حياك الله يا السهلي

[محمد السعيدي]

بسم الله الرحمن الرحيم :

الشاعر خالد السهلي " ابوغنام" يشرفني مشاركتك لي في هذه المحاورة واستلم لاهنت:




البروق اللي تكاشف في سحابه= ابشروا بالخير يوم الله ومرها
يوم ابوغنام شرّف ياهلابه= مزنةٍ براقها يسبق مطرها

[خالد السهلي]

ارررررررررررررحب يابوسفر الشرف لي طال عمرك وتامر امر


الذيابة تفرح بشوف الذيابة=ماعليكم زود وانتم فوق وارهى
المهلي مايولي والبقابه=رفعةٍ تتعب عيون اللي نظرها

[محمد السعيدي]

ياهلا بك واستلم :



يوم لبّيت المنادي بالإجابة = عطني علومٍ تنومسني باثرها
والله اني خطرٍ اجر الربابة= منتشي في ليلة صافٍ قمرها

[العامري]

الله الله

يا سلاااااااااااااااااام

واصلوا واصلوا

متابعينكم

وانا في صف العضو الجديد خالد ولا تهون يبو سفر

وعقب هالبداية لسان حالي يقول مثل السعيدي :

والله اني خطرٍ اجر الربابة=منتشي في ليلة صافٍ قمرها


صح لسانك

[سنايدي]

الله اللله الله

صح لسانك يا ابو سفر جزل ما تجيب الا الجزل






البروق اللي تكاشف في سحابه
ابشروا بالخير يوم الله ومرها
يوم ابوغنام شـرّف ياهلابـه
مزنةٍ براقها يسبـق مطرهـا



خالد السهلي شرفتنا في الميدان وصح لسانك يالجزل







الذيابة تفرح بشـوف الذيابـة
ماعليكم زود وانتم فوق وارهى
المهلـي مايولـي والبقـابـه
رفعةٍ تتعب عيون اللي نظرها



واصلوا واصلوا واصلوا واصلوا واصلوا واصلوا

[خالد السهلي]

اخوي العامري وسنايدي

بيض الله وجيهكم وشرفتونا

الله الله يبوسفر استلم لاهنت


الظفر طبع الظفيري واكتنى به=والمعاني قد حكرها واحتكرها
يا محمد خابر انك ليث غابة=مير خل الظامية تارد نهرها

[الصييفي]

الإخوة:
محمد السعيدي
و
خالد السهلي،

بيض الله و جيهكم على هذا
الرد الكايف،
وأنا معك يبو سفر و لا يهون خالد.

واصلوا عافاكم الله.

و يا هلا

[علي العجاجي]

الشاعر الخال محمد السعيدي
الشاعرخالد السهلي
بيض الله وجيهكم على هالطارق الحلو واصلوا والصفوف ازهلوها

[محمد السعيدي]

العامري : حياك الله يا العامري , بصفي والا بصف رفيقي , الصف واحد , وحضورك يكفي

سنايدي : حياك الله ويامرحبا بك نوّرت يالغالي

خشم الرعن : ياهلا ومسهلا , اشوف الصف منتعش بوجودك ياعميدنا

علي العجاجي : وجودك أحلى يابو ابراهيم , شرفتنا يا الخال.


استلم يابو غنام وجعلك على القوة :



ماعليكم زود وأنتم خير لابة= السهول بصيتها ذايع خبرها
واعرف الظميان موجودٍ شرابة= بس يقلط والمسافة يختصرها

[خالد السهلي]

اررحبوا حياالله الجميع

استلم يبوسفر لاهنت


شفت تالي الوقت في العالم غرابة=جعل مااعمى قلوبها يعمي بصرها
الدعاية لوتروج للعصابة=اول الكفار فيها من نشرها

[سنايدي]

الله الله الله
صح لسانكم يالشعار


شفت تالي الوقت في العالم غرابة
جعل مااعمى قلوبها يعمي بصرها
الدعايـة لوتـروج للعصـابـة
اول الكفـار فيهـا مـن نشرهـا
واصواواصواواصواواصواالكبير كبير والليل شعار





ماعليكم زود وأنتم خيـر لابـة&&&&السهول بصيتها ذايـع خبرهـا
واعرف الظميان موجودٍ شرابة&&&&&بس يقلط والمسافة يختصرهـا

واصواواصواواصواواصواالكبير كبير والليل شعار

[محمد السعيدي]

ياهلا بسنايدي , اشكر لك هذه المتابعة لاعدمتك


سم يابو غنام :



من يدقّق بالنظر يكثر عذابه = الهموم كثار لاتتبع جررها
بس لاتنسى دعاة مستجابة= في هجوع الليل يكويهم شررها

[سعد العبود]

الله الله الله الله ................
بيض الله وجيهكم

يا شعار الجزالة والابداع

صح لسان شعارنا

وطبعاً أنا بصف خالد من غير مهونة لمحمد السعيدي

واصلواااااااا وحنا متابعين

[خالد السهلي]

الله الله ياسلام يبوسفر
واخواننا المتابعين لاهانو بيض الله وجيههم شرفونا

قالو الثوب الحريري واسفابه=احرقته اللي ومرها من ومرها
من صرام العام مافي الثوب ثابة=العرب مدري متى تعرف ديرها
واخواننا المتابعين لاهانو بيض الله وجيههم شرفونا

[محمد السعيدي]

سعد العبود : ياهلا ومرحبا شرّفتنا يابويوسف , والمحاورة مادمت فيها تراها بخير

ولو ماكنت بصفي.


بيض الله وجهك يابو غنام , واستقبل فديتك :


العرب لاترتجي منهم هبابه = لكن انشدهم بالاسهم وش خبرها
أصنق السيف الحديدي في نصابه= مل عينٍ مايفارقها سهرها

[خالد السهلي]

الله الله
ياسلام ياسلام

استلم لاهنت


كل مخلوق يبي يلقى حسابه=مير طول خطوته والا قصرها
المطر يضرب ولاسيل شعابه=والنخيل العوج مع غيرك ثمرها

[محمد السعيدي]

استلم يا الحر :



خيلنا تسمع صدى طبول الحرابة= بس مدري من بسكينه عقرها
والذلول استاقها رجلٍ زلابة= ياعسى ربي يعدّينا خطرها