المساعد الشخصي الرقمي

مشاهدة النسخة كاملة : سعد العبود ...كلاكيت للمرة الثانية

$البطـ777ـران$
14/04/2005, 06:34 PM
السلام عليكم ورحمة الله وبركاته

سعد بن عبود مادام كلنا تستاسع صدورنا باللعب مع بعض فاتمنى قبول دعوتي باللعب معك

استلم لاهنت :


ياسعد حضّر ومن زود التحدّي = بتركك تهجم وانا امسبّل بيدّي
ثمّ بفرك خشتك وتشوف جدي = لا ارحم الله من عصا الله ياجماعة
حالفن باللي على العرش استوا = لا تورسلكم كديش امجمّعه
كان فيكم شخص واحد ماانكوا = دلّني واللعب معكم مطمعه
سعد العبود
14/04/2005, 08:11 PM
وعليكم السلام ورحمة الله وبركاته
ترا (اوا) يمكن تصير صعبه وتخليك تحط كلاكت ثالث مره انصحك تحط قافيه سهله في كلاكت ثالث مره عشان تقدر تواصل فيها |3|

اما بالنسبة لقبول الدعوة مهيب عادة لي ارفض دعوة الطيبين :


لا حضر مسعاد ما اضنك تعدى=اعرف الذيب يتعشى ويتغدى
وانت مثلك ماهقيت انه يضدى=لا رحم الله من عصا الله يا جماعة


واحدٍ من كثر طقي له ثوا=انتثر واليوم عجز اجمعه
هرجه اللي قال طار امع الهوا=وان سمعته جيت غصب اقمعه
سنايدي
14/04/2005, 08:49 PM
الله الله الله
صح لسانك يالبطران
وصح لسانك يابويوسف
كلكم شعار من الدرجه الاولى ولافيه شك في ذالك
الليل الليل ترا انا الي تعبت بينكم مغير تسحبون فيني من مكان الى مكان :D
والمره اللي فاتت كانت بروفا وهالمره (اكشن حانوًصر)

والثانيه ثابته<<<<<< |3|
$البطـ777ـران$
16/04/2005, 02:57 AM
سنايدي : ابشر بسعدك جعلي ماابكيك وان بغيت ثالثة ورابعة وخامسة علمني وعلم سعد باي وقت

الثنائي السكب ابو كاف وحدة ومقرررشع ابو ثلاث راءات : ارحب شرفتوا |268|

سعد راجعت محاوراتك ولقيتك اشوا تعرف تشيل هالطرقين وقلت اجيبهم لك !!!! انا حبيّب عاد |268|
والقاف ماراح يشيب وانت موجود بس اهم شي اللحن اضبطه ياخوك |278|

استلم لاهنت :


ليت بعض الناس نقطنا ابسكوته = لاحضر مسعاد شتنا الميم شوته
ثم تنحنح كل منا ابعال ِ صوته = لا ارحم الله من عصا الله ياجماعه


جاني المقرووود وادري مااهتوا = ودّه انه مادخل بالمعمعه
دوب عظمه ياجماعه ماقوا = قاعدن له وامر ربي من سعه
زجران
16/04/2005, 06:58 AM
ليت بعض الناس نقطنا ابسكوتـه
,,,,,,,,,,,,,,,,,,,,,,لاحضر مسعاد شتنا الميم شوتـه

الله الله يالبطران قويه !!!!


واصلوا والصفوف ازهلووووها وارقد عن الصف يابويوسف
سعد العبود
16/04/2005, 01:06 PM
هلا والله بسنايدي حياك الله وعساك قضبن صفي يالنشمي .....
السكب ومقرشع حياكم الله وعقبال فك الحصار .......
زجران : هلا والله وغلا ولاهنت على قضبة الصف يالنشمي ...
البطران استلم لاهنت :

رافعٍ نفسي عن هروج السفاله=وازنٍ عقلي بميزان العداله
والسبب مكرم هل الصرح ورجاله=لا حم الله من عصى الله يا جماعة

ذيب ضلعٍ لا عوى ما حدٍ عوا=شايفن اللي فعله وتسمعه
ودنا نسحن لحضرتك الدوا=لين يشفى من مرضه الامعه
فارس تميم
16/04/2005, 02:08 PM
صح لسانكم يالشعار وبيض الله وجيهكم
ولعتوا الميدان الله يقويكم، وعز الله انكم عطيتوا المنتدى طعم ثاني ماينمل منه

ويالله شدوا حيلكم وانا قاضبن صف شاعرنا البطران بليا قصورن بابوابراهيم

الليل الليل

سنايدي: اسمها : سكوت حنصور مهوب حنوصر!! |268|
سنايدي
16/04/2005, 05:06 PM
ابو يوسف والبطران واصلوا يالنشاما
وانا كنت بصفك منول ولازلت بصفك يابو يوسف

فارس تميم اشكرك على الملاحضه |10|
طيب ليه ماعدلتها لي الله يجزاك خير شاطر بس توقف هالاعضاء المساكين :mad: :mad: |4|
عبدالسلام
16/04/2005, 09:21 PM
السلام عليكم اخواني الشعراء منذ فترة لم ادخل للمنتدى ولكن يبدو ان الجو في هذة الصفحة ساخنة ولكن كأني ارى النهاية قبل نهايتها ولكن
ما اقول لسعد العبودغير
رد كيد المعتدي والله معاك

شعبك الحر والوفي ماشي وراك

خاص لبو يوسف

اما البطران اقول لة الله يعينك تراك طحت بشاعر فحل (الله يعينك)
تحياتي للجميع
عساف النجايب
17/04/2005, 08:39 PM
الشاعر الكبير سعد العبود ..

ازهل الصف يامال الشحم ..وانا بصفك يالغالي ..ولايهون قبيلك .

الحكمه والعقل اجتمعن فيك يالذيب

رافعٍ نفسي عن هـروج السفالـه
وازنٍ عقلـي بميـزان العـدالـه
والسبب مكرم هل الصرح ورجاله

جعلني والله ما ابكيك يالحكيم والله العظيم حكيممممممممممممممممممممم..
$البطـ777ـران$
20/04/2005, 08:13 PM
اسفين على التأخير يالربع والله لايريكم مكروه بغالي

نرجع لمحور حديثنا يابن عبووود |4|

استلم لاهنت :

الكتاب اللي وصلكم ماقريته ! = ماارتفع واطي ولو حاول وطيته
ياحسافة ليت عقلك ماطريته = لا ارحم الله من عصى الله ياجماعه
ايه خلووووووها


اختلط صوت العوا ويّا الموا = عرفت اسعيده دروب الملكعه
انشوا المصيود والا ماانشوا؟ = حطوا المشوي بصيخي وارفعه
$البطـ777ـران$
21/04/2005, 02:02 AM
فارس تميم : ارحب شرفت المحاورة جعلي ماابكيك والى قضبت الصف عزالله ان ماعلي خوف

سنايدي : لاهنت على المتابعة لازلت اتشرف بمرورك يالقرم في اي صف لاعدمتك

عبدالسلام : مرحبن بك ولابه لا معتدي ولا غيره الله يكفينا الشر

عساف : ولاتهون مشكور على المتابعة باي صف
سعد العبود
22/04/2005, 01:08 PM
فارس تميم :
مشكور على المرور ....
سنايدي :
مشكور على المتابعة ....
عبدالسلام :
هلا بك يا طول العمر وبيض الله وجهك ....
عساف النجايب :
بيض الله وجهك على قضبة الصف لا خلا ولا عدم ...


ما ابطى من جا يا بطران واحسن الله عزاك بجدتك ....
استلم لا هنت :

مرتفع واجد عن هروج البزورة=ما نبي بحث الخوافي والجحورة
مكرم العالم و أخاف اعلان ثوره = لا رحم الله من عصى الله يا جماعة


يا وريعٍ سامعيينٍ له صوا=انحجر فالطين هو واللي معه
يذكرونه في زمانه ما غوا=بس جاه اللي هواه وطمعه

الاخ البطران مشكور على الدعوة اتمنى ان التقي معك في محاورات قادمة ....
$البطـ777ـران$
22/04/2005, 01:49 PM
الاخ سعد الله يجزاك خير ولا يريك مكروه بغالي

وجمل الله حالك ومشكور على قبول الدعوة ونشوفك بمحاورات قادمة