ياروق مروين القنا والرهيفي=يا متعبين سموة السرج والكور
يوم الحليف يلد يم الحليفي=حليفكم يوم الاكاوين منصور
العرف فيكم ما نخبره قصيفي=ورجالكم برواية الحق مذكور
كيف الذيابي صار حيد(ن) محيفي=غادي وعلمه للعرب راس باكور
امنين ياراوي علوم العريفي=ماجود والا مع هل الكهف مقبور
من يروي القاله وقلبه نظيفي=ينشد عن أقصاها هل العرف والشور
اللي كتبها فيه طبع(ن) قطيفي=واللي روى كنه معرق وماجور
ياكاتب القصة بالأبيات زيفي=خطاك يوم تشاور العمي والعور
مايقلب القالات غير الضعيفي=اللي وطاه الوقت ماعد له دور
يا كم علم( ن) خابرينه طريفي=مير العقول ثقال والعلم مصرور
أباسمع الأصقه وأوري الكفيفي=الذيب عاوي والحجا راسه اسبور
حمل(ن) على مثلي وشيله خفيفي=في حق شيبان(ن) مشاكيل وغمور
يوم الرغامه واليمن والصريفي=وقفوا مع ابن سعود طابور طابور
والفرق بين ماش فرق(ن) طفيفي=بين الصحيح وبين الأحلام والزور
الضايع بكيفه وانا امشي بكيفي=ولاني على ظلم المخاليق مامور
لو الذيابي حل راس السفيفي=ما كان في ذكر الأكاذيب مجبور
مير انشد الضلع الطويل المنيفي=يعطيك علم(ن) عند الأجواد مخبور
يوم الرمك والجيش ترعى عفيفي=حنا رقايبنا على عالي القور
حمل (ن) على الرديان شيله كليفي=شلناه في يوم(ن) مورخ ومشهور
جتنا ذيابة نجد تهرف هريفي=تبي وضيع(ن) في حمى الدار مزبور
كل(ن) ثنا دونه ونسي الوليفي=من دون ما وجهه ليا نفخة الصور
وعلّمك في كسرة جيوش الشريفي=في ساعة(ن) يظهر بها كل منعور
لين السلاطين اومرو بالنكيفي=الملح له دخان والدم شختور
وكم طامع(ن) ارهى وعوّد عسيفي=أرخص بروحه مير ماشاف مقدور
و لنا ثلاثمية ربيع(ن) ونيفي=في نجد بين ذياب وفهود ونمور
ما وخذ منا ما يعادل رغيفي=ومن حافنا غره كسرناه بالنور
وقول العضياني كما حد سيفي=نستاهل ومثله مجمّل ومشكور*
وشاعر هوازن ما لقوله وصيفي=واهل الجزيرة له ليا قال جمهور*
بيرق مدايحنا ثبت له رفيفي=عند العوارف والمطاليق منشور
آلاد زيد مزبنين المخيفي=اللي زبن دمه محلل ومهدور
ولا نبخس رجال(ن) ولاهم شريفي=أما رحم والا رفيق(ن) من دهور
والضلع بحمانا جنابه مريفي=نقفي ونقبل به مسانيد وحدور
ولو اذهلان بظفنا جاه حيفي=ما جالنا جوفه بساتين وقصور
وان كان ملكه فيه معنا رديفي=عسى منازلنا تحت فيته بور

يابــطــانـه الــدولــه تــراكـم مـخـلـــين .
والــشعـب امـانـه والامـانـه بالاعـنـاق.
حـكـامـنـا دايـــم عـلــيــنــا بـخـيـلـيـن.
واثــر البــلا فـيـكم مـنـافـــق وســراق.
بـيـن المـواطـن شـــغـلـكـم والسـلاطين.
كـذب ونــمــيــمه يامـقــطـعـت الارزاق.
يالشــرذمه يـالفـاسـديــن البـطــولـيـن.
صـرتـم علـينا ارهاب واتـعاب وارهاق.
يالخـاينـين الـلـي على الشعـب طـاغين.
شـيــن يـطـاق وشــي لايـمـكن يــطـاق.
كــل الــدول عن فـقــرنـا الــيـوم داريـن.
حـتــاعلمـنا فـي سـمـا الفــقــر خـفـاق.
وانــتـم مـن الــدولـه تـجـيـكـم مـلايـيـن.
وقــصــور مـبـــنـيه بـهــا كــل مــــالاق.
غـــيــر الاراضــي والـفـلـل والبسـاتين.
عـشـريـن خـدامـه وعــشـريــن ســـواق.
وشــعـب الســعـوديـه منتف من الديـن.
صــارو ضـحايا ارهاب تجـارالاسواق.
والـلبـس غـالـي فـي جـميـع الدكـاكين.
يــادوب نـســتـرهـا من الســر للســاق.
والـزاد سـعــره ويـن وفـلـوسـنا ويـــن.
سـعـره خـيـالـي صـار مـعـاد ينـــطاق.
والـيـوم اجـار الـشـقـه اربـع وعشـرين.
والوضـع لوسـقـنـاه ماعـاد يــنــســاق.
ونــظــام ســـاهــر زود المــر مـــريــــن.
ينـهب جيـوب الشـعب والشعـب مافاق.
ومــن غـيـرها واجــد وهــذي عـنـاويـن.
مانـي مـحسـبـها وانـا خـاطري ضـاق.
صـحـنا وصـحـنـا ثـم صـحـنـا شـقيين.
صيـحه تهز الارض من وسط الاعـمـاق.
الشــر شــر الصــابــريــن الحـلــيـميـن.
الـلـي علـى نـطـح الـمعــاديـن عــشــاق.
مــادام حــنــا فــي يــديــن الـمـلاعــيـن.
صــرنــا نـهـابــــه بـيــن بــايــق وبـــواق.
والــعــار لو نــســكــت وحــنـا مــولــيــن .
عــارن عــلـيـنا بـاخر الــوقــت نــنـبــــاق.
يــالله نــبـا نــرجــم جـمـيـع الـشـيـاطــين.
نــبـا نــــقــص الـعـــرق ونــحــت الاوراق.
ونـــدوس بــالاقدام روس الـــثـــعـــابـــين.
ونــروق الـلــي بــالـــزمــن مــابــعــد راق.

الشاعر:عطاالله عايش الاسيمر الجابري الحربي