المساعد الشخصي الرقمي

مشاهدة النسخة كاملة : ابويوسف اقلط يا مال الغنيمة

علي العجاجي
11/02/2005, 11:22 PM
اخواني اعضاء المنتدى مساكم الله بالخير

ابويوسف بعد ان افتك الحيس من البيس :) :) اسمحلي ان اتشرف باللعب معك على هالطرق ان كان ماعندك مانع

سلامي على اهل المنتدى باول العام=سلامٍ كما السكر لذيذٍ شرابه
تفضل يابويوسف ترى الدرب قدام=بحضرة يابويوسف ربوع وقرابه
الصييفي
12/02/2005, 08:48 AM
الأخ علي العجاجي:

كل عام و أنت و البنيخي بخير،
و كل نقلة جديدة للمنتدى و أنت أكثر
نشاطا و حيوية.
آمين يا رب.

أبو يوسف، عجل علينا
لا تخليني بصفك واقف لحالي
من غير مهونة لابو ابراهيم.

ســـــــــــــرِّوهــــــــــا

و يا هلا
روح بن زمباع
12/02/2005, 11:28 AM
سلامي على اهل المنتدى باول العام
ســلامٍ كـمـا السـكـر لـذيـذٍ شـرابــه
تفضل يابويوسف ترى الـدرب قـدام
بحضـرة يابويوسـف ربـوع وقرابـه


الله الله
كل عام و الجميع بالف خير
انا معك يا ابوابراهيم و لا يهون ابويوسف
العامري
12/02/2005, 01:26 PM
كل عام وانتم بخير يالربع

الله الله

ترانا ماسكين الصفوف

لا تبردونا يبو يوسف عجل علينا

وصح لسانك ياعلي

سلامي على اهل المنتدى باول العام ... ســلامٍ كـمـا السـكـر لـذيـــذٍ شـرابــه

تفضل يابويوسف ترى الـدرب قـــدام ... بحضـرة يابويوسـف ربـوع وقرابـه


ياسلام يا سلام
سنايدي
13/02/2005, 12:24 AM
الله الله الله
صح لسانك يا خال


سلامي على اهل المنتدى باول العام
ســلامٍ كـمـا السـكـر لـذيـذٍ شـرابــه
تفضل يابويوسف ترى الـدرب قـدام
بحضـرة يابويوسـف ربـوع وقرابـه

انا مع علي العجاجي ولا يهون ابو يوسف
ابو يوسف حنا ننتظرك لا تبطي علينا
سعد العبود
13/02/2005, 02:49 PM
كل عام وانتم بخير يالربع

الحقيقة يا ابو ابراهيم أن الشرف لي باللعب معك وابشر بسعدك ...

خشم الرعن الله يبيض وجهك على قضبت الصف الله لا يخليني منك يا خال ...

روح بن زمباع مرور شرف بأي صف كنت ......

العامري هلا والله بالغالي مرورك يشرح الصدر يالغالي ........

سنايدي مرور شرف بأي صف كنت ......


استلم ياعلي :

هلا بالنيابه عن مشاكيل وحشام=من الخاطر اللي ما يقول الغرابة
تنادي و انا ل وحيت صوتك والأنغام=اجيلك وسوق الدار كلٍ شرابه
علي العجاجي
13/02/2005, 08:08 PM
الخال خشم الرعن
وجودك شرف بحد ذاته وحضورك له طابع خاص

روح بن زمباع
هلا وغلا فيك وجودك بصفي شرف وعساي اصير عند حسن الظن

العامري
يامرحبا وهلا شرف كبير حضور شاعر كبير مثلك

سنايدي
مرحبا وهلا جود الصف يبناخي ياعصابة راسي حضورك شرف


ابويوسف استلم



بصدري كلامٍ ياسعد مثل الالغام=دخيلك لو ابابديه ضاق الفضابه
ابا اسكت وابا اقهر كل حاسد ونمام=ولاينقل الهرجه ياكود الزلابه
العامري
13/02/2005, 11:07 PM
بصدري كلامٍ ياسعـد ممثـل الالغـام ... دخيلـك لـو ابابديـه ضـاق الفضـابـه


الله يستر

ياسلام عليك ياعلي


ابا اسكت وابا اقهر كل حاسد ونمام ... ولاينـقـل الهـرجـه يـاكـود الـزلابـه


كلام عاقل اختلط بحكمته

صح لسااااااااااانك ملاييييييييييييييييييييييييييييييييييييين
محمد السعيدي
14/02/2005, 12:13 AM
صح لسان الشعار اللي كل منهم يقول : الجزالة عندي


وا صلوا وابشروا بالصف اللي مايفتر.
سعد العبود
14/02/2005, 12:35 AM
العامري:
لمرورك جمال يعيد لي النشاط شكرا لمرورك الجميل .......

محمد السعيدي:
صح بدنك يالغالي وانت منبع الجزالة يا طويل العمر ........

ابوحسين استلم يا طويل العمر:

تشوف العيون علوم وابليس ما نام=ولا اضن من ياخذ علومه نجابه
الى صار يمي هرج حازم وعزام=لهم في ضميري حول مليون جابه
علي العجاجي
14/02/2005, 11:27 AM
العامري

الله يعطيك العافيه على متابعتك وعساني اكون عند حسن ظنك

خالي محمد

هلا فيك وجودك شرف يالجزل

ابويوسف كفو كفو واستلم



يحسبوني ضعيف وابا اذعن للاقزام=وانا اطلق شنب فيهم ياصاحب ماهابه
انا وان وردت العد ماصدر حيام=وغيري يصدر ضامياتٍ ركابه
سعد العبود
14/02/2005, 10:58 PM
استلم يا ابوإبراهيم :

أعرفك وأعرف اللي من الهند والشام=وقسمك مع العالم عرفنا حسابه
إلى صارت الدعوى حسابات و أقسام=أضنه يبين اللي جهل من صوابه
علي العجاجي
15/02/2005, 12:00 PM
ابويوسف استلم يالذيب



عسى الله يبيض ياسعد وجه الايام=تفرق لنا بين الجعر والذيابه
حذاري يغرك ياسعد زين هندام=ترى قلبه اسود لاتغرك ثيابه
سعد العبود
15/02/2005, 11:47 PM
الله الله

استلم يالجزل :

عسى الله يجازي بالعذاب أهل الأصنام=يقولون درب الحق ما ينمشابه
أقول الولد عقب الجهد صار صمصام=عقب جاه حبل العلم ثم التوا به
علي العجاجي
16/02/2005, 01:14 PM
لله الله الله يابو يوسف صح لسانك

واستلم



علمنا يرفرف لوينكسن الاعلام=يزين الزمن والا يبين الردابه
ابا اخذ نصيحه من اهل العرف الاعلام=يقولون نقل الماء على الماء حزابه
ابوعبدالعزيز
16/02/2005, 04:17 PM
الله الله ابوابراهيم وابويوسف رأس برأس...
معك ياأبوابراهيم ذا المره
والجايه مع ابويوسف :)

ابويوسف اثبت على لون واحد صناديقك أعمتنى :D
عساف النجايب
16/02/2005, 06:34 PM
الشاعرالكبير علي العجاجي والشاعر الكبير سعد العبود

لاهنتوا ياالنشاما على هالطاروق العذب

واصلوا بيض الله وجيهكم وحنا متابعين ياما الشحم
سعد العبود
19/02/2005, 05:22 PM
ابوعبدالعزيز:
هلا فيك مليون مرورك يسعدنا يكفي إنك موجود ولا لك لايم الى صرت بصف علي
اما الصناديق توك بيجيك واحدٍ يعجبك ....
عساف النجايب:
هلا والله ومرورك شرف للجميع لا خلا ولاعدم انت من الذين في مرورهم إثراء خاص للمتصفح .....

ابو ابراهيم الله الله صح لسانك يالجزل لكن استلم :
الى صار ما عنده مواثيق واحكام=تجيه الليالي ثم تكشف كتابه
ترا ما وصلك اليوم للناس مادام=احد فاز و أحدٍ ما تعدى نصابه
علي العجاجي
20/02/2005, 07:28 PM
الشاعر سعد العبود

اشكر لك قبول دعوتي والعذر والسموحه ونلتقي انشالله مره اخرى والشكر موصول لك من تابعنا
سعد العبود
27/02/2005, 12:20 AM
متأسف جدا اخي علي لأني لم ارد عليك

ولكن انشغلت

اشكرك على دعوتي

تحياتي