ابو سيف .. اقرررب جاي لاهنت .

[سيف السيف]

الاخ خالد السهلي ...

هلابك ومرحبا في منتداك وبين ربعك ..

واتمنى ان لاياخذ هذا الطاروق ... الكثير من وقتك ..

استلم يا ابو سيف




من هجوسٍ ما يغيرها الزمن والا ظروفه = مرحبا بالشاعر اللي صحبته مشعاب حامي

.
شاعرٍ دين وطالت غيبته قدام اشوفه =قلت يمكن شالته بقعا بعد ما اصبح حرامي!!


.

[سنايدي]

الله الله الله الله




من هجوسٍ ما يغيرها الزمـن والا ظروفـه
مرحبا بالشاعر اللي صحبته مشعاب حامـي

.
شاعرٍ دين وطالـت غيبتـه قـدام اشوفـه
قلت يمكن شالته بقعا بعد ما اصبح حرامي!!






صح لسانك ياسيف الشعر وابرك الساعات اللي نشوفك هنا

انا اليوم محايد وابي اتابعكم فقط
واصلوا واصلو واصلوا واصلو واصلوا واصلو واصلوا واصلو واصلوا واصلو واصلوا واصلو واصلوا واصلو واصلوا واصلو واصلوا واصلو الكبير كبير والليل شعار واصلوا واصلو واصلوا واصلو واصلوا واصلو واصلوا واصلو واصلوا واصلو واصلوا واصلو

[الصييفي]

هلا و الله ببو عبيد/ سيف السيف
وتواجد خالد السهلي بيننا له قيمة
كبيرة، و الآن نشكر تواجده اللي
خلى ابو عبيد يدخل الساحة عقب
غيبة طويلة.

أنا بصف أبو عبيد بانتظار وصول
ابو سيف و حنا كلنا شوق لنتائج
هذا اللقاء بين هذين العملاقين.

عجل يبو سيف لا يطول الانتظار.

و يا هلا

[خالد السهلي]

هههههههههههههههههه

اررررررررررررررررررحب ياخصمي العزيز وصديقي اللدود

لي الشرف و الله

والمعذرة كل المعذرة على التاخير وابشر بسعدك

اصلا انا اللي ادورك كيف ما اشفق على اللعب معك والاستفادة منك
اخواني للي نورتوا الموضوع سنايدي وخشم الرعن بيض الله وجيهكم وحضور سيف من طيبه وطيبكم

واستلم لاهنت

البقا ثم البقا باللي يعزمونه ضيوفه=وان نسانا مانلومه وان نسينا مانلامي
لاتصفق مع صفوف اللي تصافق بك صفوفه=وانتبه لاتتهمني باتهامك يالتهامي

[سيف السيف]

سنايدي

مرحبااابك لاعدمتك

والله يبارك بايامك ..

ومرورك ومتابعتك تسعدنا الله يسعد ايامك ولياليك

----------
-----
--
-

عميدنا الخال العزيز خشم الرعن

ياهلابك ويا مرحبا ..

ومن غير قصور بالجميع ..

والغياب تقصير مني اتمنى ان يجد العذر منكم

وحضورك ومتابعتك هي راس المال لاعدمتك

----------
-----
--
-
هلابك يا ابو سيف

والفايده والمكسب هو تواجدك معنا يالغالي ..

لكن عسى الله يخارجنا منك ... لكن نقول ان شاءالله بعد الانقطاع تكون لياقتك ضعيفه :)

واستلم لاهنت


انت ماينفع معك يا خصمنا شغل المروفه = مير قلبك لا يسج وطرف عينك لاينامي
موقفك مابان والرجال يعرف من وقوفه = وانت يا قربك من اللي مايقيده النظامي

[خالد السهلي]

الله الله

ياسلام

الله يخارجنا على خير من بلاويك ويجيب العواقب سليمة
لو اني داري انك مسجل هنا كان ديورت مع اول الشارع
شوفتك تشغل في راسي ثلاثين طاحون

استلم لاهنت

ابشر اني معك واجزى كل رجلٍ بمعروفه=يابعير القوم درهم وانت مردوم السنامي
ياعسى مانتب رسول اللي علي يصفق كفوفه=تتقي وجه النهار وتنسرق جنح الظلامي

[فيصل]

ابشر اني معك واجزى كل رجلٍ بمعروفـه
.....................يابعير القوم درهم وانت مـردوم السنامـي

صح لسانك يا خالد ويكفي ان جيتك رجعت لنا سيف بعد هالغيبة

واصلوا وانا من المتابعين

[سيف السيف]

هلا يا ابو سيف ..

بالعكس المحل زاد نوره بقدومك لاعدمتك ..

وهذا منتدى الديره ماعنه صده .. ويتشرف بوجودك انت وشرواك

واستلم لاهنت




بكر بازعزوع ف ارقاب البشر مرخي سيوفه= حضرميٍ مايفررق بين هندوسي وشامي
ما كشف شغل الحرامي غير تفزيزه وخوفه =كل ماقالوا يا يامي!! قال انا مانيب يامي


هلابك يا فيصل

ومرورك ومتابعتك هي راس المال يالغالي

والغياب تقصير مني .. واتمنى اني اقدم شيء لمنتدانا الشامخ

لاهنت يافيصل

[ابوساره]

بكر بازعزوع ف ارقاب البشر مرخي سيوفه
حضرميٍ مايفررق بين هندوسـي وشامـي

الله الله يا خال وانا بصفك لا عدمتك ولا عدمنا شعرك الذهبي وعساه وصلك الاهداء بس .

[خالد السهلي]

الللللللللللللللللللللله اللللللللللللللللللله

بحر يابوعبيّد بحر

لاهنت يافيصل لاهنت

استم يابوعبيد

اترك الهندوسي اللي صرت تاخذ من وصوفه=قبل سيف الحضرمي يفرق عظامٍ من عظامِ
والله اني ماعلي من حجرف ولامن خروفه=ميراعرف انه شجاع ونعم في نسل الكرامي

[سيف السيف]

هلابك يا ابو ساره :)

ولاهنت على المرور والمداخله الذهبيه ..

والاهداء والله ماشفت شي وانا خالك .. لكن ماهيب شينه لو ترسله ثاني مره :)

- - - - - - - - -
- - - - -
- -
-



ماعليك زود يا ابو سيف .. منك نتعلم لاعدمتك

واستلم لاهنت


مالفا بالحضرمي غير انت لين ادرك شفوفه =في حياتك شر وإن فارقت مانتب للرحامي
يعرف الشيطان ربه لو عطى درب النكوفه=ولابقى من شلة الشعار يا كود الزلامي


.

[الكاسر]

بسم الله الرحمن الرحيم ...
محاوره ولا اروع واصلوا يالشعار واصلوا


مالفا بالحضرمي غير انت لين ادرك شفوفه
في حياتك شر وإن فارقت مانتب للرحامـي
يعرف الشيطان ربه لو عطى درب النكوفه
ولابقى من شلة الشعار يا كـود الزلامـي



وانا بصفك يا خال من غير قصور بالسهلي .

تحياتي:
الكاسر

[خالد السهلي]

الله الله

استلم لاهنت


الحضارم قوموا سوقك وحطوا لك مضوفة=ثم عزمت الدرزي اللي لاصلاة ولاصيامي
اشرب الفنجال يارجال والروس مخلوفة=ما تصدق لك براسه ولد حماي الجهامي

[العامري]

الصراحة راحة

والحق يقال

هذه المحاورة محاورة عمااااااااااااااااااااااااااااااااااالقة

لا هنتوا جميع

وازهلوا الصفوف

انتم ابدعوا

والباقي علينا

[سيف السيف]

الكاسر

هلابك .. بشرني عنك عساك بخير ؟

يقولون عندك برد ..!! عسى عندك فروه ؟ :)

مشكور على المرور والوقوف بصفي ضد المجرم ابو سيف |2|

استلم استلم ياابو سيف لاهنت


وانت لو تاخذ مع الدجال ياخالد بروفه=ما تغاربها مادام الناس معميها العسامي
بامر ربك كل جمه بعد يومين مغروفه=عقبها نعرف من اللي يستحق الاحترامي



العامري

هلابك ومرحبا

مرورك وإشادتك .. شيء يشرفني ويسعدنا اسعد المولى ايامك ولياليك

ولاهذا بعض مالديك لاعدمناك

[خالد السهلي]

الللللله اللله

اخوي العامري ماعليك زود ولاعنك نقص هههههههه

استلم يابوعبيد

من نقض هاك العقود المبرمة حنا حتوفه=اصبر شويه وكثر الطق يفتك باللحامي
الحبال القاصرة يخنق بها البيه وضعوفه=قد طردنا دونها بالسيف الاتراك الطغامي

[سعد العبود]

الشاعرين المبدعين
سيف السيف
خالد السهلي

بيض الله وجيهكم
واصلوا وازهلوا الصفوف يالذيابة

[سيف السيف]

لاهنت ياخالد السهلي .. واسف على التأخير

وصح لسااانك يا ابو سيف ..


ومشكور على وقتك اللي عطيتنا اياه في هالطاروق ..

وكما عهدتك شاعر محاوره وشاعر نظم من الطراز الاول .. وشاعر ارهابي ايضاً :)

----------
-----
--
-

سعد العبود

هلابك يا ابو ريم

ومشكور على المرور والمتابعه ..

ومايحتاج عارفٍ صفك اللي تبي تقضبه ;) والله لايلومك :)


للجميع كل الود

[خالد السهلي]

هههههههههه

ارحبوا جميعا وبيض الله وجيهكم جميعا

خصوصا لشاعر الكبير اللي شرفنا بالاستفادة منه