يا شعار الميدان ...... تفضلوا [الأرشيف]

العامري

15/09/2004, 01:18 AM

السلام عليكم ورحمة الله وبركاته:

أشوف الميدان طافي عسى المانع خير.

وعلى قولة الشعار أوسم أقول أوسم يا أول داخل.......

الصييفي

15/09/2004, 08:15 PM

الأخ "العامري":
وعليكم السلام ورحمة الله وبركاته.

عادة اللي يدخل هو اللي ياسم،

أوسم ويجونك الشعار الراغبين في المحاورة كما عملت مع إبن عبود.

على ذكر محاورتك مع ابن عبود.. ليش ما كملتوها؟

هيا توكل على الله يالعامري و اوسم و يظهرون الشعار.

و يا هلا

العامري

18/09/2004, 12:49 AM

حيا الله عميد المنتدى الشاعر : خشم الرعن
أنا ودي بارك الله فيك تكون البداية من غيري.
وعلى طاري محاورتي مع ابن عبود فهي إنتهت مثل محاورتك معه لأن المعنى اكتمل والزايد في الكاس ينكب....
وتنفيذا لطلبك بأن ابدأ استلم لاهنت :

يامرحبا من شاعرٍ بينكم ماهوب معروف
ترحيبةٍ مثل الذهب حر ماهيب مغشوشه

الملعبة ما تصلح إلا بليل و بــر وصـفوف
وإحنا على النت نتصبر جميعاً بأم شوشه

محمد السعيدي

18/09/2004, 06:28 AM

بسم الله الرحمن الرحيم

يا مرحبا بك يالعامري واستلم لاهنت:
يامرحبابالشاعر اللي يحوف الملعبه حوف= ترحيبة والحر الأشقر ماحد يقدر يحوشه
ماحديعرفك لكن انك مع الشعار مشيوف= والشعربين الناس يشهر يودنه طروشه

الصييفي

18/09/2004, 07:46 AM

الإخوة الشعار:

" العامري"،

محمد السعيدي،

يعطيكم العافية على هذا الطرق الكايف

و على جهودكم في تحريك المنتدى،

أنا أبصير بصف السعيدي هذه المرة

وصفوفكم جميعها عامرة بإذن الله.

ورّدوهــــــــــــــــــــــا عــافاكم الله!

و يا هلا

سعد العبود

18/09/2004, 02:19 PM

لاهنتوا يا الشعار ...........

جزلين ورائعين .................

انا مع الصفين كلكم عينين براس مره مع العامري ومره مع السعيدي ..........
وياهلا;)

العامري

18/09/2004, 03:35 PM

خشم الرعن : حياك الله وهذا واجبنا ...

سعد العبود : هلا وغلا ومرورك شرف ولا تنسى الوعد .

محمد السعيدي : أرررررررررحب حياك الله والرد مايصلح الا بنقض وفتل وصمخ ومصامخ ( ولاهوب قبل ) ومن هالمنطلق استلم ولاتاخذ بخاطرك ترا الدعوى أنت أبخص بها :

لو الذي يابوسفر رد غيرك قلت ملقوف
.....................................لكن لي صدرٍ وسيعٍ ولي نفسٍ بشوشه

والحر الأشقر لو بغيناه خليناه منتــوف
.....................................لكن ماودي يجي داخل الميـدان هوشه

محمد السعيدي

18/09/2004, 05:40 PM

بسم الله الرحمن الرحيم

خشم الرعن : ياهلا بك ومرحبا ياعميدنا لي الشرف انك بصفي لاهنت

سعدالعبود : ياحيا الله ابو يوسف , معي والا معه وجودك بحد ذاته كافي لاعدمتك

العامري : الله يحييك , وابشر باللي يسرك بس لايجي مع المصامخ فلوق

والدعوى مزوح ووناسة والقلوب صحاح , واستلم جعلك على القوة:

بعض البشر مايفتهم لين يصفق عشرة كفوف= تبين فالخدين تنقش على خده نقوشه
والحر الأشقر بعّد الشوح مانتب فيه مكلوف= طار وتعلّى وادرج الحوم ماتقدر تنوشه

العامري

18/09/2004, 09:59 PM

مادخلنا شك يا محمد واستلم لاهنت..

أنته تحسب الناس مثلك بدون رماح وسيوف
.............................اليا رفعت اليد تصبح عن الكتف محشوشه

تنوشه اللي لارمت تجعل النيشان منصوف
.............................اتقطعه وتخلي انفوس من معه مخروشه

محمد السعيدي

18/09/2004, 10:39 PM

استلم يالسنافي:
لا لايغرك يوم مافي يدي سيف وقاصوف= في جيبي الأيمن قنابل عن الناس مخشوشه
والا انت كذّب بندقك وارتبكت وصرت محذوف= غديت مثل اللي ضرير و تعثّر في عفوشه

سعد العبود

18/09/2004, 10:45 PM

الله الله ...........
بعض البشر مايفتهم لين يصفق عشرة كفوف
.............................تبين فالخدين تنقـش علـى خـده iiنقوشـه
والحر الأشقر بعّد الشوح مانتب فيه iiمكلوف
.........................طار وتعلّى وادرج الحوم ماتقـدر iiتنوشـه

صح لسانك يا ابوعبدالله ...........
الله الله ..........
أنته تحسب الناس مثلك بدون رماح وسيوف
.............................اليا رفعت اليد تصبح عن الكتف محشوشه
تنوشه اللي لارمت تجعل النيشان منصوف
.............................اتقطعه وتخلي انفوس من معه مخروشه

صح لسانك يالعامري ............

متابعين ..............

قواكم الله ........

كنداري

18/09/2004, 11:23 PM

لا لايغرك يوم مافي يـدي سيـف وقاصـوف في جيبي الأيمن قنابل عن النـاس iiمخشوشـه
والا انت كذّب بندقك وارتبكت وصرت محذوف غديت مثل اللي ضرير و تعثّـر فـي عفوشـه

صح لسانك يا ابو عبدالله

وانا بصف محمد السعيدي ولا يهون العامري

العامري

19/09/2004, 01:19 AM

سعد العبود : هلابك نورت الموضوع وتسلم على المتابعة .
كنداري : حياك الله بصفي أوبصف محمد المهم إنك في الصف .

صح لسانك يا محمد واستلم يابعدي :

أثرك كما الصيخان والمقرن وصالح بني عوف
...........الأمن وصلك والحرس طوق الوكر بجيوشه

يدخل عليك الوكر ويداهمك والصبح مكتوف
...........والليــل فالحاير بـزنـزانـةٍ حيـــل محفوشه

محمد السعيدي

19/09/2004, 04:22 PM

سعد العبود : مرحبا بك متابعتك تزيد الحماس يابويوسف

كنداري : هلا وغلا , شرفت صفي , وصف العامري وعلى ماقال

العامري الصف واحد:صح بدنك يالعامري , سم طال عمرك:
انا خصيم العامري لايفه يوم الوغا لوف= قنابلي ماتسقط إلا على بيته وحوشه
وإلا معازيبي أنا بصفهم بالسلم والخوف= اظن راسك ياولد صايبه حوسه ودوشه

الصييفي

19/09/2004, 05:57 PM

يدخل عليك الوكر ويداهمك والصبح مكتوف
...........والليــل فالحاير بـزنـزانـةٍ حيـــل محفوشه

ألأخ العامري:

يعطيك العافية على هذه البيوت الكايفة.

وإلا معازيبي أنا بصفهم بالسلم والخوف
........ اظن راسك ياولد صايبه حوسه ودوشه

أبو عبد الله: اشهد ان ردك شافي و كافي.

خلوا النار حية، لا عدمناكم!

و يا هلا

العامري

19/09/2004, 06:51 PM

خشم الرعن : مشكور على المتابعة .
واستلم يا محمد :

منتاب قادرني ولا تقدر إلامثلك ضعوف
..........................والعامري تسقط قنابلك ماهزت عروشه

هذا كلامك لكن انك بقلب العلم موصوف
............... وأنته سوات الأطرش اللي غدا في وسط طوشه

محمد السعيدي

19/09/2004, 07:24 PM

خشم الرعن : أشكرلك استمرار المتابعة ياعميدنا الغالي
العامري استلم يابعد حيي:
وشلون مانقدر وراسك غدا بالشاش ملفوف= من ضربنا غديت لقمة صغيرة ومعروشه
والعلم اجييبه ظابطه مانخمه خم مشعوف= يوم إن بعض الناس يغلط إلى حسّب قروشه

العامري

19/09/2004, 11:06 PM

استلم يابو سفر وصح لسانك:

راسي سليم ولاتركته لخلق الله مكشوف
................ لا تفتري ما من ورا الافتـــــــرا عز ومعوشه

وأنته تخم السالفه يامحمد خم عاصــوف
...............يابن عبود ابن السعيدي غدا ضينه و بوشه

محمد السعيدي

20/09/2004, 12:31 AM

سم يالعامري وصح بدنك:

بعض العرب هرجه يورّد على نجران والجوف= ودك يزنّد بالعصا ثم يسرح في دبوشه
وابن السعيدي هرجته مثل نقد الذهب مصروف= ويالعامري بيض الدجاجة ترى ماهون فقوشه

العامري

20/09/2004, 02:07 PM

استلم يا محمد :

سرحت بك مع طلعة الشمس والبـاكور معكوف
................وإن غابت آضويك والبر كاثرةٍ وحوشـــه

مانيب أفقش بيض وأنته بفقش البيض مشغوف
................. يامفقشه نثرت مخه وكسرتا قفوشه

محمد السعيدي

20/09/2004, 04:36 PM

استلم يالعامري :
العبد لابلش سيّده قال له قم قف هذلوف= يمرح مع سباع الخلا ينهشن لحمه نهوشه
ماقلت إنك تفقش البيض لكن صرت مطيوف= أقول أنته مثل بيض الدجاجة ترى ماهون فقوشه

العامري

20/09/2004, 06:30 PM

هلا بك يابوسفر واستلم :

مسكين أبو عظه بعد عظ صار العظ فالصوف
...............رح للمرايه شوف وجهك كثيراتٍ مخوشه

يامعاندي موترك كربن ويبغى وزنت بلوف
............... وحبتك راحت داخل النجر ياهوه مهبوشه

محمد السعيدي

20/09/2004, 10:35 PM

مرحبا بك يالعامري واستلم:

قامت تخور بك المعاني من جروفٍ إلى جروف= وذي حيلة العاجز إلى من نوى درب النحوشه
قد كانت هاني لكن اليوم بالأخطار محفوف= طحت بطريقه ياقصير الخطا ترجي ونوشه

الصييفي

21/09/2004, 09:45 AM

الإخوة "العامري" و محمد السعيدي:

عز الله ما قصرتوا يعطيكم العافية:

أشوف أنا بيوتكم شابت و لا بقيتوا سنوف= أدخلتوا العيش حتى النمل ما يلقى معوشة

و يا هلا

العامري

21/09/2004, 12:58 PM

خشم الرعن : الله يعافيك وحياك الله .

أبو سفر استلم يا بعدي :

لاوالله إلا خارت بك أنت رح لبيــوتــك وشوف
..........................مدري كسر و إلا خطا _ موترك عدل هفوشه

وأثرك قليّل عرف معك التعب ماهوب مخلوف
.......................... وأنا وقفت أرسى من طويق وأقسى من فروشه

محمد السعيدي

21/09/2004, 06:57 PM

خشم الرعن : ياهلابك , البيوت في عز شبابها , نبيك تحيي الصف لاهنت0
العامري استلم يابعد حيي:

اللي ببطنه ريح مايستريح بداخل الجوف= من علة في باطنه ياولد تنفخ كروشه
ريِّح قبل ماحامي الضرب يكسر كل غضروف= ماعاد تقوى ترفع السيف في كفك رعوشه

العامري

22/09/2004, 02:43 PM

استلم يابو سفر :

ابعين طبعك قمت تنظر ووصفك وصف خاطوف
........................ لو طق شرخ بجانبه هج يزبن في عشوشه

وإن كنت تقدر لاتــــونّــا وابحلف عشرة حلوف
........................ ماترجع إلا يا مـحـمـد كرامتــك مخدوشـــه

محمد السعيدي

22/09/2004, 03:14 PM

استلم يالعامري:

يالبومة اللي صابها فالزمان أهوال وصدوف= شف ريشهاشي تفتت وشي به نفوشه
لالا تكابر وانت راسك من الضربات ملغوف= كفِّر عن حلوفك ورح وابتعد يا ابا الجحوشه