عساف النجايب وينك يا طويل العمر.......

[سعد العبود]

بسم الله الرحمن الرحيم

الأخ الشاعر عساف النجايب اتمنى ان تجد الفرصة لمشاركتي هذا الطاروق

استلم يالغالي :

من ثلاث ايام والدعوى عجايب=كل ما مريت ما بين ظهوره
يا جماعة وين عساف النجايب=من غلاته كلنا نرقب مروره

[علي العجاجي]

الشاعر سعد العبود
لاهنت على الطاروق الزين حنا ننتظر عساف

عساف النجايب الليل عجل تراني بصفك ولايهون ابو يوسف لاتخليني عجل علي

[الصييفي]

الأخ سعد العبود،
تسلم على بث روح الحماس من جديد،

عجل يا "عساف" على أبو يوسف
حتى لا يشيب القاف قبل يبدا.

و يا هلا

[سعد العبود]

وين عساف النجايب
وينك يالغالي

علي والخشم
يمال العافية والله مروركم يوسع الصدر

وان طول عساف ابحولها على واحدٍ منكم |535|

بس انشاء الله بيجي عساف

[محمد السعيدي]

ابو يوسف : عافاك الله على هالأبيات الراهية والطاروق الكايف

وانا بصفك ولايهون عساف النجايب.

[سنايدي]

الله الله الله


من ثلاث ايام والدعوى عجايب
..............كل ما مريت ما بين ظهـوره
يا جماعة وين عساف النجايب
............من غلاته كلنا نرقب مـروره
صح لسانك يابويوسف
انا بصفك ولا يهون عساف النجايب

عجل علينا يا"عساف النجايب" ترانا ننتظرك

[عساف النجايب]

السلام عليكم ورحمة الله وبركاته

علي العجاجي

حياك الله ولاهنت على مسكت الصف

خشم الرعن

ابشر بسعدك يالغالي ولاهنت

محمد السعيدي

حياك الله وابرك الساعات حضورك

سنايدي

الساعه المباركه حضورك


الشاعر سعد العبود

لاهنت على هالطاروق والله اني ما شفته الا الآن يالغالي ..والعذر والسموحه.

واستلم يابعدي:


المغني هاض كيفه من سبايب=واحدٍ فالملعبه يطرب حضوره

حاضر موجود والشيطان غايب=يدخل الميدان من يعرف بحوره

[سعد العبود]

محمد السعيدي وسنايدي
يمال العافية والله وبيض الله وجيهكم على قضبة الصف

عساف اشكرك على قبول المحاورة وما ابطى من جاء
استلم يالغالي :

انت يا عساف ما شفت الركايب=والركايب في الميادين مخبوره
يذكرونك شيخ في وقت المصايب=قلت ابرسل لك مع التقرير صورة

[أبو حسام]

الله.. الله .. الله

ماقصرتوا ياشعارنا واصلوا تراني متااااااااااااابع وبشغف

وتراني بصف سعد العبود ولا تهون ياعساف النجايب..

[العامري]

الله الله

واااااااااااااااااااااصلوااااااااااااااااااااااااااا

متابعينكم سرووووووووووووووووووها


انت يا عساف ما شفت الركايـب ... والركايب في المياديـن مخبـوره
يذكرونك شيخ في وقت المصايب ... قلت ابرسل لك مع التقرير صورة

[ابودحيم]

الله الله

الشاعر سعد العبود
و الشاعر عساف النجايب

واصلوا واصلو

و انا هالمرة بصف ابويوسف
و لا تهون ياللي تعسف النجايب ;)

قواكم الله

[عساف النجايب]

ابو حسام

حياك الله ومرحبابك يالذيب

الشاعر العامري

ابرك الساعات اللي جابتك يالغالي ويشرفنا وجودك..

الشاعر سعد العبود حياك الله

واستلم لاهنت :


ما تشوف العين من خلف العصايب=والزمان الله يكافينا شروره

ارسل التقرير ياولد الحبايب=من جهل بالعلم يطلب له مشوره

[عساف النجايب]

حياك الله يابو دحيم وابرك الساعات اللي شفناك

الصف واحد يابودحيم وين مارحت....

[*سعود*]

ماشاء الله عليكم

بارك الله فيكم

مشعللين المحاوره

وما قصرتو الله يعينكمه

[سعد العبود]

أبو حسام والعامري وابودحيم و*سعود*:
مشكورين على المتابعة وقضبة الصفوف جعلنا مانخلا منكم
عساف استلم يالجزل:

من قبل عامين هبن الهبايب=وطيرن حوران مع باقي طيوره
وش بلا فكرك تغير صرت شايب=وشاب بيتك قبل ياخذ نص دوره

[hotmail]

الله الله الله الله الله

بيض الله وجيهكم يا رياجيل
شعللو الملعبة يا شعار شعللووووووووووووووووها

[عساف النجايب]

الأخ سعود
حياك الله والله يبارك فيك.

هوتميل
وجهك ابيض يالغالي ومرحبابك..

الشاعر سعد العبود استلم لاهنت:


ويش سر متيح في كثر الطلايب=خيب الله ظن من فاحت قدوره

كان للقوات قايد للكتايب=الثقيله ما احتملها من قصوره

[سعد العبود]

hotmail
معاد ورى هالشعلله |531| حياك الله يالغالي

عساف استلم يالغالي:

مانبي كثر البلاوي والنشايب=واكثر العالم دعى لقيام ثورة
أعرف القناص مايخطي الضرايب=ولو هفا حول الهدف دوم محصورة

[عساف النجايب]

الشاعر سعد العبود

استلم يالجزل:


ياضح المعنى بعد نزع الشوايب=بس (ثوره) ما تجي؟؟ لوهي ضروره

كمِ فارس قد عثر ماهوب هايب=من يلوم ايلام لو طّير صقوره

[الصييفي]

عافاكم الله يا شاعرينا:
"عساف النجايب" و أبو يوسف.
"عساف": يخوي كلمة
"متيح"
ولعت لمبه صغيّرة
في ذاكرتي المشوشة!

على كل حال، تابعوا
لا عدمناكم و حنا متابعين.

و يا هلا

[سعد العبود]

العميد :
هلا والله فيك يالنشمي مرورك يسعدنا
حتى انا اسم متيح ولع عندي لمبه

النشمي عساف استلم :
لو اجيب العلم وارز النصايب=كان كل الخلق تبحث فالجحورة
لكن أشرح كيف تعريف الغوايب=بعضها غايب وبعض يبن نوره

[عساف النجايب]

الاستاذ الفاضل الشاعر خشم الرعن

حياك الله وجعلك تسلم على حسن المتابعه.

واتمنى ان كلمه (متيح) ولعت في ذاكرتك انت والشاعر سعد العبود ذكرى خير انشاءالله..

استلم ياسعد العبود لاهنت:




لاتعمج السالفه والسمن ذايب=كل مفطر ماظمن يبلع سحوره

صعب شرحه واللبن ماهوب رايب=دام فرخ البوم يقرن مع نسوره

[سعد العبود]

استلم يا عساف النجايب ولاتهون :

يظهر الطيب بحزات النوايب=والرخا كلن يبني في قصوره
راعي الغلطه ورى ماهوب تايب=عقبها ياناس زود في فجوره