العامري لك منادي لاهنت ....

[سعد العبود]

بسم الله الرحمن الرحيم

الشاعر العزيز العامري لك مني فائق التقدير واتمنى أن تجد الوقت لمشاركتي هذه المحاورة
ونحن الآن في الارتداد إلى الأعلى ونتمنى أن نرتد دائما له ...

استلم يالذيب :

اشتاق للقاف لاجا من سلاطين=ناسِ يعرفون ميزان القوافي
سلام ردة وفا مضمونها زين=للعامري خص للرجل السنافي

[الصييفي]

أبو يوسف:
عز الله ما قصرت،
و نأمل أن يستمر هذا الحضور
من الجميع.

وينك يا "العامري"،
تراي تبت من الفزعات!.

و يا هلا

[العامري]

الشاعر القدير : سعد العبود


لي الشرف في قبول الدعوة واللعب معك

استلم طال عمرك:




تشتاق واشتاق لكن وينهم وين=ياقل منهو يجيب البيت وافي

يامرحبا ياهلا وأهلين واهلين=بالشاعر اللي مثل صقر النصافي

[العامري]

خشم الرعن

أبشرك وصلت

وهالحين أنا قدام الشاشة مانيب "أدور للربيع"

والله يعافيك على مرورك وسؤالك

[محمد السعيدي]

صح لسان الشعار , بداية تجبرك على متابعتها

استمروا في الإرتداد إلى الأعلى ونحن معكم

[سعد العبود]

العميد الغالي :
لاهنت يا طويل العمر وانت راعي الأوله دائماً يا ابو وليد ومنكم نستفيد ونتمنى ان نسير على خطاكم ........

محمد السعيدي :
يا مرحبا يا طويل العمر وانت نور المحاورة يالغالي والارتداد بروح الجميع سنصل به للهدف ............

الشاعر الغالي الجزل العامري اشكرك جزيلاً على قبول هذه المحاورة :

ارفع يدك واطلب الله يقضي الدين=الفقر شيطان بين الناس طافي
من قبل مده كتبت الجيم والسين=وعيا وهو غصب بأم العين شافي

[سنايدي]

صح لسانك يابو يوسف

ارفع يدك واطلب الله يقضي الدين
الفقر شيطان بين النـاس طافـي
من قبل مده كتبت الجيم والسيـن
وعيا وهو غصب بأم العين شافي
الله الله
وصح لسانك يالعامري





تشتاق واشتاق لكن وينهم وين .......... ياقل منهو يجيب البيـت وافـي

يامرحبا ياهلا وأهلين واهليـن .......... بالشاعر اللي مثل صقر النصافي


واصلوا واصلو واصلو الكبير كبير والليل شعار

[علي العجاجي]

الشاعرسعد العبود
الشاعر العامري

بيض الله وجيهكم على هالمحاوره وشدوا الحيل

العامري شد حيلك وازهل الصف

الله الله الله



تشتاق واشتاق لكن وينهم وين =ياقل منهو يجيب البيـت وافـي

[العامري]

محمد السعيدي:

صح بدنك

وياهلا والله وغلا

شرفت الرد بمرورك

.
.
.
.

سنايدي:

صح بدنك

وياهلا

نورت الرد بردك

.
.
.

علي العجاجي:

بيض الله وجهك

والله يعافيك على قضبة الصف

ويا هلا

.
.
.
اســـــــتـــــــــلـــــــــم يــــــا بـــن عــــبــــود





العامري مستريح من الدياين=ما همه اللي قدم رجليه حافي

بالأمس ناسٍ تزيد النار بنزين=لكن طفت قبل تطفيها المطافي





ـ

[عساف النجايب]

الشاعر سعد العبود
و
الشاعر العامري

واصلوا الأبداع وحنا متابعين وماسكين الصفوف

لاهنتوا على هالأبيات الجزله..

[سعد العبود]

سنايدي :
هلا وغلا يا مرحبا مليون بالنشمي لا خلا ولاعدم مرورك نعتز به يالغالي...
علي :
هلا والله يكفي مرورك علينا وبصف من تكون .........
عساف النجايب :
لاهنت على المرور العذب كعذوبة صاحبه قضبتك للصفين يسعدني....
.
.
.
.

استلم يابن عامر ;) :

ما قصدي الا هروجٍ تخزي العين=هو شعب لبنان وش فيه متنافي
قصة عجيبه حكوها بالدواوين=واغضوا عن النص راحوا للخلافي

[العامري]

عساف النجايب :

هلا اخوي حياك الله

مشكور على المداخلة ومسكت الصف

.
.
.
.

اســـــــتـــــــــلـــــــم يــــــــــــا ســـــــعـــــــــــــــد:




لا تحسبنا عن الطاروق غادين=أقز دربي ولو ما الجو صافي

يابن عبود أشهد ان الشعب مسكين=انشق ثوبه ولا للشق رافي






ـ

[سعد العبود]

الله الله ...

استلم يالجزل :

عارفك من قوم ما تخطي النياشين=ترمي السمينه ولا ترم الضعافي
وناسٍ تظن إنها وسط الميادين=فرسان لكن تروعها السوافي

[العامري]

الله الله الله الله الله الله

يا سلااااااااااااااام يا سلااااااااااااام

صح لسانك واستلم :







النير يا بن عبود يشابه التين=والحزم من بـيـنـهـنـّه ما يشافي


واللي لعب يا سعد مرة برمحين=مايشفع انه يجي النصر احترافي














ـ

[سعد العبود]

نعم نعم نعم

استلم يالذيب:

وش عاد اسوي الى صاروا مساكين=بعض المرض ما تداويه المشافي
الفرق واضح مابين الكود واللين=والحمد لله عوافي في عوافي

[العامري]

الله الله

استلم يا سعد :



ان ما لقيت الحلول يسار ويمين=كوّن مع العامري حزب ائتلافي

مهمته طردت أشباه البزارين=حتى النوادي تجي منهم نظافي



ـ

[ابودحيم]

^ ^ ^ ^ ^ ^ ^ ^ ^ ^
:D :D :D :D :D

صح لسانك يالعامري انت و ابويوسف
و اضحك الله سنك ;)

الله يقويكم يالربع
و انا بصف ابن عبود و لاتهون يالعامري
واصلـــوا ...واصـــلــوا

[سعد العبود]

ابودحيم:
بيض الله وجهك على قضبة الصف مهيب عادة ;)
مشكور على المرور.............

الله اكبر استلم يالعامري :

الناس في عيني افراد متساوين=ميزانهم ما يدون بالصحافي
انا مع العامري فالزين والشين=وبعض الخطا ما ترفيه الروافي

[العامري]

أبو دحيم :

هلا وغلا

ضحكة دايمه ان شاء الله

شرفتنا

واهم شيء انك ماسك أحد الصفوف


.
.
.
.

اســــــــتـــــــــــــلـــــــــــــــــــم يـــــــــــــا ســـــــــــعــــــــــــــد:



عندك خلل يارفيقي في الموازين=الناس واجد وفي الناس اختلافي

دامك معي فاحتزم نبدا يالأثنين=ما عاد عقب السمان الا العجافي



ـ

[سعد العبود]

الله أكبر
الله الله
.
.
.
.
.
.
.
.
.

استلم يالعامـــــــري :

اناظر إلين يبدي الي براهين=ما اتعب الحال مع قشر الشلافي
أنا معك بس لا تخطي القوانين=ملزوم تصديق فعلي باعترافي

[العامري]

الله الله

استلم يا سعد:

هذا العقل ياسعد زبن المخلين=ولافيه بترول في بيب المصافي

استأذنك يا سعد دامك على الدين=وتميز الواقعي بين الخرافي


اشكرك على دعوتك لي أيها المبدع

ولنا لقاء آخر بإذن الله

[سعد العبود]

اشكرك على قبول المحاورة معي

ومشاركتي هذا الطاروق

إنشاء الله اللقاء قريب
تحياتي