المساعد الشخصي الرقمي

مشاهدة النسخة كاملة : سلام يا أهل الديرة اللي شرق عن ضلع اذهلان

العامري
22/08/2004, 04:25 AM
السلام عليكم ورحمة الله وبركاته واستلموا يا شعار :

سلام يا اهل الديرة اللي شرق عن ضلع اذهلان
رديةٍ مـني وأنا العضو الجديد العـــامري

دار الشــرف دار الــــكرم دارٍ لها بـــالعز شـــــــان
ماهو نفاق. اقول مايملي عليه ضامري
سعد العبود
22/08/2004, 04:35 PM
وعليكم السلام ورحمة الله وبركاته
هلا والله بالعامري وجودك بالميدان يثريه ويحركه ............

أستلم يالجزل :

يا مرحبا واهلين باللي وصل داره من زمان=يومه وصل نفرح وتضرب له طبول السامري
دارٍ بها زاد الشرف في شوفكم يالترجمان=وميداننا يومك لفيته بالسعادة غامري
عساف النجايب
22/08/2004, 05:45 PM
بارك الله فيكم ياخوان ..

وصح الله السنتكم على هالمحاوره .ونتمنا احياء هذا المنتدى من جديد

روحوا يالشعار وازهلو الصفوف..
$البطـ777ـران$
22/08/2004, 08:19 PM
الله عليك يالعامري على هالطارووووق

دار الشــرف دار الــــكرم دارٍ لها بـــالعز شـــــــان
ماهو نفاق. اقول مايملي عليه ضامري

ابن عبووووود ارقد عن الصف ولايهون اخوي العامري

دارٍ بها زاد الشرف في شوفكـم iiيالترجمـان
وميداننـا يومـك لفيتـه بالسعـادة iiغامـري
العامري
23/08/2004, 01:02 AM
حياكم الله يا عساف النجايب ويالبطران ومشكوريين على مروركم.

وحياك الله يامراقبنا وبارك الله فيك .
واللعب معك فخر عساك تحيا واستلم لاهنت:

ديـــرتك داري الثــانية وأبــنـــا جزيـرتنا خوان
والمنتدا بوجودكم ووجود ربـــعك عامري

اركب على الخط السريع اللي يمر بك حلبان
ويبين راع المرسدس ويبين راع الكامري
علي العجاجي
23/08/2004, 11:52 AM
الشاعرين العامري وسعد بن عبود

بيض الله وجيهكم وشدوا حيلكم والصفوف ازهلوها والشباب بيجودونها
ظناني الشوق
23/08/2004, 02:16 PM
بيض الله وجيهكم وماقصرتم

وانا معك يالعامري ( تشجيع المواهب;) )

ولا تشوف غير كذا ياسعد
العامري
24/08/2004, 04:38 AM
علي العجاجي : ياهلا وتراك (موسيقار) الصف.
ظناني الشوق: هلابك وحياك الله ومشكور على تشجيعك.

جـــــــــابــــــــــكم الله قضا صفي وشديتوه......
سعد العبود
24/08/2004, 02:44 PM
عساف النجايب :
هلا وغلا وصح بدنك ولاهنت على المشاركة ......
البطران :
هلا والله وغلااااااااا وبيض الله وجهك على قضبت صفي وهذا العشم يالغالي .....
علي العجاجي :
هلا بك يالجزل ومرورك شرف يالغالي........
ظناني الشوق :
ما اشوف الا اللي تشوفه ويستاهل العامري ومرورك يشرف الصفحة يالغالي ....

الغالي العامري حياك الله مليون واستلم لاهنت :

الى ركبت الخط لا تنسى تسير يافلان=عقب الرويضة لف وابشر وابنجبك نطامري
الله يحيك الف مره لو تجي بأغلى مكان =وسط القلوب تحط حنا الجند وانت الآمري
ثهلان
25/08/2004, 02:38 PM
هلا ومرحبا بك يالعامري، والأخ سعد العبود ماعليه زود يقوم بالواجب.
الصييفي
02/09/2004, 10:08 AM
الإخوة الشعار "العامري" و سعد العبود:

يسعدني أن تكون أول مشاركة لي بعد الإجازة
هي مصافحة هذا الرد الجميل بين ضيف جديد و عزيز
و شاعر له صولاته في منتدانا ألا و هو مراقبنا العام.

سرّوهاعافاكم الله
وأنا بصف العامري
و لا يهون أبو ابراهيم.

و يا هلا
العامري
07/09/2004, 01:50 AM
ثهلان : حياك الله ...
خشم الرعن : الحمد لله على السلامة ومشكور على مسكت الصف..

سعد العبود : أكرر أسفي واعتذاري لتأخري في الرد لأني لم أتمكن من دخول الإنترنت لعدة أيام فالمعذرة ويقولون الرد إذا أبطى يبرد ولكني
بكمل المعنى واستلم لاهنت:


والنعم فيكم كلبوكم فالخفا والا البيان
رجالكم وقت اللزم يبرز ماهوب مخامري

حشتوا المراجل والمكارم كلبوها حوش ضان
ثوب المراجل قدكم ماهو عليكم شامري
سعد العبود
16/09/2004, 11:30 PM
المعذرة على التأخير لكن فيه ظرف منعني من سرعة الرد ..........
ثهلان :
هلا فيك وغلا ومرورك شرف للجميع لا عدمتك ومشكور ........

خشم الرعن:
حياك الله مليون والشرف يزداد بمرورك العذب يالغالي ..........

العامري :
حياك الله والحمد لله على سلامتك وما ابطى من جا يالجزل ...
واستلم يالغالي :

ولا عليكم زود يا حرٍ تعلى فالزمان=يزين ديارٍ سكنها فالزمان الدامري
أنا اشهد إنك تكسب الطوله إلى جا الامتحان=تقلط العاني على الحايل وقرص الجامري
العامري
17/09/2004, 12:17 AM
صح لسانك يامراقبنا وتسلم ولايسلم ردي العزايم...
والطاروق عقب بيوتك شاب ونلتقي إن شاء الله في طاروق آخر ..
وهالمرة جت مني والثانية نبيها منك بارك الله فيك..............
سعد العبود
17/09/2004, 07:16 PM
يعطيك العافية يالعامري وابشر بالخير والله تبينا نلعب في موضوعك والا احط موضوع خاص ............

لا هنت يالجزل ...........
العامري
17/09/2004, 08:07 PM
تحري بالطيب ياسعد وموضوع خاص أظنه أفضل وتسلم يابعدي...
*سعود*
17/09/2004, 11:49 PM
ماشاء الله عليكم الله يقويكم

ننتظر جديدكم

دمتم سامين اخواني سعد العبود * والعامري