مـنتديات بلدة الشعراء

مـنتديات بلدة الشعراء (http://www.alsh3ra.net/vb/index.php)
-   المنتدى الشعبي (http://www.alsh3ra.net/vb/forumdisplay.php?f=6)
-   -   جديده (http://www.alsh3ra.net/vb/showthread.php?t=28516)

الصييفي 03/11/2015 03:46 PM

جديده
 
طازه:

الديره اللي خيرها يضفي على جار و صديق= و في داخل الدولة يعم البدو هم و ايا الحضر
ابوابكم مفتوحةٍ و صدوركم حاشا تضيق= و في خدمة الديره و اهلها ما يغض الكم بصر
و من عهد ابوك العود حبل الحق بيديكم وثيق= و الكل منكم للوطن و الدين حياته نذر
انتم ترعرعتم بديرتكم مع باقي الفريق= تمسون من عقب التعب معنا و تصحون الفجر
حنا ولانا الْكم و لا نسمع ثغاء و الا نهيق= نفدى بلاد محمد الامّي و ابو بكر و عمر
يا سيدي سلمان لعل السلامه لك رفيق= لعلها دايم معك في حل و الا في سفر
في كل ديره حولنا يا سيدي شبّت حريق= و من خلقت الدنيا لهيب النار يبدا من شرر
اقضوا على الفتنه بمهده قبل شيطانه يفيق= ولا تاخذك بالحق لومة زيد هو و ايا عمرو
لا تنتظر حتى بذور الشر يصبح له وريق= و تقوى على السيقان و تسبب لنا اصناف الضرر
و اللي ينادي في حقوق انسان به جرحٍ عميق= بشعوبهم نلقى حقوق المرء رايحةٍ هدر
لا جت لأمن بلادهم ما به حليف و لا شقيق= و لا يراعوا حق للحِيوان و الا للبشر
عهدك بدا يبو فهد في فتح منهاج و طريق= نمشي بها و الروس واصلةٍ الى حد القمر
من بعد ما كان العرب بسباتهم محدن يفيق= احييت فيهم نخوة كادت تموت من القهر
قلت: اليمن اصل العرب و لدارنا جارٍ لصيق= لو تاخذه ايران ما للملكه دونه عذر
و الحوثي اللي جندوه الفرس و امسى له نعيق= و عفاش معهم جيش جيوشه و ببلاده غَدر
ارسلت جيشٍ للتحالف شامخٍ كنّه طويق= ما بين طيار و مشاةٍ كلهم عزم و سِطَر
و العاصفه ما بين حزم و عزم بالحق الحقيق= دكّت قلاع الشرّ و اصبح من بَعَدْ عينٍ أثر
و قبلك ابو فيصل و كان بفزعته صلب و سبيق= قال الكويت تعود لو بالدم مشينا نهَر
و بعده ابو متعب قبل صدر "الخليفه" ما يضيق= ارسل لهم درع الجزيره و احتماها و انتشر
هذي عوايدنا الى نادى لفزعتنا غريق= و لا صاح ينخانا كسير العظم باذن الله جبر
و ارسلتوا الطلاب لاجل العلم، في بحرٍ عميق= في وسطه اللولو و لكن داخله موتٍ حمر
ان ما رعيناهم بعين الود راحوا به فسيق= و جونا العقول مغيّبه، ضد البلد و اللّي عَمَر
يبغون منا متابعه تبعد عن الوادي السحيق= اللي نعرفه من وقع به راح عمره ما ظهر
و يرجع لنا ضحل العلوم و للوطن صدره يضيق= و ينسى البلد و اهل البد من غلطةٍ لا تغتفر
و اللي يعود بهمّته يبغي العمل فيما يليق= لا تتركونه للبطالة و الدواعش و القِشَر
خيراتنا تترى، غدت ما بين "صديق" و "رفيق"= و شبابنا ببيوت اهلهم كلها نوم، و طِفَر
يالله ياللي من بطون النحل تعطينا الرحيق= تحمي الوطن و الدين و تخليه باهله مزدهر
وتحميه من شر العدو من البعيد اللي يويق= و من شر جلدتنا البطينية هل الغي و الدِّشر

ام ريهام 04/11/2015 02:55 AM

و اللـي ينـادي فـي حقـوق انسـان بـه جـرحٍ عميـق
بـشـعـوبـهـم نـلــقــى حــقـــوق الــمـــرء رايــحـــةٍ هـــــدر

سلمت يمينك ياعميد بارك الله فيك وفي كل أهلك

الصييفي 09/11/2015 10:15 PM

اقتباس:

المشاركة الأصلية كتبت بواسطة ام ريهام (المشاركة 471874)
و اللـي ينـادي فـي حقـوق انسـان بـه جـرحٍ عميـق
بـشـعـوبـهـم نـلــقــى حــقـــوق الــمـــرء رايــحـــةٍ هـــــدر

سلمت يمينك ياعميد بارك الله فيك وفي كل أهلك



الله يسلمك يا ام ريهام و يونس وحشتك
شكرا لك على الحضور بهذا المكان الموحش

سعد 16/11/2015 08:00 AM



صح لسانكـ ولا هنت ياعميدنا والله يديم على وطننا وجميع أوطان المسلمين نعمة الآمن والأمان لك كُل الشكر والتقدير

هاني 10/02/2016 07:20 PM

السلام عليكم ورحمة الله وبركاته
ومساكم الله بالخير جميعا
صح لسانك لاهنت ياأبووليد ..دائما متميز

الصييفي 26/02/2016 04:37 AM

اقتباس:

المشاركة الأصلية كتبت بواسطة سعد (المشاركة 471884)


صح لسانكـ ولا هنت ياعميدنا والله يديم على وطننا وجميع أوطان المسلمين نعمة الآمن والأمان لك كُل الشكر والتقدير

صحيت كلك يبو محمد
و تقبل الله منك

الصييفي 26/02/2016 04:48 AM

اقتباس:

المشاركة الأصلية كتبت بواسطة هاني (المشاركة 471892)
السلام عليكم ورحمة الله وبركاته
ومساكم الله بالخير جميعا
صح لسانك لاهنت ياأبووليد ..دائما متميز

هلا ببن العم
عليكم السلام و رحمة الله و الله يسعد صباحك و مساك
صح بدنك يا هاني و لا عليك زود
احييت فينا الايام الخوالي


الساعة الآن 05:47 AM.

Powered by vBulletin® Version 3.8.4
Copyright ©2000 - 2018, Jelsoft Enterprises Ltd.
2003-2011