المساعد الشخصي الرقمي

مشاهدة النسخة كاملة : البطران تفضل لاعدمتك

علي العجاجي
02/03/2005, 01:07 PM
الاخ الشاعر البطران

السلام عليكم ورحمة الله وبركاته.

لك مده غايب عنا مالك مشاركات بس نلقى جرتك وايق علينا ورايح.

والظاهر خاطرك علي مهوب زين لكن ابشر باللي يطيب خاطرك والعذر والسموحه ان كان جاك مني مايكدر خاطرك.

يشرفني قبول دعوتي للعب معك اذا ماعندك مانع والدعوى وانا اخوك لعب وسعة صدر



على البطران ابا اسلم واغني البيت وارده=واذا زعلان يبشر بالرضا لويطلب الغالي
واذا في خاطرك شيٍ علي اليوم قم بده=ولاتترك مجالٍ ياولد للقيل والقالي
سنايدي
02/03/2005, 01:45 PM
الله الله الله الله
صح لسانك يا بو حسين
ارجو ان البطران يسمع لنداك هالمره ويرجع للمنتدا
انا بصف البطران ولا يهون راعي الوسيمه
سعد
02/03/2005, 01:59 PM
أبو إبراهيم

صح لسااانك ولاهنت يالذيب

أسمح لي ابمسك الصف معك ... ولا يهون البطران وصفه

بس أنت خابرك حبيب وما تزعل أن لخبطت صفك شوي :D تراني طويل وسبهه أحوس الدعوى
سعد العبود
02/03/2005, 02:45 PM
الله الله الله.........
صح لسانك ياعلي

وانا مما لاشك فيه قاضبن صفك وبحماس منقطع النظيررر

ونحن بانتظار البطران بشوق
شبيه الريح
02/03/2005, 02:52 PM
على البطران ابا اسلم واغني البيت وارده
واذا زعلان يبشر بالرضا لويطلب الغالي
واذا في خاطرك شيٍ علي اليوم قم بده
ولاتترك مجالٍ ياولد للقيل والقالي






صح لسانك ابو ابراهيم وانا بصفك


ولايهون البطران وحنا بانتضاره
ابوشعيل
02/03/2005, 03:08 PM
الله الله سرووووووووووووووووووها وانا بصف البطران ولاهوب قصور باخوي علي
ابودحيم
02/03/2005, 03:10 PM
الله الله
قواك الله يا ابوابراهيم

البطران
اشتقنا لأيامك يا ابوسعود :)
و اسمحلي يا علي انا بصف البطران
و لا تهون يا ابو ابراهيم

قواكم الله
محمد السعيدي
03/03/2005, 04:35 AM
صح لسانك ياخالي عادتك ماتبدع إلا الجزل , وانا بصفك

من غير قصور بالبطران


متى يجي ؟!
أبو حسام
03/03/2005, 12:34 PM
بيض الله وجهك يالعجاجي
طارووووووق يقعد الراس وتطرب له الناس...

وينك يالبطراااااان عجل لاتخلينا
الصييفي
03/03/2005, 05:39 PM
الأخ علي العجاجي:
يعطيك العافية على علومك الزينة

وينك يبو سعود بناخيك ينتظرك
و أنا و سنايدي و ابو دحيم بصفك و لا يهون علي،
عجل علينا

و يا هلا
علي العجاجي
04/03/2005, 11:44 PM
الشاعر سنايدي
شكراً لمرورك باي صف كنت
ابومحمد(سعد)
هلا فيك ومرحبا والصف صفك طامر على كيفك وحس براحتك جيتك شرف
ابويوسف
هلا فيك ياطويل العمر وهد الحماس الظاهر البطران مهوب يمنا
شبيه الريح
هلا فيك ومرورك شرف وجود الصف
ابوشعيل
هلا بالريس يامرحبا فيك باي صف وجودك بحد ذاته شرف
ابودحيم
يامرحبا فيك ياطويل العمر باي صف
خالي محمد السعيدي
هلا والله ياخالي ومسكة الصف شرف لي
ابوحسام
مرحبا فيك ياطويل العمرومرورك يشرفنا
خالي العميد
هلا وغلا باي صف حضورك له طابع خاص يزيد اللعب حلاوة
$البطـ777ـران$
15/03/2005, 12:42 AM
ابوابراهيم هلا والله فيك لي الشرف طال عمرك واسمح لي والله مادريت الا يوم قالي صاحبك اللي قابلته عنها

سنايدي
سعد
ابويوسف
شبيه الريح
ابوشعيل
محمد السعيدي
ابوحسام
العميد
الله لايهينكم على المتابعة وبيض الله وجيهكم وماقصرتوا
$البطـ777ـران$
15/03/2005, 02:20 AM
ابوابراهيم استلم لاهنت :


هلا بك يالمغني من سمعكم حيل ياوجده = نسجت القاف ب لحون (ن) الا ياطيب الفالي
عليّا الزاد يحرم كان جالك ياعلي صده = ولو جاكم عتب لاتحسبنّ القلب به شالي
فارس تميم
15/03/2005, 01:44 PM
هلا بك يالمغني من سمعكم حيـل ياوجـد،،،نسجت القاف ب لحون الا ياطيب الفالي
عليّا الزاد يحرم كان جالك ياعلي صـده،،،لو جاكم عتب لاتحسبنّ القلب بـه شالـي

الله الله

صح لسانك يالبطران، وانا ماسكن صفك طال عمرك ولايهون ابو ابراهيم بس شدوا حيلكم

ترانا داخلين جو معكم ،،،، ويالله يابو ابراهيم عجل علينا......
مقرشع
15/03/2005, 06:23 PM
الله الله صح لسانك ياالبطران
وأنا بصفك ولايهون
الشاعر علي
ونحن بانتظار الرد من ابوابراهيم
سنايدي
15/03/2005, 06:39 PM
الله الله الله
صح لسانك يابو سعود




هلا بك يالمغني من سمعكم حيـل ياوجـده..........نسجت القاف ب لحون (ن) الا ياطيب الفالي
عليّا الزاد يحرم كان جالك ياعلـي صـده..........ولو جاكم عتب لاتحسبنّ القلب بـه شالـي

الله لنا يابو سعود تلعب مع ناس وناس :D
الصراحه وجود شاعر مثلك مكسب لنا ويامرحبا بك
تحياتي
سنايدي
علي العجاجي
18/03/2005, 02:51 PM
فارس تميم

هلا فيك يالغالي وحظورك شرف باي صف
المقرشع
هلا ومرحبا بالغالي باي صف كنت وصفنا واحد

سنايدي

اهلللللللللللللللين وشكراً للمتابعة

البطران

اررررررررررررررررررررررررررررررحب مليون وهذي الساعة المباركة اللي جابتك

واعتذر عن التاخير

استلم يالذيب


يقولون العتب محمود بين الربع والبده=ولابه باس لوعاتبت اخوك اليوم ياغالي
تفضل ياعميل الخير دوك الدرب قم قده=وكلٍ وسط سوقه يشتري بجنيه وريالي
$البطـ777ـران$
21/03/2005, 09:53 AM
هلا والله بابوابراهيم ماابطى بالسيل الا جوده معذور يالبناخي اعذرني انت :)

واستلم لاهنت :


مدامن الغلا يسري وكلن صادق ابعهده = عميلك بالقفا ماقد هرج في كل الاحوالي
مصيبه ياعلي لا جاء خصيمه والحكم ضده = حكمنا قام يرفع له وصار الشوت عسّالي
$البطـ777ـران$
21/03/2005, 10:01 AM
فارس تميم هلا والله بمشرفنا الغالي وجودك شرف الله يعز مقدارك

المقرشع الله لايهينك على المتابعة وقضبة الصف لاعدمتك

سنايدي ابشر بسعدك في اي وقت ويتشرف اخوك جعلي ماافقد زول خالك هههههههههههه
أبو حسام
21/03/2005, 11:14 AM
مصيبه ياعلي لا جاء خصيمه والحكم ضده=حكمنا قام يرفع له وصار الشوت عسّالـي


بيض الله وجهك يالبطران وأثرك بطران على أسمك

عجل ياعلي لاتبرد المحاورة
علي العجاجي
21/03/2005, 01:58 PM
الشاعر حسام

اشكر لك مرورك ومتابعتك

ابوسعود استلم يالذيب


يقال ان الحكم مايرضي الاثنين ياعمده=وراع الحكم يبذل جهدته والله الوالي
وبابٍ جاك معه الريح يارجال قم سده=واذا سديت باب الريح غن بكل موالي
$البطـ777ـران$
21/03/2005, 06:51 PM
ابوحسام ارحب ثم ارحب تشرفنا بمتابعتك جعلك تسلم

ابوابراهيم استلم لاهنت :


الا ياشيب راسي يوم شفنا احكام بوزنده = تحيّز والعواطف صعب يابن العم ّ تنزالي
يقولون العرب حاذر صحيبك لو ظهر ودّه = وانا حذرن من الطعنات ما قد شتت بالي
علي العجاجي
22/03/2005, 11:30 PM
البطران استلم لاعدمتك


اثاري صاحبي له عام يونس حر في كبده=ولويشرب قراح الماء يزيد بكبده القالي
شعيل اليا حظر تنحاش بعض الناس من هبده=وانا خابر شعيل ان ارتكى للحمل شيالي
ابوعبدالعزيز
24/03/2005, 12:30 PM
اثاري صاحبي له عـام يونـس حـر فـي كبـده
ولويشـرب قـراح المـاء يـزيـد بكـبـده القـالـي
شعيل اليا حظر تنحاش بعض الناس من هبده
وانـا خابـر شعيـل ان ارتكـى للحـمـل شيـالـي


الله الله ياابوابراهيم صح لسانك ولايهون البطران
معك ياابوابراهيم بصفك :)
$البطـ777ـران$
24/03/2005, 01:13 PM
ابوعبدالعزيز ارحب ثم ارحب اذا قضبت صف ابوابراهيم كنك قاضبن صف اخوك

استلم يالعجاجي لاهنت :


اظنك مثل خزوتكم عمى والشوف مالدّه = تمعن ردي المكتوب خابور (ن) وزرفالي
ترزّه ياعلي بس الكديش امصعر(ن) خده = نبا نسني وتبعه ياله اغروب(ن) ومحالي
علي العجاجي
27/03/2005, 08:02 AM
ابو عبدالعزيز
هلا فيك مرورك شرف

البطران استلم لاهنت


تمعنت بكلامك ياولد ماشفت به زبده=وانا عندي ترى مفتاح يفتح كل الاقفالي
علامك يوم طريته يجيك اخراش مع رعده=شعيل معربن جده ومن ماضين الافعالي
$البطـ777ـران$
29/03/2005, 10:42 AM
ابوابراهيم يعطيك العافية تشرفت بمحاورتك جعلي مااعدم زولك والى لقاء اخر باذن الله

استلم لاهنت :


غشيمن !! كيف نغزي بك فوقت الضيق والشده = تبربر وانت مفتاحك طلع مقصوص ياخالي
شعيلك يكرم السامع عليك الله وش عنده = قمينك لانطحته ماتزيد الجرح به تالي
علي العجاجي
30/03/2005, 09:23 AM
ابوسعود

تسلم على قبول هذه الدعوه والعذر والسموحه ان جاك مايكدر خاطرك وترى الدعوى امزوح وسعة صدر ماتعدى مكانها

تحياتي لك والى اللقاء مره اخرى
مقرشع
02/04/2005, 12:06 AM
محاوره رااااائعه

بس الله يهديك يابوابراهيم ليتك ماجبت طاري (شعيل) عشان البطران يكمل المحاوره |3|

صحت السنتكم يالشعار.
$البطـ777ـران$
02/04/2005, 10:04 AM
افا عليك يابوابراهيم انت اللي ليّاك تزعل من ابناخيك وترى الدعوة مثل ماقلت امزوح وسعة صدر

وبعدين ياخوك على كثر جيّاتك للخبر ماندري عنها !!!!! ياخوي اتصل جعلي ماابكيك

مقرشع : صح بدنك يالغالي والزيادة مثل النقص ياخوك هي رسايل وردود وصلتني ووصلت ابوابراهيم فالحشو الزايد ماعاد له داعي ;)

"مافات مات وبعض مافات مامات ؟؟؟؟؟؟؟؟؟؟؟ احد (ن) دله واحد (ن) بقلبه حرارة " |3|
مقرشع
02/04/2005, 01:16 PM
مقرشع : صح بدنك يالغالي والزيادة مثل النقص ياخوك هي رسايل وردود وصلتني ووصلت ابوابراهيم فالحشو الزايد ماعاد له داعي ...

صدقت يالبطران وكلامك في محله...

بس انا خابر ان المحاوره تجي نهايتها بشكر او سلام او تحيه او وداع...وينهيها في الغالب البادي في اللعب..لاكن اللي اشوف غير كذا ..وهذا سبب التعجب يالغالي ولاتزعل علي يالبطران تراي قاضب صفك..

تحياتي للجميع
$البطـ777ـران$
02/04/2005, 10:39 PM
معليه مقرشع ربع كلامك صح بس ترى المحاورة بالنت تختلف ياخوك والمطلوب يقدر ينهي المحاورة لمعلوميتك

وبعدين مهوب ضروري تنتهي بسلام او تحية او وداع مثل ماقلت صحح معلومتك ؟؟؟؟؟؟؟؟؟؟؟؟؟؟

وبعدين ياخوك وش محرق رزك اصلح انا وابوابراهيم واللي جاء بينا مايتعدى سعة صدر ويعرف غلاته ومعزته عند ابناخيه

كان ناشك شي بالمحاورة نادني بمحاورة وابشر باللي يرضيك سواء باسمك ذا اوغيره

مااعتقد ان في كلامي شي بيزعلك ياخوك !!!!!!!!!!!!!!!!!!1
مقرشع
02/04/2005, 11:23 PM
لاهنت ..لاهنت ..لاهنت..

تصدق عطيتني معلومه جديده عن المحاوره بالنت اثر الواحد اذا توهق يقدر ينهي المحاوره على كيفه..بيض الله وجهك على هالمعلومه الجديده بالنسبه لي .. :confused:


والله يديم المحبه بينكم ااااامين..

وعلى فكره ترى ماناشني من المحاوره شي بل عكس انا من اللي قاضبين صفك .. |3|

انا فقط كنت استفسر ولاتزعل علي يالغالي...ولاعاد اعيدها مره ثانيه توبه خلاص.. |9|

تحياتي لك....
$البطـ777ـران$
03/04/2005, 12:04 AM
ابد اذا توهقت يابويوسف سو مثلي |3|

ومشكور على قضبة الصفوووووووووووووووووووف كلها |4|