الشاعر الشاعر تفضل طال عمرك

[سعد العبود]

بسم الله الرحمن الرحيم
السلام عليكم ورحمة الله وبركاته

لأعجابي الشديد بما تقدم

الشاعر العزيز الشاعر أتمنى ان تجد وقت لهذه المحاورة

أستم طال عمرك:

الى يا شاعر مر البلد من دون ما نوحيه=الى من خص غيري جيت اريده والله الوالي
سلام الله برديه وفيه والهدف نرميه=والى مني رميته دوم اصيده والله الوالي

[محمد السعيدي]

بسم الله الرحمن الرحيم

ابويوسف : صح لسانك على هالطاروق الجميل , خل قبيلك يحضر وازهل الصف 0

[الشاعر]

بسم الله الرحمن الرحيم
المراقب سعد العبود :

اولاً مبروك عودة المنتدى

ثانياً اشكرك على مدحك لي

محمد السعيدي
قبله موجود من مده طويله لكن المنتدى غايب

ابويوسف استم طال عمرك

الى يا مراقب المخزون اقول الحق لا تخفيه=والى خصيت غيرك لي عقيده والله الوالي
الى يا مرحبا ترحيبةٍ بالقاف مع راعيه=وانا جيتك على ظهر الفريده والله الوالي

[الصييفي]

الإخوة :

سعد العبود،

"الشاعر"

عافاكم الله على هذه البداية القوية

بعد هذا الإنقطاع القسري.

توكلوا على الله و إزهلوا الصفوف.

و يا هلا

[سعد العبود]

الأخ العزيز محمد السعيدي :هلا وغلا فيك لا خلا ولاعدم مرورك عطر المتصفح ووجودك بصفي شرف اعتز به ...

عميد المنتدى : مرحبااا مرحبااااا مرحباااااا مرورك له طعمه الخاص والله لا يخلينا من امثالك ....

الأخ الشاعر استلللم لا هنت :


يقولون ان راع الأوله ما يلحقه مجزيه=و أنا لي ضربة(ن) دايم سديدة والله الوالي
يقولون الولد وقت الوعد جا فيه ماجافيه=قدح في نص منظوم القصيدة والله الوالي

[علي العجاجي]

الشاعرين سعد العبود والشاعر القدير الشاعر

بيض الله وجيهكم على هالطاروق وشدوا حيلكم والصفوف ازهلوها وانا بصف الشاعر ولايهون ابويوسف

[عساف النجايب]

الشاعر سعد العبود والشاعر الشاعر

لاهنتوا على هالمحاوره الجميله واصلوا وازهلوا الصفوف لاهنتوا

[*سعود*]

الاخ سعد العبود والاخ الشاعر

بارك الله فيكم وجعلكم على القوه

انعشونا لاعدمناكم ايها الشاعرين الكبيرين

بانتظاركم