المساعد الشخصي الرقمي

مشاهدة النسخة كاملة : الـــعـــامــري,,,,,,,,,,مــطـلـوب؟

بعير نت
26/09/2004, 11:24 PM
السلام عليكم ورحمه الله,,

مرحباً بالجميع وحياالله كلن باسمه,,

الأخ الشاعر العامري يطيب لي ان اخذ معك طاروووق اذا ما عندك مانع,,

استلم لاهنت,,,


خابر الشمس الى بينت مانشوف انجوم"="ياسلامي على الكل والعامري مطلوب

ما دخل فالبحر واحدٍ مايعرف العوم"="وان دخل يا عميلي فلا يامن الشاذوب
العامري
27/09/2004, 05:09 PM
بكل سرور حياك الله و استلم يابعدي :

شمسكم حاجبٍ نورها يالبعير غيوم
.................... ياهلا مرحبا فيك يامكمل الماجوب

أنت منتاب تسبح ولانتاب طير تحوم
...................أنت هرشٍ ولا قط شفت البحر مركوب
بعير نت
27/09/2004, 05:27 PM
اشكرك على قبول الدعوه ,,,

واستلم لاهنت,,,


البضاعه ورى من ملكها يزيد السوم"="مخطي وكاسبٍ ياعميلي ثلاث ذنوب

انت شبهر قبل ترمي ان كان جك القوم"=" بالنهايه لنا تتضح كسرة العرقوب
العامري
27/09/2004, 06:48 PM
استلم يابعدي:

بالبضاعة ترا منت يا صاحبي ملزوم ........ ان تغاليت برج العرب فاشتر الرعبوب


كان جانا كبير العدا فيه كبر وزوم .......... راس راع الكبر صار من رميتي مصيوب
بعير نت
27/09/2004, 07:52 PM
استلم لاهنت,,,,


لك نبي نرفع الصوت واقول صح النوم"="ما كذا تورد البّل ياللي على المنجوب

خلها مثل ميزان ذاك الذهب معلوم"="والفصول بعملها تبادل بلبس الثوب
سعد العبود
27/09/2004, 10:35 PM
الله الله ..........

صح لسانكم جميعاً ............

بيض الله وجيهكم على المحاورة السريعة والشيقة ..........

روحوا وازهلوا الصفوف ...........
السيل
28/09/2004, 02:19 AM
الله الله يالربع النشامى
واصلو واصلو وازهلو الصفوف
ابودحيم
28/09/2004, 03:06 AM
يا سلام عليكم
البعير و العامري
و اصل واصلو

و انا بصفك يا البعير
و لا تهون يالعامري

شعللوا الميدان
العامري
28/09/2004, 04:46 PM
حيا الله المراقبين والرؤساء والمشرفين ماشاء الله كل الحكومة موجودة هلا ومرحبا مروركم نور الموضوع .

استلم يا بعير نت لاهنت :

أحمد الله مانـيـب تــايــــــه ولا منجوم .................... من مشى الدرب مظبوط مالحقه العذروب

سمها وأنت أبوها ولي صدر المرسوم .................... ثــم أنــفذ ليــا جاز لي علمك المــــــكتــوب
ابومتعب
28/09/2004, 10:07 PM
يا سلام عليكم
البعير و العامري
و اصل واصلو

و انا بصفك يا البعير
و لا تهون يالعامري

شعللوا الميدان
بعير نت
28/09/2004, 11:47 PM
الشاعر سعد العبود,,,

مرحبا فيك مرورك يشرفنا يالغالي ,,,بس وش السالفه معاد تمسك صفي ,,,

المشرف العزيز السيل,,,
مرحبا فيك والساعه المباركه اللي مريت علينا فيها,,

اخوي الغالي ابودحيم ,,,
مرحبا فيك ووجودك يشرفنا لاعدمتك يالغالي,,,
وتسلم على مسكه الصف ياسنايدي ,,,

الغالي ابومتعب,,,
ارحب يالغالي والساعه المباركه اللي شرفتنا فيها ,,ولاهنت على مسكه الصف ,,,

العامري استلم يابعد حيي,,,


يالبناخي ترى كل جلدٍ عليه وسوم"="بينه لو يشيله وندري عن الملعوب

كل عينٍ بها ياعميلي رمد وهزوم"="ولو ملام المدرى غلط له مجال يتوب
العامري
29/09/2004, 02:13 PM
هلا بك يابو متعب .

واستلم يا بعير نت لاهنت :

مثل مافيه معطى يجي واحدٍ محروم .......... وأنت تاجر وتجلب وتدري عن المجلوب

كل شي انتهى مابقى غير حب خشوم .......... عقب مارحت في صوب والعامري في صوب
علي العجاجي
30/09/2004, 12:37 PM
الشاعرين بعير نت والعامري

الله عليكم بيض الله وجيهكم على هالطاروق والصفوف ازهلوها
ابومتعب
30/09/2004, 06:16 PM
واصلوو وازهلو الصفوف الله الله لاهنتو
بعير نت
01/10/2004, 02:08 PM
الشاعر علي العجاجي,,

مرحبا فيك يالغالي ومرورك يشرفنا لاعدمتك,,,

ابو متعب ,,,

اشكرلك طيب المتابعه يالغالي,,,

العامري استلم لاهنت,,


ماذكرته لكم ياعميلي غدا مفهوم"="والتردد بتوضيح ماقلت فيه عيوب

ودام هذا جوابك رضيته عداك اللوم"="قابله والتحيه لكم عد وبل نصوب
العامري
02/10/2004, 02:23 AM
علي العجاجي : مشكور على مرورك وحياك الله .

أبو متعب : الله يبارك فيك نورت الموضوع بمرورك .

بعير نت : صح لسانك وعافاك الله وأشوف البطران طالبك ولا ودنا نشتتك مار عساك على القوة ونلتقي في طاروق آخر بإذن الله تقبل خالص تحياتي ........
بعير نت
03/10/2004, 06:24 PM
الشاعر العامري,,,

بيض الله وجهك يالبناخي وصح السانك يالغالي والى لقاء في محاورات قادمه لاعدمتك,,