العامري اقلط الله يحييك على البن ةالهيل وشحم الحيل

[علي العجاجي]

الاخ العزيز والشاعر القدير العامري

السلام عليكم ورحمة الله وبركاته

يسعدني ويشرفني اذا ماعندك مانع ووقتك يسمح لك اللعب معك على هالطاروق لان اللعب مع شاعر كبير مثلك مكسب وشرف والدعوى سعة صدر وحنا نبي نستفيد منك.

واستلم لاهنت




سلام رديةٍ من هاجسي وازكى التحيات=تحيةٍ للصغير وللكبير من الفوادي
والحزة اللي تجيب العامري مابركتس حزات=قولوا له ان العجاجي باسمك الليله ينادي

[الصييفي]

هلا و الله ببو ابراهيم.
لنا مدة ما شفناك في الميدان.
عساك على القوة
و انا بصفك لين الله يجيب "العامري"
و تعمر الصفوف.

و يا هلا

[محمد السعيدي]

صح لسانك يابو ابراهيم على هالبحر الجذاب وحنا بانتظار العامري يبحر معك

[العامري]

الأخ الفاضل والشاعر علي العجاجي

وعليكم السلام ورحمة الله وبركاته

أشكرك على دعوتي للعب معك

كما أشكرك على مجاملتك اللطيفة وتواضعك الجم

رفع الله قدرك في الدنيا والآخرة

واستلم يابعدي:



يامرحبا يا هلا ترحيبةٍ تنصاك بالذات=وتعطرك ياوسيع المعرفة مسك وزبادي

جيتك وسجّ القدم فوق الدروب المستقيمات=واقطع بها الدوّ ما دام القمر بالنور بادي

[hotmail]

علي و العامري شعللوا الميدان يا جماعة
و ازهلو الصفوف يا سنايديه

سلام رديةٍ من هاجسي وازكى التحيات
تحيةٍ للصغير وللكبير من الفوادي
والحزة اللي تجيب العامري مابركتس حزات
قولوا له ان العجاجي باسمك الليله ينادي

رووووح يا ابوابراهيم

يامرحبا يا هلا ترحيبةٍ تنصاك بالـذات ....وتعطرك ياوسيع المعرفة مسك وزبادي

جيتك وسجّ القدم فوق الدروب المستقيمات...واقطع بها الدوّ ما دام القمر بالنور بادي

توكل على الله يالعامري

وردووووووووووووووووووووووها

[الكاسر]

روحوااااااااااا يالشعار
وانا بصفك يا بو ابراهيم ولا يهون العامري
واصلواااااااااااااا
تحياتي:
الكاسر

[علي العجاجي]

الخال العزيز خشم الرعن
هلا فيك وجودك له نكهه خاص يالعميد

محمد السعيدي
هلا فيك وبيض الله وجهك على حضورك

هوتميل
هلا والله وبيض الله وجهك على مسكت الصفوف

الكاااااااااااااااسر
هلا فيك وش اخبارك وجودك اسعدني

الشاعر العامري

استلم يالذيب




ابشر بدربٍ عدال ومايجي بالدرب لفات=ودرب الشكاله ياراع العرف منتب عنه غادي
وانا معك ياعميل الخير في كل المسارات=حدد طريقك ولاني عن طريقك بمتحادي

[ابودحيم]

قواكم الله يالشعار
على هالمحاورة

و انا بصف ابوابراهيم و لا تهون يالعامري :)

[ابن عــاصم]

قواكم الله
ابو براهيم شعبيتك زايده
تراني صاف معك ولايهون العامري

[سعد العبود]

الشاعرين الكبيرين علي العجاجي والعامري

بيض الله وجيهكم

متابعينكم بشوق

وازهلوا الصفوف

[رفيع الراس]

ابو براهيم انا معك قلبا وقالبا ولا يهون العامري
قواكم الله

[ظناني الشوق]

الله .. الله .. الله يالشعار

واصلوا تراني متابع بشغف هذي سابع مره أجي ولا ألقى ردك يالعامري لاتبطي علينا

المشرف الراااائع علي العجاجي و العااااامري مبدعين ماشاء الله تبارك الله

تراني بصفك يالعامري ولا يهون علي العجاجي

تحيزم بي يالقرم

[العامري]

استلم يالعجاجي:



بالطيب تحري وحنا في عيون الناس شارات=وان ما رفعتا العلم كثر انتقادك وانتقادي

بالعادة اللي يقد الدرب:من طوح بالأصوات=لكن ميولك سياسي يا علي والا اقتصادي

[العامري]

الأعزاء:

خشم الرعن
محمد السعيدي
هوتميل
الكاسر
ابو دحيم
ابن عاصم
سعد العبود
رفيع الراس
ظناني الشوق

أشكركم من أعماق قلبي
على مروركم ومداخلاتكم
كما أعتذر منكم جميعا على ما حصل من تأخر في الرد
خارجا عن ارادتي
تقبلوا تحياتي : العامري


الليل الليل يا علي

[علي العجاجي]

ابو دحيم

هلا فيك وغلا ما عاد علي الحكومة معي

ابن عاصم

هلا فيك وجودك شرف لي

ابويوسف

هلا فيك مرورك له طابعه الخاص

رفيع الراس

مرحبا فيك واشكرك على هذا الشعور الطيب

ظناني الشوق

هلا فيك ومرحبا مرورك بحد ذاته شرف


العامري استلم لاعدمتك:



من هرجة الناس ماحدٍ سالمٍ هيهات هيهات=لا ارضيت رب العباد اترك رضا كل العبادي
يالعامري لو نرشح نفسنا للانتخابات=منهو يبي يصوت ومنهو يبي يصبح حيادي

[الصييفي]

الإخوة الشعار:

علي العجاجي،

"العامري"

عافاكم الله وحنا متابعين.

أبو إبراهيم: لو رشحتم أنفسكم
للمجلس البلدي عرفنا هوية "العامري".
إن فاز عليك بثلاثة أضعاف الأصوات،
فهو عتيبي،
و إن فزت أنت
فهو شعراوي

و يا هلا

[العامري]

خشم الرعن:
مشكور على المتابعة .


الشاعر علي العجاجي:


من هرجة الناس ماحدٍ سالمٍ هيهات هيهات=لا ارضيت رب العباد اترك رضا كل العبادي


ياسلام ياسلام
صح لسانك واستلم:


الناس في هرجهم هرجٍ صحيح وهرج إشاعات=عقب رضا الله رضا أصحابي علي غاية مرادي

لو رشح العامري نفسه كسب ثلثين الأصوات=لكن ماهو ورى زيف الدعايات انقيادي

[علي العجاجي]

خالي العزيز خشم الرعن

اشكرك على المتابعة وعلى حرصك


العامري استلم يابعدي


اهل المثل قالوا اكلك يالعنب حبات حبات=وعلى طريق التقدم لازم انشد الايادي
ياقاضي المحكمة لاتحكم الا بشوف الاثبات=وانته حكمت بحكم والامر توه بالمبادي

[العامري]

اســـــتــــــــــلـــــــــم




راعي العنب جالبٍ نصف الفذاذة للمحلات=يغتر به من يشوفه ثم يحسب الصاد ضادي


يابن العجاجي ترا من كانت عيونه سليمات=يميز الحرّ لو حطوه من بين الحنادي

[عساف النجايب]

الشاعرالكبير علي العجاجي
و
الشاعر القدير العامري

الله لايهينكم على هالمحاوره والأبداع المتواصل اللي اعتدناه من شعار المنتدى

بيض الله وجيهكم على هالمحاوره وعساكم على القوه

واصلوا وحنا متابعين لاهنتوا

[علي العجاجي]

عساف النجايب

هلا فيك وشكراً على هذا الاطراء وجود الصفوف يالذيب


العامري........ الله الله الله.........استلم يالذيب




الباخرة ماشية يالعامري وسط المحيطات=نوبٍ تصادف لها موجٍ عزير ونوب هادي
ولو سلم ربانها مره ترى قافيه مرات=مدري يجيه القدر بالحر والا بالبرادي



اخي العامري اعتذر منك لاني سوف اغيب لعدة ايام ثم سوف اعود باذن الله واكمل المحاوره

[العامري]

عساف النجايف
هلا والله وغلا
مداخلة لطيفة
ومرور كريم
بارك الله فيك

ــــــــــــــــــــــــــــــــــــــــــــــــــــــ
الله الله الله

ياسلام يا سلام


استلم يالعجاجي




الباخرة في بحرها قدمها الأمواج صلفات=والله يسلم من المكروه والفتنه بلادي

والباب صكه ترا الطلاب بأيام اختبارات=وأنا ورايه سفر يومين ودياري بعادي

[سعد العبود]

صح لسانكم يالجزلين

متابعينكم بشوق وننتظرنهاية أيام الغياب

ونتمنى العودة سريعاً لهذه المحاورة الشيقة

[الصييفي]

الإخوة:

علي العجاجي،

و

"العامري"

يعطيكم العافية و لا قصرتوا.

وداعة الله

[ابودحيم]

الله الله

يا سلام علــــيـــكم

ما قصرتوا

[ابومتعب]

الله الله

يا سلام علــــيـــكم

ما قصرتوا

ننتظركم على احر من الجمر

[علي العجاجي]

الغالي خشم الرعن

ابودحيم

سعد العبود

ابومتعب

هلا فيكم جميعاً واشكر لكم حسن متابعتكم

الشاعر الغالي العامري استلم يالذيب.


الله يسهل على اللي داخلين الامتحانات=كلٍ يبي يحصد اللي هو زرع وقت الحصادي
واتروح يالعامري وتعود النا بالسلامات=ياشاعرٍ وان حضر بالملعبة دايم سدادي



واشكر لك قبول هذه المحاورة والعذر والسموحة ولنا لقاء انشالله على خير

[ثهلان]

الاخوان علي العجاجي والعا مري بارك الله فيكم والله لايحرمنا من الشعار المتميزين أمثالكم .

[العامري]

سعد العبود:

صح بدنك يالجزل


خشم الرعن:

الله يعافيك وياهلا



أبو دحيم و ابو متعب:

حياكم الله



علي العجاجي:

أشكرك على طلبك لي وتشريفي بهذا الطلب واللعب معك

بارك الله فيك

وان شاء الله نلتقي في طواريق أخرى

لك خالص تحياتي


ثهلان:

حياك الله وبياك


أشكركم جميعا على مروركم وردرودكم ومداخلاتكم اللطيفة

ونحن بانتظار محاوراتكم

فهيا لنشعل الميدان