علي العجاجي ,,,,,,مطلوب؟

[بعير نت]

السلام عليكم ورحمه الله وبركاته

مساكم الله بالخير جميعا وحيالله كلن باسمه

الأخ الشاعر الغالي علي العجاجي يطيب لي ان اخذ معك طاروق اذا ماعندك مانع

واللعب معك مكسب لي طال عمرك,,

استلم يابو ابراهيم ,,,


ترى ماتاضح الصوره اذا مابدع الفنان"="وِعطني الورق والزاج اوضحها بقيفاني
بعد هذا سلام الله عدد ماهلت الامزان"="على اللي وان ندبته ياجماعه يقضي الشاني

[علي العجاجي]

الشاعر الكبير بعيرنت
هلا وغلا فيك ما تغيب الا وتجي سالم.
الشرف لي باللعب مع شاعر كبير مثلك.
واستلم لاهنت


ليامنك رسمت الصورة بفنك لزوم تبان=ومن غنى بيوتك ياعميلي صار طرباني
ولا يامرحبا ترحيبةٍ من خاطرٍ شفقان=وانا رهن الاشاره ما بغيته تم يافلاني

[ابودحيم]

يـــا سلام ســــلم

بعير نت
مرحبا والله و مسهلا
و الحمدلله على الـــســـلامه
ومن طول الغيـــبـــات ;)

انا بصفك يالبعير و لاتهون يـــا علي;)

[بعير نت]

ابو دحيم ,,

مرحبا فيك اكثر والله يسلمك يالغالي,,وما تفقد غالي جعلك تسلم ,,
والشرف لي انك بصفي,,

اخوي الغالي علي ,,
مرحبا فيك ,,والله لايهينك على التواضع ,,ولاهيب غريبة عليك يالغالي,,

استلم لاهنت,,


قليل العرف يحسب رفعته في غِيبة العربان"="ضعيف وما تعلم خَبره يامكرم العاني
وابيك اليا كتبته ياعلي توضح العنوان"="علشان المغفل يفهمه والقصد ينباني

[سعد العبود]

صح لسانكم يالشعار ...........

البعير وعلي ..............................

واصلوا وازهلو الصفوف ..................

[علي العجاجي]

ابو دحبم هلا فيك مرورك بحد ذاته شرف
سعد العبود هلا والله حضورك له طابع خاص
الشاعر الكبير بعير نت

الله الله الله الله استلم لاهنت

ترى ياشعيل كلٍ عند روحه فاهم وبطران=ولا احدٍ يعترف في غلطته لو كان غلطاني
ترى ماني وكيل ادم على ذريته يافلان=تبصر في كلامي ياشعيل يبان عنواني

[عساف النجايب]

د بعير نت

هلا وغلا

حقيقه اشتقنا للأبداع

والحمد لله على السلامه ومن طول الغيبات جاب الغنايم

وانا بصفك يا د بعير نت من غير قصور بالعجاجي

واصلوا وازهلو الصفوف.

[بعير نت]

اخوي الشاعر سعد العبود الساعه المباركه مرورك وحياك الله ,,,

اخوي عساف النجايب هلا فيك اكثر والله يسلمك من كل شر والشرف لي انك بصفي,,

استلم يابو ابراهيم لاهنت, ,,


انا يعجبني اللي لارمى ما يخطي النيشان"="يصيب الشاره ويقنب قنيب الذيب سرحاني
وترى النيه مطيه والردي دايم له الخذلان"="واعرف الطير ما يقدر يطير بدون جنحاني

[الفيصل]

صح لسانكم يالشعار

وانا بصف ابو ابراهيم علي العجاجي

ولا يهون شاعرنا بعير نت..

ولكم تحياتي


الفيصل

[ابوحمد]

قواكم الله وبيض الله وجيهكم
وانا بصف الشاعر بعير نت ولا يهون الشاعرعلي العجاجي
لكم تحياتي ابوحمد

[علي العجاجي]

الاخوه الاعزاء:
عساف النجايب
الفيصل
ابوحمد

هلا وغلا فيكم ومرحبا وجودكم شرف باي صف كنتم وصفي وصف البعير واحد والا يابعير نت

الشاعر بعير نت استلم لاعدمتك

انا يعجبني النادر ماياقع وقعة الغربان=يشوم عن المكان اللي توقع فيه غرباني
ترى راع الردى بالوصف يشبه طير ابن برمان=ومن ماشاه عده ياعميل الخير خسراني

[محمد السعيدي]

بسم الله الرحمن الرحيم

بيض الله وجيه الشعار , واصلوا وحنا متابعين , وانا بصف علي ولايهون البعير

[بعير نت]

الفيصل,,
مرحبا فيك ومرورك يشرفنا ,,بصفي ولا بصف ابو ابراهيم الصف واحد مثل ماقال ابو ابراهيم,,

ابوحمد,,,
ابرك الساعات اللي جابتك يالغالي ولي الشرف انك بصفي يالغالي,,

محمد السعيدي ,,
مرحبا فيك ووجهك ابيض يالغالي وحضورك يسعدنا يمال السلامه,,

الله الله يابوابراهيم واستلم لاهنت,,,

تشوم النفس الى صار الثعل يقرن مع السرحان"="وانا لاهل الردى ياصاحبي مااهج بيباني
دخيلك لاتخليها تصير بخانة النسيان"="وعصر العز قلي هو متى يرجع لنا ثاني؟؟

[علي العجاجي]

خالي محمد السعيدي
هلا والله فيك وحضورك شرف بحد ذاته وانت احد رواد هذا الميدان

يعير نت الله الله الله عليك استلم ياسنايدي والمعذره على التاخير

حدث بالوقت شيٍ ياولد ماكان بالحسبان=زمانٍ جايعٍ ذيبه ويشبعن الحصاني
زمان العز يابناخي ترى ولى مع الجدان=وعصرٍ راح ماظني يعود لولاني

[بعير نت]

ابو ابراهيم خذ راحتك الله يطول عمرك,,,,

استلم ياعصابه راسي,,,

ترى الرامي قبل يرمي لزومٍ يضبط العلمان"="ولاني خابرٍ بندق تصيب بدونِ علماني
زمان العزِّ باذن الله يعود والحبال متان"="وجبل ثهلانِ دار الوقتِ واسمه دومِ ثهلاني

[علي العجاجي]

الشاعربعيرنت استلم يابعدي
انا صدت الهدف ظني ليا ما صرت انا غلطان=وصيدي ياعميل الخير دايم جل وسماني
واذا اخطت رمية الرامي تراها عادة الانسان=ولويخطي رفيقك خلها مطامر حصاني

[بعير نت]

الأخ الشاعر علي العجاجي

صح السانك وبيض الله وجهك يالغالي

تشرفت بالعب معك واستفدت منك الكثير يابو ابراهيم

لاهنت على قبول الدعوه واسمح لنا على القصور

والى لقاء قريب ,,

[^^بــرقــاوي^^]

صــــــــــــــــــــــــــــــــــــــــــــ لسانك ــــــــــــــــــــــــــــــــــــــــــــــــــــــــــح





يا بعير ويا ابو ابراهيم



:D:D:D:D