عميد المنتدى الفاضل.. تفضل

[عساف النجايب]

السلام عليكم ورحمة الله وبركاته

شاعرنا الأستاذ القدير خشم الرعن

اتمنى ان تجد الوقت للعب معي على هالطاروق .وتراى من المبتدين في شعر المحاوره وحبيت احتك في الشعار اللي شرواك ..ولك حرية الرأي في اللعب.

استلم :


سرى الليل ونبي نلعب على اللي يطرب الجمهور=وكلٍ لايحللها على اللي يطري اباله

سمي الضلع يقلط واعرف انه شاعرٍ مشهور=نبي ناخذ معه سجه وكلن يمشي ابفاله

[العامري]

الله الله الله


صح لسانك يا عساف النجايب


وفي انتظار العميد


سرى الليل ونبي نلعب على اللي يطرب الجمهور ... وكـلٍ لايـحللها علـى اللـي يطـري ابـالـه


سمي الضلع يقلط واعرف انه شاعـرٍ مشهـور ... نبي ناخـذ معـه سجـه وكلـن يمشـي ابفالـه


يا سلام يا سلام

عجل علينا يا خشم الرعن

[الصييفي]

الأخ "عساف النجايب"،
مرحبا بك و اللعب معك شرف
و وسع صدرك علي لا يغرك
اللقب اللي خلعوه علي الشباب
جزاهم الله خير:

إستلم لا هنتك:


سمعتك يا المنادي، مرحبا بك، و الرجال حضور= و على ما قيل، كل(ن) سلفته ترجع بمكياله
قبيلك يا رفيقي مثل غيره، ما عليه قصور= تفضل هات ما عندك، و كل(ن) ينقد رياله

و يا هلا

[الصييفي]

الأخ "العامري":
يا هلا بك معنا،
و مشكور على تواجدك
اللِّي له قيمته دائما.



و يا هلا

[سنايدي]

الله الله الله
قواك الله يا عساف النجايب
سرى الليل ونبي نلعب على اللي يطرب الجمهور ... وكـلٍ لايـحللها علـى اللـي يطـري ابـالـه


سمي الضلع يقلط واعرف انه شاعـرٍ مشهـور ... نبي ناخـذ معـه سجـه وكلـن يمشـي ابفالـه

خسم الرعن الله يعطيك العافيه ياعميدنا انا بصفك ولا يهون عساف النجايب


سمعتك يا المنادي، مرحبا بك، و الرجال حضور
و على ما قيل، كل(ن) سلفته ترجع بمكياله
قبيلك يا رفيقي مثل غيره، ما عليه قصور
تفضل هات ما عندك، و كل(ن) ينقد رياله

[عساف النجايب]

مرحبا والله بكل من حضر وشال الصفوف

الشاعرالعامري والشاعرسنايدي

صح بدانكم والله يقويكم

تواجدكم اعتز فيه ويشرفنا يمال السلامه الله لايهينكم

استاذي القدير الشاعر خشم الرعن اشكرك على تلبيه الدعوه والتواضع الله يعافيك.

استلم جعلك تسلم:



ترى الرامي غشيم ورمحه اللي يحمله مكسور=وعلى عده يصدر يارفاقه كل من جاله

رمى واخطاه يوم انه دخل مع فتحة بالسور=ولكني كتمت السر ما علمت عن حاله

[الصييفي]

مرحبا بك يا "سنايدي"
و وجودك بصفي مكسب كبير يا الغالي
و أبا اربط رجلي برجلك عن سبحان الله.
مشكور يا الطيب.

و يا هلا

[الصييفي]

الأخ "عساف النجايب":
مرحبا بك و هذي أبرك ساعة،

إستلم لا عدمتك:



غشامة، ما تجَمًّعْ مع شعر من بيرْ تِقْلِ بحور= و رمحك ما انكسر لا شك معصير الهوا شالِه
نصيحة تردم الفتحة، و تسلم من أذى و شرور= و كتم السرّ له حسنات، ما دام السّهَم هالِه

و يا هلا

[السيل]

الله الله الله

صح لسانكم يا الشعار




سرى الليل ونبي نلعب على اللي يطرب الجمهور
وكـلٍ لايـحللها علـى اللـي يطـري ابـالـه

انا في صف خالي الغالي خشم الرعن ولا يهون عساف النجايب

[عساف النجايب]

حياك الله يالسيل واشكرك على المرور ..وكنت اتمنى

احد ياقف بصفي لاكن اشوف مافيه تشجيع للمواهب؟؟

استاذي خشم الرعن حياك الله واستلم:



تقوله وانت تبخص من يعدي عالي العنقور=مناهيج السعد والعز الى ماسار تبراله

وانا محتار يالصاحب بترك الشور واخذ الشور=اداري بس طول الصبر يمكن تكبر الحاله

[ابودحيم]

يا ســــــلام

الله الله

واصلوا واصلوا

و الله يقويكم يا جماعه
و انا بصف عساف النجايب

<<< يشجع المواهب :cool:

و لا تهون يا عميدنــــا

قواكم الله

[علي العجاجي]

عساف النجايب خالي خشم الرعن

بيض الله وجيهكم على هالطرق الزين

انا بصفك ياعساف شد حيلك وازهل الصف

[الشاعر]

الليل الليل يالربع
لا هنتم يالشعار و عافاكم الله
لا تحرمنونا ترانا متابعين متابعين

الليل الليل

[الصييفي]

مرحبا بك يا "السيل" تحية المطر.
و مشكور على مسكة الصف يا الغالي.
لك كل تحية

و يا هلا

[الصييفي]

الغالي "أبودحيم":
مشكور على تشريفك و تواجدك،
و وجودك في الصف مكسب أينما كنت.

ويا هلا

[الصييفي]

هلا و الله و مرحبا يبو ابراهيم.
وصف عساف و صفي واحد،
المهم نشوفكم حولنا.

و يا هلا

[الصييفي]

الأخ "الشاعر":
هذي الساعة المباركة اللي جابتك،
و مشكور على المتابعة.

و يا هلا

[الصييفي]

الأخ الشاعر "عساف النجايب:
"إعقل و توكّل".

إستلم لا عدمتك:



مدام إسمك على مسمى، و عندك في المراس جذور= فلا خوف(ن) عليك من الشَّرَك، لو قويت حباله
عليك بركعتين الخيرة، اللِّي تخزي المدحور= و بادر لا تخاف وكل من رام السعد ناله

و يا هلا

[فارس تميم]

عليك بركعتين الخيرة، اللِّي تخزي المدحور
و بادر لا تخاف وكل من رام السعد ناله

الله اكبر،، قواكم الله يالشعار وشدوا حيلكم وانا قاضبن صف غالينا عساف بليا قصور بالخشم..

وواصلوا واصلوا الله لايهينكم ترنا معكم متابعين

[عساف النجايب]

الأخ ابو دحيم
لاخلا ولاعدم يالغالي ولاهنت على
مسكة الصف والتشجيع..اهم شي تواجدك

الأخ الشاعر علي العجاجي
لاهنت على مسكة الصف وصفنا واحد
مثل ماقال العميد ..اشكر لك مرورك اللي يزيد الثقه فيني.

الأخ الشاعر
اشكر لك حسن المتابع ومرورك يسعدنا يالغالي

اللأخ فارس تميم
الله يقويك ولاهنت على مسكه الصف
ومتابعتك نفتخرفيها

حياك الله يالعميد وتوكلنا على الله..استلم:


بعيدِ مرماها على الرامي ترى الدنيا تدور=وراع الطيب لو يذكر بعيد الكل يعناله

غديتِ مثل اللي توهفه ياصاحبي شنظور=قطع حبل الرشا واضحى وحيدٍ مفترش جاله

[الصييفي]

أبو عبد العزيز:
مرحبا بك و مرورك،
و الصفوف عامرة فيك و بكل الربع،
مشكور.

و يا هلا

[الصييفي]

"عساف النجايب":
مرحبابك، لكن مشيتك كنها إختلت.

إستلم لا هنت:


أشوف البندق اهتزت بصدر البيت يا ماجور= و لا هيب الخسارة في طلب من طابت خصاله
تصبر منت الاول، و الهوا من يطرقه ممرور= و تصرَّف لا يجيك الطيّ و الجدران منهالة

و يا هلا

[محمد السعيدي]

محاورة أكثر من رائعة , لقد جذبنا بحرها وأرغمنا على الوقوف على ساحله

صح لسان العميد وعساف , واصلوا وازهلوا الصفوف والجمهور.

[سنايدي]

الله الله الله الله
صح لسانك يا خشم الرعن
وصح لسان عساف النجايب
متاااابعين
واصوا واصلوا واصوا واصلوا واصوا واصلواواصوا واصلواواصوا واصلوا الكبير كبير والليل شعار واصوا واصلواواصوا واصلواواصوا واصلوا

[عساف النجايب]

الأخ الشاعر محمد السعيدي
حياك الله واسعدنا مرورك الطيب يالغالي..

الأخ الشاعر سنايدي
متابعتك ومرورك اعتز فيه يالغالي..

استاذي الفاضل ترفق علي واستلم لاهنت:


يلام الجاهل اللي ما يعرف العلم يادكتور=ولو وزنت بميزان الذهب صدّق لمن قاله

ابيها بيني وبينك ولاني كاشف المستور=وكلٍ عارفٍ عمه وكلٍ عارفٍ خاله

[سعد العبود]

الشاعرين
عساف والخشم

واصلوا متابعين

وانا بصف عسااف ولا للخشم مهونه لكن اليوم انا ضده ;)

ابيها بيني وبينك ولاني كاشف المستـور
وكلٍ عارفٍ عمه وكلٍ عـارفٍ خالـه

[الصييفي]

الإخوة الكرام:

محمد السعيدي،

و

"سنايدي"،

شكرا لكما على المتابعة
و عمار الصفوف.

و يا هلا.

[الصييفي]

الأخ "عساف النجايب":
اكيد ميزاني مهوب ماركة ميزانك،
لا تواخذني:

إستلم لا هنت:


بعيد الجَهْل، لكن كل ما شلته يجي مكسور= و هو بيتك، وكل(ن) ابخص ببيتهْ و موَّالِه
توكلنا على الله، ما نبي سبحونة "المَهْطور"= فقدنا من سببها شاعر(ن) للمنتدى والِه

و يا هلا

[الصييفي]

هلا و الله ببو يوسف،
المعذرة
أكيد مشاركتك نزلت و أنا أكتب الرد.
حضورك مكسب، و الصفوف تشوف بعضها.

أكيد التاريخ يعيد نفسه يبو يوسف!
و الله المستعان.

وداعة الله

[عساف النجايب]

الشاعر سعد العبود
لاهنت على المرور وتشرفنا الله يشرف مقدارك..

((استاذي القدير الشاعر خشم الرعن))

صح السانك وبيض الله وجهك

تشرفت بالعب معاك واستفدت منك الكثير

لاهنت يابو وليد واتمنى ان نلتقي في محاورات قادمه

بأذن الله

والسلام

[الصييفي]

أخي "عساف النجايب":
اشكرك على طلبي للتحاور معك،
و اللعب مع واحد مثلك مكسب.
و العذر و السموحة كان جا مني
زلات غير متعمدة.

لك و لكل من شاركنا كل تحية و تقدير.


و يا هلا