رجم ثهلان
07/07/2003, 11:04 PM
هذه قصيدة للشاعر الكبير سليمان بن شريم رحمه الله ينصح فيها إبنه
يا مل عينٍ في محاجـيرها شوك *** والقلب به عن لذة الـــنوم تكـــاك
لا دك في قلبي من الهم داكــــوك *** جاوبت طربات الحمايم على الـــراك
عزي لحالك يا عزيز وأنا ابــوك *** كان الزمان اللي توطـــاني توطـــاك
إفهم وصاتي يا عزيز وأنا ابــوك *** دامك صغير وغاية العـــلم يقـــراك
تراه ما ينــفعك خالك ولا أخـــــوك *** لا صار ما تقضي لزومك بيمــــناك
وربعك ليا بان الخلل فيك عافـــوك *** أقرب قريب ٍ لك من الناس يشـناك
إن كثر مالك صدقواّ لك وطاعـــوك *** وإن قل ما بيديك شانت حلايـــاك
لو تطلب الما عندهم كان ما أسقوك *** إبعد مزارك عن وطنهم ومــــرباك
وإن طاب حظك صدقوّا لك وحــــبوك *** وإن بار كلن ما يبي غير فرقـــــاك
وإلا إعترض لك من صروف الـنيا صوك *** كلن تبرا منك ماهــــــوب ويـــــاك
هراجة المجلس إلى جــــيت وروك *** منازل ٍ تطرب نظيرك بدنـــياك
وإللا قضى منك اللوازم وخلــــوك *** تفرقوا وأنت إحتمل كل ما جـــــاك
كنك سراج البيت للنور شــــبوّك *** وإلى إنقضى اللازم حدا الربع طفاك
وألا كما ليمونة الحمض مصــــوك ***وإلا قضى منها الطعم فرغــــــــوا ذاك
واللي يجي من رفقته ريب وشكوك *** أحذر عنه لياك تصدف بمـــسراك
وإلا جفوك أهل الوطن وإســـتخفوك *** قلّع غريسك منه وإهدم ركايـــاك
تراك لو تنجع على الربع صـــعلوك *** أحسن من اللي نلتجي به وياطـــــاك
عطهم وضيفهم إلا منهم جــــوك *** وإغلق ضميرك لا تعلم بقصــياك
إن طبت ما حبوّك وإن عبت زالــــوك *** تمضي حياتك ناقل ٍ داك بريــاك
وإلى نفوك إمن الوظيفه وعافـــوك *** خفتّ موازينك وكلن تهـــــقواك
وإصحى لخلان الرخا لو تغــــالوك *** إعرف ترى أطيبهم إلى إحتجت يجفاك
كنك خوي مقيط دهووك وأغـــووك *** وحقك عطاك رشاك وأقفى وخـــلاك
وإحذر عن العلة ترى الحق مـــدروك *** مثل العمل يدركك ما منه فكـــــاك
وإن كان عدوانك على الضيق حدوك *** فإخصم طلابتهم بعجفاك وقــــداك
وإن كانهم لمشرّف الحق ماشــــوك *** ناظر مطاليع الفرج قبل مــــبداك
وإن طاوعوا شيطان الأنفس وهانوك *** فإصبر على البلوى ودفنك رزايــــــــاك
زرهم تراك إلــــيا تونــــيت زاروك *** إن ما بديت لصاحب السؤ يبـــداك
ما دامهم ما طاوعــــوا لك وعرفوك *** إضرب على الكايد إلى عمست رياك
لو هذبوك إمن المصاوب وضــــدوك *** ما يذبحونك قبل تدني مـــناياك
وإحلم على الجاهل ترى الحلم مبروك *** وقم للضعيف اللي من الظيم ينخاك
وإدمح خطا جيران بــيتك إلى أوذوك *** ترى القصير وحرمة الجار بحــــماك
عطهم لوازم حقهم لو تناســـوك *** في كل ما يصلح لدينك ودنـــــياك
وقم للضيوف اللي لفوا لك وضافوك *** أغلى كرامتهم حجاجك وبشــــراك
وإعرف ترا مالك للأضياف مشــروك *** لولاه يطلب حاجته منك ما جــــاك
وقم للرجال إن رايعوا لك وحبــــوك *** وإحشم خويك وأكرمـه عند ملـــفاك
وإلى إعتبرت بسيرة الناس كفــوك *** ما كثر من شي أتعبك ثم عــــناّك
ولولا تبات بهمّ دنياك مظــــنوك *** ما طاب لك ما دام لك وإفتـــهم ذاك
لو يطلبون إخفايك الناس ما أخفوك *** الرجل مثل النجم في كل الأفــــلاك
وصلاة ربي عدّ الأوراق والشـــــوك *** أو ناض براق ٍ وما هل ســــفاك
على الذي ما فيه ريب ٍ ولا شكوك *** امحمد ٍ ما دك بالقــــلب دكــــاك
يا مل عينٍ في محاجـيرها شوك *** والقلب به عن لذة الـــنوم تكـــاك
لا دك في قلبي من الهم داكــــوك *** جاوبت طربات الحمايم على الـــراك
عزي لحالك يا عزيز وأنا ابــوك *** كان الزمان اللي توطـــاني توطـــاك
إفهم وصاتي يا عزيز وأنا ابــوك *** دامك صغير وغاية العـــلم يقـــراك
تراه ما ينــفعك خالك ولا أخـــــوك *** لا صار ما تقضي لزومك بيمــــناك
وربعك ليا بان الخلل فيك عافـــوك *** أقرب قريب ٍ لك من الناس يشـناك
إن كثر مالك صدقواّ لك وطاعـــوك *** وإن قل ما بيديك شانت حلايـــاك
لو تطلب الما عندهم كان ما أسقوك *** إبعد مزارك عن وطنهم ومــــرباك
وإن طاب حظك صدقوّا لك وحــــبوك *** وإن بار كلن ما يبي غير فرقـــــاك
وإلا إعترض لك من صروف الـنيا صوك *** كلن تبرا منك ماهــــــوب ويـــــاك
هراجة المجلس إلى جــــيت وروك *** منازل ٍ تطرب نظيرك بدنـــياك
وإللا قضى منك اللوازم وخلــــوك *** تفرقوا وأنت إحتمل كل ما جـــــاك
كنك سراج البيت للنور شــــبوّك *** وإلى إنقضى اللازم حدا الربع طفاك
وألا كما ليمونة الحمض مصــــوك ***وإلا قضى منها الطعم فرغــــــــوا ذاك
واللي يجي من رفقته ريب وشكوك *** أحذر عنه لياك تصدف بمـــسراك
وإلا جفوك أهل الوطن وإســـتخفوك *** قلّع غريسك منه وإهدم ركايـــاك
تراك لو تنجع على الربع صـــعلوك *** أحسن من اللي نلتجي به وياطـــــاك
عطهم وضيفهم إلا منهم جــــوك *** وإغلق ضميرك لا تعلم بقصــياك
إن طبت ما حبوّك وإن عبت زالــــوك *** تمضي حياتك ناقل ٍ داك بريــاك
وإلى نفوك إمن الوظيفه وعافـــوك *** خفتّ موازينك وكلن تهـــــقواك
وإصحى لخلان الرخا لو تغــــالوك *** إعرف ترى أطيبهم إلى إحتجت يجفاك
كنك خوي مقيط دهووك وأغـــووك *** وحقك عطاك رشاك وأقفى وخـــلاك
وإحذر عن العلة ترى الحق مـــدروك *** مثل العمل يدركك ما منه فكـــــاك
وإن كان عدوانك على الضيق حدوك *** فإخصم طلابتهم بعجفاك وقــــداك
وإن كانهم لمشرّف الحق ماشــــوك *** ناظر مطاليع الفرج قبل مــــبداك
وإن طاوعوا شيطان الأنفس وهانوك *** فإصبر على البلوى ودفنك رزايــــــــاك
زرهم تراك إلــــيا تونــــيت زاروك *** إن ما بديت لصاحب السؤ يبـــداك
ما دامهم ما طاوعــــوا لك وعرفوك *** إضرب على الكايد إلى عمست رياك
لو هذبوك إمن المصاوب وضــــدوك *** ما يذبحونك قبل تدني مـــناياك
وإحلم على الجاهل ترى الحلم مبروك *** وقم للضعيف اللي من الظيم ينخاك
وإدمح خطا جيران بــيتك إلى أوذوك *** ترى القصير وحرمة الجار بحــــماك
عطهم لوازم حقهم لو تناســـوك *** في كل ما يصلح لدينك ودنـــــياك
وقم للضيوف اللي لفوا لك وضافوك *** أغلى كرامتهم حجاجك وبشــــراك
وإعرف ترا مالك للأضياف مشــروك *** لولاه يطلب حاجته منك ما جــــاك
وقم للرجال إن رايعوا لك وحبــــوك *** وإحشم خويك وأكرمـه عند ملـــفاك
وإلى إعتبرت بسيرة الناس كفــوك *** ما كثر من شي أتعبك ثم عــــناّك
ولولا تبات بهمّ دنياك مظــــنوك *** ما طاب لك ما دام لك وإفتـــهم ذاك
لو يطلبون إخفايك الناس ما أخفوك *** الرجل مثل النجم في كل الأفــــلاك
وصلاة ربي عدّ الأوراق والشـــــوك *** أو ناض براق ٍ وما هل ســــفاك
على الذي ما فيه ريب ٍ ولا شكوك *** امحمد ٍ ما دك بالقــــلب دكــــاك