المساعد الشخصي الرقمي

مشاهدة النسخة كاملة : عميدنا الغالي مطلوب ............

سعد العبود
04/09/2004, 01:17 AM
الغالي خشم الرعن الحقيقة مبطين عنك وودنا ناخذ معك محراف ونجدد العهد الجميل بالمحاورة معك ومع الجزلين امثالك ...........

أتمنى أن تجد الوقت باللعب معي يا طويل العمر :

أخص الرجال اللي لهم عندنا تقدير=سلامي سلام أحلى من السكر الحالي
عميد البلد مبطين عن طيب التعبير=بحر من بحور الشعر والوقت ميالي
الصييفي
04/09/2004, 03:07 PM
هلا و الله ببو ابراهيم، و هذا من نبلك و تواضعك.

أرجو أن تتحمل التأخير الذي قد يحصل بسبب ظروف العمل.

إستلم لا عدمتك:


هلا بالمراقب، حجة الرد و التشفير= عدد كل حرف(ن) كِتْب بالمنتدى الغالي

حضرنا، ولكن الحذر يا رفيق الخير= ترى الشعر شيلاته هجيني و موّال(ي)

و يا هلا
ابودحيم
05/09/2004, 01:44 AM
الله الله

يا ســـــــــلام عليكم

العميد و المراقب

وش خليـــــتـــو ;)

و الله مدري مع من اصير!!

ابجلس بالمدرج لين اشوف السفينه ترسى على اي شاطىء!!

واصلوا يالربــــع
سعد العبود
05/09/2004, 10:32 AM
هلا والله وغلا يا ابودحيم مرورك بحد ذاته شرف وبأي صف تكون ستكون غالياً على الشاعرين .............

العميد لاخلا ولا عدم وقبولك للمحاورة شرف استلم لا هنت :

ابلعب معك لكن تنبه من التفسير=وخلك معي فالدرب يا طيب الفالي
ترا شرعك اللي كان حكمه علينا غير=حكمت وسند حكم الخشم منه نهتالي
عبدالله الحوري
05/09/2004, 11:05 AM
قـواكــم الله ياخشم الرعن وياسعد العـبـود !!!

وأسمح لي ياأبو يوسف أبصف مع خالي (والله يعين) !


ســــــــــلام
فارس تميم
05/09/2004, 01:39 PM
ياسلام

الله الله

مايبيلها ذي انا بصف العميد :D طبعاً....

ابو يوسف شوطين بس واجي بصفك:D
الصييفي
05/09/2004, 01:47 PM
"أبو دحيم": مرحبا بك وشرفتنا.
حوِّل للصفوف، والسفينة إن شاء الله تبي ترسي على بر الأمان و المحبة.

عبد الله الحوري: هلا بك جنبي مادام حنا بعيدين عن الدكة. لك غلى من نوع خاص يبو ياسر، شرفتنا.

الأخ "فارس تميم"

حياك الله يالمشرف العام، و تواجدك شرف معي
و الا مع ابو براهيم و ما دام تبي تكمل الشوطين
بياض وجهك لأن ما عندنا أشواط إضافية،
فيه ضربات ترجيح.


أبو إبراهيم، أنا اللي لي الشرف و الفائدة من محاورة شاعر من وزنك.

إستلم لا عدمتك:


بحثنا نبي طيبك من "الحفر" إلى "الخرخير"= ولا جا على المقياس مثلك على بالي

توكل على الله، دام تعرف نظام السير= و ترى شرعنا واحد و متن السند آلي

و يا هلا
سعد العبود
06/09/2004, 11:55 PM
عبدالله الحوري :
مرورك يشرف أي متصفح فمرورك ووجودك بأي صف كنت هو تشجيع للجميع .......

فارس تميم :
حياك الله وتراه مرخوص حتى لو في ضربات الجزاء تعال شت ;) مرورك على هذه المحاورة شرف لها وبأي صف كنت ...................

خالي خشم الرعن والله إنها (لا خلا ولا عدم) وعدلتها عشان ما يجي تفسير غير مقصود ...........
استلم يالعميد :

أنا قصدي إنك يوم جيت البلد ياطير=قبلت الجميع ولا طلبت السند عالي
تركت البطاقة دون تاشيره وتصوير=هناك المبادي تختلف ليش ياخالي
الصييفي
07/09/2004, 02:04 PM
أبو إبراهيم:
مرحبا بك و أرجو أن أكون معك على نفس الموجة .

إستلم لا هنت:



بلدنا جميعاً، ماهنا شك أو تحوير= واهلها جماعة وأنت في أول الرالي

محد شال في جيبه بطاقة و لا تقرير= و كل المبادي واحدة، باوّل و تالي

و يا هلا
فارس تميم
07/09/2004, 02:30 PM
وانت في اول الرررررررررررالي

الله اكبر

والله انكم كايفين يالعميد ويالمراقب ،، وشدوا حيلكم بيض الله وجيهكم

ترانا متابعين اول بأول..
سعد العبود
07/09/2004, 10:04 PM
فارس تميم :
هلا بيك وبيض الله وجهك على المتابعة الطيبة................


العميد اكيد إنك معي بيض الله وجهك ;) :

اوضح زياده لجل ما يكثر التفكير=ويكثر على موضعنا القيل والقالي
و أنا عارف إن الرجل ما يقبل التأثير= وانا عن كثير الناس يا خالنا سالي
الصييفي
08/09/2004, 10:12 AM
الأخ "فارس تميم":

مشكور على المتابعة والتشجيع.

أبو إبراهيم إستلم يالغالي


ورى يا رفيقي ما تبعد عن التشهير= و تعطي علومك كان مازلت تبرا لي

و إذا كان شاب البيت من كثرة التنظير= تروح أنت في فالك و انا اروح في فالي

و يا هلا
سعد العبود
08/09/2004, 12:13 PM
الله الله ..........

استلم يا بووليد الله يسلمك :

لو أنشد فروش الضلع معها حصي النير=تجاوب تقول فلان بمر الله الوالي
ولكن معي حاجه وهي اللي عليها البير=وهي غاية المقصود يا نجمنا العالي
ظناني الشوق
08/09/2004, 02:24 PM
بيض الله وجيهكم كلكم الطالب والمطلوب

ويالخشم ترى سعد بيفقشها إن مالقطتها

واصلوا ترانا متابعين بشغف
الصييفي
08/09/2004, 03:43 PM
أبو براهيم:
أشوف فكرة التشفير دخلت مزاجك!

إستلم لا هنت:


أشوفك على درب المتاهة تحث السير= تبعَّدْ عن الفية و تقرب من الصالي

وترى جودة المحصول من جودة التوبير= و حاجتك شلها فوق راسك و لا تبالي

و يا هلا
علي العجاجي
09/09/2004, 01:02 PM
ابويوسف وخالي العزيز
بيض الله وجيهكم على هالمحراف والصفوف ازهلوها وانا بصف خالي ولاتهون يابويوسف(وانتبه لاتكب السطول):D:D
محمد السعيدي
09/09/2004, 01:55 PM
بسم الله الرحمن الرحيم

ابو يوسف , والعميد , قواكم الله , محاورة رائعة , وانا بصف

العميد ولا يهون ابو يوسف
*سعود*
09/09/2004, 04:59 PM
ماشاء الله عليكم ايها الأعزاء وما قصرتو وجعلكم على القوه

والمنتدى له الفخر والإعتزاز حيث انه يضم الثنائي

خشم الرعن وسعد العبود

الله يعطيكم العافيه ولا تبخلون

دمتم سالمين
سعد العبود
10/09/2004, 06:09 PM
ظناني الشوق :
هلا بك يالغالي ومرحبا مروك شرف ولا تخاف مهيب متعدية ;).........
علي العجاجي:
هلا بك وغلا مبطين عنك مرورك عطر المتصفح ولا تخاف الصطول مكانها ............
محمد السعيدي :
هلا والله وغلا مرورك شرف بأي صف كنت ويا هلا ........
سعود :
لاهنت يالغالي على هالطلة الجميلة كعادتك تشرف المتصفح ........

الخشم استلم التشفير:;)

انا ما ذكرت إني على منهج التنصير=على منهج الاسلام حلي وترحالي
ولكن بعض الناس ما يدرك التصوير=يصور بوقت الحرب ناقه وجمالي
الصييفي
11/09/2004, 07:03 AM
الإخوة:

علي العجاجي،


محمد السعيدي،


"*سعود*"

شكرا على متابعتكم.

سعد العبود:

شكرا لك على طلبي لهذه الجولة و التي
تبين فيما بعد أنها ما كانت لتكون لولا "حاجة"
في نفس "أبو يوسف".

شكرا لك و على الخير و الود نلتقي:


مَحَد كفّرك أو لبسك بزة االتبشير= و لحد حطّ من قدرك و لو وزن مثقال(ي)

فهمنا صورك اللِّي تواقيعها تمرير= حصيلة "بلو توث(ن)" مركّب بجوال(ي)

و يا هلا
سعد العبود
12/09/2004, 11:58 AM
الله يعافيك يا ابو وليد وشكراً لك على قبول طلبي بالمحاورة ..............
..
اسعدتني كثيرا بقبول المحاورة وعلى الود نلتقي............