الفرود=مار ياقشر العرب راكده فبلادها
محمد السعيدي
02/08/2004, 06:08 AM
الكاسر: هلا والله بولد عمي نوّرت الساحة يالغالي

سم يابو ابراهيم:
العرب ياحيف صاروا مثل فلم الهنود= يِضحك الجاهل ويشفي حسد حسّادها
والنهاية ياسلامي على سعدالعبود= عد ماهلّت مزونٍ برق رعّادها


أشكرك يابو ابراهيم شكرا جزيلا على دعوتك الكريمة , وأتمنى أن، يجمعنا

لقاءٌ آخر , و السلام عليكم ورحمة الله وبركاته0
علي العجاجي
02/08/2004, 01:57 PM
ابو ابراهيم وابو عبدالله

بيض الله وجيهكم على المحاوره الطيبه ولكن صرت مثل عاقب الشتاء بزربوله ماجيت الا وهي منتهيه لكن ماقصرتوا واعذرونا على التقصير
سعد العبود
02/08/2004, 03:36 PM
علي العجاجي:
ما ابطى من جاء يا مرحبا بك ..............

ابوعبدالله :
الشكر لله ثم لك على قبول المحاورة شكرا لك والشرف يزيد في محاورات قادمة معك لك أجمل التحايا..................
فمان الله
ابوحمد
11/08/2004, 02:53 AM
قواكم الله يالشعار
وانا بصف الشاعر سعد العبود ولا يهون الشاعر محمد السعيدي
وبيض الله وجيهكم كملوا