البطران اقلط ومن طول الغيبات

[سعد العبود]

بسم الله الرحمن الرحيم
السلام عليكم ورحمة الله وبركاته

الشاعر الغالي البطران مرورك علينا هذه الأيام اثلج صدري مما دعاني أن اطلبك لمحاورة أتمنى أن اجد عندك الوقت لقبولها ومشاركتي فيها

لك شكري وتقديري ...

واستلم :

وصلني علمٍ يغث البال يا كبر المصيبة=كيف صار الهرج يقلب في سواليف الرجالي
وينه البطران يظهر من قبل فوز وغليبه=ما درا إن الخايبه ماهيب لجواد العيالي

[$البطـ777ـران$]

وعليكم السلام ورحمة الله وبركاته

هلا والله بابوريم لا والله ماقاطعت مير المنتدى راكد هاليومين

وانشاءالله انه بس بفترة الاجازة ويرجع زي اول واكثر

ولي الشرف بمحاورتك يالبناخي واستلم لاهنت :


هرجتن لوما تثنت ياسعد توخذ بطيبة = وانت ماودك يِفسّر كلّ معنى باحتمالي
كلّ شاعر يبتعد عن كل دربن فيه ريبه = دام ماله نيّتن بالنفس ترغب بالجدالي

[غربي الحطاب]

الله الله يا اولاد العم


تراي أصفّق بصفوفكم جميع

واصلوا..........

[سعد العبود]

هلا وغلا ياغربي الحطاب ونتشرف بأن اول مشاركة لك في المنتدى هي المشاركة في صفوف هذه المحاورة ونتمنى ان نراك معنا ........

الغالي البطران يمال العافية ومشكور على ردك واستلم لاهنت :

أنت خلك فالوثايق لا تناظر للغصيبة=ومن غصب بيته على قول الردى ماهوب غالي
دربي اللي قلت صح ومن سمعك يشق جيبه=صار مدح الناس ذمه يا عجب ياهم لا لي

[الدكتور]

الله الله يا شباب
انا بصفك يا سعد و لا تهون يالبطران

[$البطـ777ـران$]

غربي الحطاب تسلم يابن العم على المتابعة

الدكتوووور الله لايهينك وان مسكت صف ابوابراهيم كنك

ماسك صفي

ابوابراهيم استلم لاعدمتك:


الكلام الزرج والله ماخبرنا احدن يعيبه = وانت منتب جاهلن به لوتلالي ثم تلالي
الرها والزود دربن ملتوي ماينمشي به = والعوج لامن عدلته انثنى يابن الحلالي

[سعد العبود]

بيض الله وجهك يالدكتور و لا هنت على قضبة الصف ومرورك شرف للمتحاورين.........

استلم يالبطرن لا هنت:


للأسف صار الشعر عند الذي ما ينغزي به=كل ما هبت جنوب يقول سبرا من شمالي
كان هو ميدانك اللي دايم(ن) تزعب قليبه=فعرف ان الغرب ما يركب على قشر المحالي

[ظناني الشوق]

بسم الله الرحمن الرحيم

بيض الله وجيهكم ياسعد ويالبطران مبطين عن هالفن والإبداع

إستمروا تراني قاضبن صفوفكم كلكم ( ظناني مع سعد ) و ( الشوق مع البطران )

دربي اللي قلت صح ومن سمعك يشق جيبـه =
صار مدح الناس ذمه يا عجـب ياهـم لا لـي
صح لسانك ياسعد

الكلام الزرج والله ماخبرنا احدن يعيبه = وانت منتب جاهلن به لوتلالي ثم تلالي

صح لسانك يالبطران

[الصييفي]

يعطيكم العافية يالشعار وبيض الله وجيهكم.
ودنا نعرف القصة بحذافيرها
أنا بصف البطران و لا تهون يبو ابراهيم،
من زمان ما مر و نبغى نرغّبه.

ســـــــر وهـــــــــا

و يا هلا

[ابودحيم]

قــــواكم الله يـــا الـــربع :)

واصلو لا هنتوا

و انا بصفك يا سعد و لا تهون يا البطران

[ضــويــــــانــــــي]

واصلوا لاعدمناكم

وانا بصف البطران ولا يهون ابو ريم

تحياتي

[ابوحمد]

الله يعطيكم العافيه
واصلوا لا هنتو
وانا بصف الشاعر سعد العبود ولا يهون الشاعر البطران
قواكم الله

[$البطـ777ـران$]

ظناني الشوق

استاذي خشم الرعن

ابودحيم

ضوياني

ابوحمد

الله لايهينكم غلى المتابعة وقضبة الصفوف جميع

استلم يابن عبووود لاهنت :


الشعر متروك للي يصدق القول ويصيبه = والمغازي خلها عنّك لَبازيد الهلالي
كان بيرك ياعميلي جمّته ماهي قريبه = مايفيدك دلوك اليا قصّرن مِعُك الحبالي

[سعد العبود]

هلا ظناني الشوق مرحباً مليون والله ،عاد ما عطيتني الشوق رحت تعطيني ظناني :) يمال العافية والله وأنت بأقسامك غالي على الجميع .............
خشم الرعن:
هلا وغلا بصفي والا صف البطران اهم شيء وجودك وبالنسبة للسالفة يقول الشاعر للسالفة ياعارفه بطن وظهر ...............
ابودحيم :
بيض الله وجهك ياخال على قضبة صفي ووجودك يكفي ياخال..............
ضوياني :
هلا وغلا مرورك شرف للمتحاورين بأي صف كنت ............
ابوحمد :
لا خلا ولاعدم يالغالي ووجودك يكفي بأي صف كنت والله يقويك .......

استلم يالبطراااااااااااان ولا تهون :

ماتعشي في مضحى واحدٍ عقله حسيبه=وكانها جات المغازي بان حماي التوالي
راح ابوزيد الهلالي عقب ماغره صحيبه=الله إنه يحفظ الشايب وهو لك راس مالي

[$البطـ777ـران$]

ايييه خلووووووووووووها

استلم يابن عبووود جعلك تسلم :


العقل نعمة وعيبه يالربع سَكُر ابزبيبه = شفته يُعاند سميّن للصبور من الجمالي
كنّ حماي التوالي مخترش من دون هيبه = خلّ عنك العود خلّه وانت تجفل من ظلالي

[سعد العبود]

الله الله الله الله .................


خلوووووووووووووووووووها استلم يالذيب :
العقل نعمه وليتك تعرف العلم وتجيبه=الجمل جا في سنامه وسم من محمي الكوالي
والنعم فالعود لكنه غوى من فكر صيبه=وانت يامغوي العواده لا تحط ولاتشالي

[$البطـ777ـران$]

استلم يابوريم لاهنت :


يانما منتاب كفون تاصل الروس الصليبه = عانها سطرين بين اقواس لا تِكُثر سوالي
(مالفيت الديره الا ناوين زود اتأديبه = جيت لَجل الهرش ولَجل اللي يِجاهر بالخمالي)

[سعد العبود]

لاهنت يالبطران استلم :

بعض خلق الله يضحكني الى من جاه ذيبه=يختلف مدري تروعه هيبة اصحاب المعالي
الزمن ماهوب لك يا صاحب النفس الأديبه!=الزمن لركان علم وعلمهم فوق الجبالي

[$البطـ777ـران$]

استلم يابوريم لاهنت اخر رد لي والى لقاء قريب :


ضحكته يخفي وراها شهقتن ردت نحيبه = صارت اركبّه تصافق من تهاويلن وبالي
عض ثوبك مثل ماسوى زعيمك تقتدي به =لارحم الله من عصى الله لاتجي صوبي عدالي

[سعد العبود]

شكرا لك يالبطران على قبول الدعوة للمحاورة

و إلى لقاء قريب إنشاء الله